Nyɛ̀nɛ̀ŋ 15:4 - WƆŊ FƐ̀Ì EBÒ SÌÀŊ DAYÀA

⁴ E hài nyiŋ nɛ̀ ko Jùlusɛ̀làm, anyuùŋ hààwe nyàŋ, aŋ keela nyàŋ, yèè aŋ màmànkùmɛ̀ŋ anyuùŋ hààwe nyàŋ naŋ nyiŋ ɓeeè yèè àŋ naŋ nyiŋ jàà kùàŋ dìì. Wo Pɔɔ̀ yèè aŋ dàwiuŋ nyàŋ naŋ nyiŋ gbàìè jii e nyaàiŋ dè e yèɛ kinɛiŋ wo Dayà naŋ nyiŋ kpuumò àŋ naŋ nyɛ̀nɛ̀ŋ lɛ.

Nyɛ̀nɛ̀ŋ 15:4 ပူးပေါင်းရင်းမြစ်များ

Maafiù 10:40

“Wo nyùnɔ̀ɔŋ gbiŋ jààìŋ kùàŋ dìì wɔ, wo nyùùŋ bi wòim jàà kùàŋ dìì. Yèè wo nyùnɔ̀ɔŋ gbiŋ jààìm kùàŋ dìì wɔ, wo nyùùŋ bì wò jàà wo nyùnɔ̀ɔŋ naim tùɔ̀ŋ wɔ kùàŋ dìì.

Nyɛ̀nɛ̀ŋ 11:30

Kpeiŋ àŋ naŋ wa tà wo Bànaŋɓà yèè wo Sɔɔ̀ ɗùù wèè aŋ koà e nɛɛnɛɛ̀ŋ koɓɛ̀ aŋ màmànkùmɛ̀ŋ anyuùŋ hààwe nyàŋ ko Jùlusɛ̀làm.

Nyɛ̀nɛ̀ŋ 14:27

Nààŋ àŋ naŋ wa hàì ko Aŋtiɔ̀, wo Pɔɔ̀ yaà wo Bànaŋɓà naŋ nyààŋ ke gbòò anyuùŋ hààwe nyàŋ e dèène sùà. Yèè àŋ naŋ nyiŋ gbàìè jii wèè eɗewɛ̀ wo Dayà naŋ nyiŋ kpuumò lɛ, yèè e ɗeweɛ̀ wò naŋ yìlè wɔŋ gbemgbee wèè anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ hààwe wo Jisɛ̀ sùà.

Nyɛ̀nɛ̀ŋ 15:12

Anyùùŋ fuɔŋ nyàŋ gbiŋ naŋ wa nɔ̀ŋ gìli nààŋ àŋ yaà wa kùmìàŋ sùà e jìwààjɛ̀wɛ̀ɛ wo Bànaŋɓà yèè wo Pɔɔ̀ yaà wa kìɛ̀ŋ sùà lɛ nyaàiŋ dè e gàaŋ wo Dayà naŋ wa kiɛ̀ŋ wèè aŋ nyɛ̀nɛ̀ŋ maŋ kèè mèè yèè maŋ tɔ̀ɔ̀màŋsèì keì wèè anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 15:2

E keì bi naŋ wa hìɛ̀ŋ e nyaàntàaŋ wo Pɔɔ̀ yèè wo Bànaŋɓà fèemàŋ. Kpeiŋ àŋ naŋ wa tà wo Pɔɔ̀ yèè wo Bànaŋɓà ɗùù e kpùlìà anyùùŋ bà e yìwìà ko Aŋtiɔ̀ wèè aŋ ka ko Jùlusɛ̀làm aŋ kiɛ̀ŋ ke jii gbài koɓɛ̀ aŋ keela nyàŋ yèè aŋ màmànkùmɛ̀ŋ anyuùŋ hààwe nyàŋ e nyaàiŋ dè e keì lɛɛ̀.

Nyɛ̀nɛ̀ŋ 15:22

Aŋ keela tàeɗùù nyaŋ, yèè aŋ màmànkùmɛ̀ŋ anyuùŋ hààwe nyàŋ, e kpùlìà ke gbòò anyuùŋ hààwe nyàŋ naŋ ɗewè wèè aŋ tà anyùùŋ bà ɗùù wèè aŋ dè wo Pɔɔ̀ yèè wo Bànaŋɓà maŋjɛ̀wɛ aŋ ka ko Aŋtiɔ̀. Kpeiŋ àŋ naŋ tà wo Silà yèè wo Juɗà wo yèɔ àŋ nyaaŋ wa ɓɛìŋ wo Bàsaɓà wɔ ɗùù, aŋ sìèfèìŋ tìyèe anyuùŋ hààwe nyàŋ sùà.

Nyɛ̀nɛ̀ŋ 15:3

Anyuùŋ hààwe nyàŋ naŋ nyiŋ wa tùɔ̀ŋ. Yèè nààŋ àŋ yaà wa kɔɔyɛ, àŋ naŋ kɔ̀ɛ̀ ko Fònisìà yèè ko Sàmilià, àŋ yaà wòò anyùùŋ nyaŋ e ɗeweɛ̀ anyùùŋ nyaŋ fè àŋ Juùù nyaŋ naŋ kìlè koɓɛ̀ Dayài lɛ̀. Ebò lɛɛ̀ naŋ wa fɔ̀ɔ̀yɛ̀ anyùùŋ màŋjɛ̀wɛ̀ Kanaà maŋ jii yèè è naŋ nyiŋ nyìnìè zɔlɔ̀.

Nyɛ̀nɛ̀ŋ 15:6

Aŋ keela nyàŋ yèè aŋ màmànkùmɛ̀ŋ anyuùŋ hààwe nyàŋ naŋ dèènè koɓɛ̀ guùŋ wèè aŋ yɛmɛ̀ e keì lɛɛ̀ dìò sùà.

Nyɛ̀nɛ̀ŋ 16:4

Nààŋ wo Pɔɔ̀ yèè aŋ dàwiuŋ nyàŋ yaà wa kɔ̀ɛ sùà maŋ jawa gbeegbèè maŋ sùà, àŋ naŋ wòò anyuùŋ hààwe nyàŋ e yèɛ aŋ keela tàeɗùù yèè aŋ màmàŋkùmɛŋ nyàŋ ko Jùlusɛ̀làm naŋ wa ɗewè lɛ, yèè àŋ naŋ nyiŋ kìɛ̀ŋ ke jii nyingè wèè aŋ jɔɔlɔ̀ maŋ sàwà maŋ dìì.

Nyɛ̀nɛ̀ŋ 18:27

Kpeiŋ wo Àpolò naŋ ɗewè wèè wo ka wɔŋ fùɔ̀ŋ Àkaayàa sùà. Yèè anyuùŋ hààwe nyàŋ ko Ɛfesɔ̀ nauŋ nyììnè jii, yèè àŋ naŋ sìngè wɔŋ fɛi koɓɛ̀ anyuùŋ hààwe nyàŋ ko jawa bi wèè aŋ jààuŋ kùàŋ dìì. Nààŋ wo Àpolò naŋ wa hàì ko Àkaayà, wò naŋ wa nɔ̀ŋ wo nyuùŋ kpùùmaŋ gbee koɓɛ̀ anyùùŋ nyaŋ gbiŋ naŋ wa hààwè wo Kanaà Jisɛ̀ sùà nyaŋ, esàɓù ke kpèè sìàŋ Dayàa àŋ naŋ nɔ̀ŋ anyuùŋ hààwe.

Nyɛ̀nɛ̀ŋ 21:17

E hài wi ko Jùlusɛ̀làm, anyùùŋ hààwè Kanaà naŋ wi ɓeè e zɔlɔ̀ sùà.

Nyɛ̀nɛ̀ŋ 21:19

Wo Pɔɔ̀ naŋ nyiŋ zuumò yèè wò naŋ nyiŋ wòò e ɗeweɛ̀ wo Dayà nauŋ toomò wèè wo kpùùmàŋ anyùùŋ nyaŋ fè àŋ Juùù nyaŋ.

Luùm 15:18

E yèɛ gbiŋ ngèè mìŋ do nàŋ woò lɛ, nàŋ yaà e nɛ̀ɛŋ wo Jisɛ̀ Kulaì naim gè nyààŋ diɛŋ wèè ka woò janjai lɛ, yèè e tòmoɛ̀ wò manaŋ ka nyɛ̀nɛ̀ŋ lɛ, nàŋ yaà wèè anyùùŋ nyaŋ fè àŋ Juùù nyaŋ auŋ jɔ̀ɔ̀lɔ̀ dìì.

Luùm 15:7

Jàaìŋ aŋ dàwiiŋ nyàŋ kùàŋ dìì, kɛ̀ nàŋ jòòwò wo Dayà, màànààŋ wo Jisɛ̀ Kulaì naiŋ jàà kùàŋ dìì lɛ.

1 Kɔliìŋ 15:10

Kɛ̀ɛ̀ esàɓù e kèì sìàŋ Dayàa sùà, mìŋ yaà naàŋ wo nyùnɔ̀ɔŋ mìŋ yaà wɔ, yèè e kìɛɛ̀ŋ wò naim kiɛ̀ŋ lɛ e gò nɔ̀ŋ wèè foo. Wɔŋ fàa bàa, mìŋ naŋ tomo nyìnga e nìàŋ aŋ keela tàeɗùù gbànaŋ nyàŋ bà gbiŋ, jòòpɛɛ e gò guùŋ nɔ̀ŋ kè nyɛ̀nɛ̀ŋ miàŋ bi sùà, sɔɔ̀ e kìɛ̀ŋ Dayàa yèɛ yààìm maŋjɛ̀wɛ lɛ̀.

2 Kɔliìŋ 5:19

Ke miè gbìaŋ wiɛ̀ è woàìŋ nɛ nàŋ yaà kɛ̀, wo Dayà naŋ wa nyɛ̀nɛ̀ŋ anyùùŋ kpùùŋ ɗuunyaŋ nyàŋ gbiŋ aŋ dàwiuŋ esàɓù Jisɛ̀ Kulaì sùà. Wo Dayà gò wa gbìàŋ màŋ jùumù nyiŋ màŋ kè jiio sùà, yèè wò wi fè ke miè gbìaàŋ ke yèɛ naŋ tɔ̀ɔ̀ e ɗeweɛ̀ wò naŋ nyiŋ mììnè aŋ dàwiuŋ nɛ̀.

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.

Kòlo 4:10

Wo Àlètakɔ̀, wo yèɔ yàwi wuŋ yaà ko sààŋ nyìwìi wɔ̀, naiŋ tùɔ̀ŋ zùùmo. Wo Mài wuŋ pɛɛ, wo wùìyà Bànaŋɓàa, naiŋ tùɔ̀ŋ zùùmo. Yèè èiŋ woò tɛ wìàà, sèè wo Mài haì ko nɛ̀ɛ̀iŋ niìŋ nauŋ ɓeeè.

2Jɔ̀ɔŋ 1:10

Sèè wo nyùùŋ hnàŋ ko nɛ̀ɛ̀ŋ niìŋ wo gò hìàŋ è kàà kii bi, ɓɔ̀ nìŋ jàaùŋ kùàŋ dìì màŋ gbooiŋ màŋ sùà, ɓɔ̀ nìŋ zuumò wò nyùùŋ bi.