Nyɛ̀nɛ̀ŋ 15:41 - WƆŊ FƐ̀Ì EBÒ SÌÀŊ DAYÀA

⁴¹ Yèè àŋ naŋ kɔ̀ɛ̀ wɔŋ fùɔ̀ŋ Siilìàa yaà ko Sèlesìà, àŋ yaà nyììne sùà ke gbòò anyuùŋ hààwe nyàŋ maŋ jii e nyaàiŋ dè wo Jisɛ̀.

Nyɛ̀nɛ̀ŋ 15:41 ပူးပေါင်းရင်းမြစ်များ

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Nyɛ̀nɛ̀ŋ 15:23

E mìè nyààŋ wɔŋ fɛiɔ̀ àŋ naŋ wa sìngè wɔŋ naŋ woò wààŋ, “Yàwi, aŋ wùìya nyàŋ, aŋ keela tàeɗùù nyaŋ yaà aŋ màmànkùmɛ̀ŋ anyuùŋ hààwe nyàŋ, naŋ tùɔ̀ŋ e zùùmò e mɔ̀ɔ̀nɔŋ koɓɛ̀ nyɛ̀iŋ nyàŋ kinɛiŋ naŋ kìlè koɓɛ̀ wo Kanaà Dayà nyaŋ, kɛɛ niŋ fè àŋ Juùù nyuuŋ nyàŋ ko Aŋtiɔ̀, ko Siilià, yèè ko Sèlesìà.

Nyɛ̀nɛ̀ŋ 15:32

Aŋ wɛ̀ìjì tìyèe nyàŋ, wo Juɗà yèè wo Silà, naŋ wa gbòò anyuùŋ hààwe nyàŋ kɔɔ wèè e teenga mùnlaŋ wèè kɛ̀ aŋ kɛɛnɛ̀ŋ maŋ jii nyingè yèè e gààŋ.

Nyɛ̀nɛ̀ŋ 18:18

Wo Pɔɔ̀ naŋ nɔ̀ŋ ko Kɔliìŋ wèè e teenga kpàa bà, yèèngàà wò naŋ fè anyuùŋ hààwe nyàŋ ke miè dìàmaŋ yèè wò naŋ kɔ̀ ko Siilià. Nààŋ wò yaà wa kɔɔyɛ, wo Pɛ̀silià yèè wo Àkuilà nauŋ wa dè maŋjɛ̀wɛ àŋ naŋ kɔ̀ ko Sìŋkulià. Kɛɛ wèè paŋ aŋ sɛɛ̀ wa wɔŋ meeèɔ sùà aŋ ka, wo Pɔɔ̀ naŋ wa dòò e ɗìuŋ nɛ̀ esaɓù kɛ̀ wò naŋ wa jɔ̀ɔ̀ e ɗààhiì koɓɛ̀ Dayài.

Nyɛ̀nɛ̀ŋ 21:3

È naiŋ wa hàì koɓɛ̀ bà ko yèi è yɛmɛ̀ìŋ wa ko Sapulɔ̀, yèè è naiŋ kɔ̀ wɔŋ kùàŋ gbɔnɔŋ wɔŋ dakìɔ diɛŋ ko Taà wɔŋ fùɔ̀ŋ Siilìàa, ko yèi anyùùŋ nyaŋ yaà wa kɔɔyɛ wèè aŋ gè manɛ̀ŋ foo nyiŋ màŋ wɔŋ meeèɔ sùà.

Nyɛ̀nɛ̀ŋ 6:9

Kɛɛ aŋ felaa bà, aŋ yè nyaŋ yaà wa aŋ bà nyiŋ bà ke sààŋ zòòlò aŋ Juùù nyaŋ dìì wèè Anyuùŋ fòlà ɗo dìì nyaŋ, gò wa jàà wò Siiwììŋ kùàŋ dìì. Aŋ Juùù nyɛɛ̀ŋ naŋ wa nɔ̀ŋ aŋ ɗo, kɛɛ àŋ naŋ wa naàŋ yɛ̀mɛ̀ e tɔ̀ɔ̀nyaàŋ nyiŋ nɛ̀. Aŋ Juùù nyɛɛ̀ŋ bà nyiŋ yaà wa anyùùŋ e yìwìà ko Sàlinìŋ, yaà aŋ Juùù nyuuŋ bà e yìwìà ko Àlèzandilà e hààwè maŋ kpàlàùŋ kpàlàùŋ fùɔ̀ŋ Sèlesìàa yèè ko Eesìà. Anyùùŋ nyɛɛ̀ŋ naŋ wa tɔ̀ɔ̀tù wo Siiwììŋ gììyà maŋhɛɛ.

Gàla 1:21

Eɓìèmàŋjɛ̀wɛ̀ tii, mìŋ naŋ kɔ̀ wɔŋ fùɔ̀ŋ Siilìàa yèè wɔŋ fùɔ̀ŋ Sèlesìà.