Nyɛ̀nɛ̀ŋ 15:36 - WƆŊ FƐ̀Ì EBÒ SÌÀŊ DAYÀA

³⁶ E teenga bà naŋ mààŋ yèè wo Pɔɔ̀ naŋ wòò wo Bànaŋɓà wààŋ, “Kɛ̀ɛ̀ wì maŋjɛ̀wɛ yèè ejaamè anyùùŋ màŋjɛ̀wɛ̀ Kanaà ko jawa gbee gbiŋ ko yèei àŋ naŋ gbòò ke mìè Kanaà Dayà, wèè e yɛmɛ̀ sèè mààŋ kɛ̀ diè àŋ yaà nyinie.”

Nyɛ̀nɛ̀ŋ 15:36 ပူးပေါင်းရင်းမြစ်များ

Maafiù 25:36

Mìŋ yaà wa ke kpanja yèè mùŋ naim kìɛ̀ŋ maŋ dèè, mìŋ yaà wa siinyɛŋ, yèè mùŋ naim jaamè, mìŋ yaà wa ko sààŋ nyìwì yèè mùŋ naim jaamè.’

Maafiù 25:43

Mìŋ yaà wa wo nyùùnèènyɛiŋ yèè niŋ gòim wa jàà kùàŋ dìì kò gbooiŋ màŋ sùa. Mìŋ yaà wa ke kpanja kɛɛ niŋ gòim wa kìɛ̀ŋ màŋ dèè, mìŋ yaà wa siinyɛŋ, yèè ko sààŋ nyìwì kɛɛ niŋ gòim wa jaamè.’

Nyɛ̀nɛ̀ŋ 13:12

E kàa kii lɛɛ̀ naŋ wa fòònò wo nyuùŋ gbeeɔ̀ nààŋ wò naŋ yɛ̀mɛ̀ e yèɛ naŋ wa kaaìŋ lɛ e nyaàiŋ dè wo Kanaà. Kpeiŋ wò naŋ sìè e hààweuŋ nɛ̀ wo Kanaà sùà.

Nyɛ̀nɛ̀ŋ 13:4

Nààŋ wo Jìnàŋ Nɛɛmaàŋ naŋ tùɔ̀ŋ wo Bànaŋɓà yaà wo Sɔɔ̀, àŋ naŋ kɔ̀ ko Sèlesìà. E yìwìà kuii àŋ naŋ wa sɛ̀ɛ̀ wɔŋ meeè sùà yèè àŋ naŋ kɔ̀ ko Sapulɔ̀.

Nyɛ̀nɛ̀ŋ 13:51

Wo Pɔɔ̀ yaà wo Bànaŋɓà naŋ gbùmò e heiɛ̀ ko jawa wii maŋ gòlòò dìì nyiŋ màŋ wèè aŋ tɔɔ̀ kɛ̀ anyùùŋ nyaŋ gò wa jàà kè mìè gbìàŋ Dayàa kùàŋ dìì, yèè àŋ naŋ kɔ̀ ko jawa gbeeì Ìkɔniɔ̀ŋ.

Nyɛ̀nɛ̀ŋ 14:1

Wo Pɔɔ̀ yèè wo Bànaŋɓà naŋ gbòò koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ ko Ìkɔniɔ̀ŋ, màànààŋ nɔŋ àŋ naŋ wa nyɛ̀nɛ̀ŋ ko Aŋtiɔ̀ lɛ, yèè aŋ Juùù nyaŋ yaà aŋ yè nyaŋ fè àŋ Juùù nyaŋ zimgbe nyiŋ naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

Nyɛ̀nɛ̀ŋ 14:21

Wo Pɔɔ̀ yèè wo Bànaŋɓà naŋ wòò Ebò Siaàŋ ko Dɛɓì yèè anyuùŋ zimgbe naŋ kìlè anyùùŋ màŋjɛ̀wɛ̀ wo Kanaà Jisɛ̀. Kpeiŋ àŋ naŋ kɛ̀ɛ̀ maŋjɛ̀wɛ ko Lesità, ko Ìkɔniɔ̀ŋ, yèè àŋ naŋ hàì ko Aŋtiɔ̀ wɔŋ fùɔ̀ŋ Pɛ̀siidìàa sùà.

Nyɛ̀nɛ̀ŋ 14:6

Nààŋ aŋ kèèlà tìyèe nyàŋ naŋ wa tɛɛ̀ kòmò, àŋ naŋ yèwè ko jawa wii maŋ dùaŋ dùaŋ yèè àŋ naŋ kɔ̀ maŋ jawa gbeegbèè nyiŋ màŋ sùà àŋ nyaaŋ ko Lesità yèè ko Dɛɓì, maŋ kpàlàùŋ kpàlàùŋ Làkanià maŋ sùà.

Nyɛ̀nɛ̀ŋ 7:23

“E teengaà wo Mòòze naŋ wa naàŋ hàì maŋ doa kpɛ̀ɛ̀ùŋ tìyèe lɛ̀, wò naŋ wa ɗewè ke jiiuŋ nɛɛ̀ŋ sùà wèè wo jaamè aŋ wùìyauŋ nyàŋ, anyùùŋ Ezɔ̀ɛ̀ nyaŋ.

Luùm 1:11

Mìŋ yaà e wùànàŋ sùà wèè kaiŋ yɛmɛ̀ e kìlà wèè kaiŋ kìɛ̀ŋ e kìɛɛ̀ŋ wo Jìnàŋ Dayàa naim kiɛ̀ŋ lɛ, wèè e hààweiŋ nɛ̀ e nyìngàà sùà.

2 Kɔliìŋ 11:28

Kɛɛ eɓìèmàŋjɛ̀wɛ̀ tii gbiŋ, e niìsìa gbiŋ mìŋ yaà ke jii sɛ̀ɛ̀ sùà wèè ke gbòò anyuùŋ hààwe nyàŋ gbiŋ dìì.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

1Tɛsè 3:6

Wo Timetè kɛ̀ɛ̀ maŋjɛ̀wɛ wò hnàŋ wò dàà mìè ebò siaàŋ nyaàiŋ dè e hààweiŋ nɛ̀, yèè e mànaàŋ nìŋ kuwa lɛ̀. Wò naŋ wi woò kɛ̀ e teenga gbiŋ sùà nìŋ jàà wì jii yèè e wùànàŋ yɛ̀mɛ wi nyɛ̀nɛ̀ìŋ, nààŋ nɔŋ yàwi pɛɛ e wùànàŋ yɛ̀mɛiŋ nyɛ̀nɛ̀ŋ wì lɛ.

2Time 1:4

Mìŋ naŋ jàà ke mìè gòla mɔɛ̀ŋ jii, yèè mìŋ nyɛnɛŋ kaì e wùànàŋ wèè kaum yɛmɛ̀, esaɓù kɛ̀ tɛɛ̀ doim nàŋ dèèyè e zɔlɔ̀ sùà.