Nyɛ̀nɛ̀ŋ 15:33 - WƆŊ FƐ̀Ì EBÒ SÌÀŊ DAYÀA

³³ Aŋ wùìyà tìyèe nyàŋ e yìwìà ko Jùlusɛ̀làm naŋ nɔ̀ŋ ko Aŋtiɔ̀ wèè e teenga kpàa bà koɓɛ̀ anyuùŋ hààwe nyàŋ. Yèè nààŋ àŋ yaà wa naàŋ kɛ̀ɛ̀ sùà maŋjɛ̀wɛ koɓɛ̀ anyùùŋ nyaŋ naŋ nyiŋ tùɔ̀ŋ nyaŋ, anyuùŋ hààwe nyàŋ naŋ nyiŋ gè nyààŋ diɛŋ wèè aŋ ka ke jii fàa sùà. [

Nyɛ̀nɛ̀ŋ 15:33 ပူးပေါင်းရင်းမြစ်များ

Nyɛ̀nɛ̀ŋ 15:22

Aŋ keela tàeɗùù nyaŋ, yèè aŋ màmànkùmɛ̀ŋ anyuùŋ hààwe nyàŋ, e kpùlìà ke gbòò anyuùŋ hààwe nyàŋ naŋ ɗewè wèè aŋ tà anyùùŋ bà ɗùù wèè aŋ dè wo Pɔɔ̀ yèè wo Bànaŋɓà maŋjɛ̀wɛ aŋ ka ko Aŋtiɔ̀. Kpeiŋ àŋ naŋ tà wo Silà yèè wo Juɗà wo yèɔ àŋ nyaaŋ wa ɓɛìŋ wo Bàsaɓà wɔ ɗùù, aŋ sìèfèìŋ tìyèe anyuùŋ hààwe nyàŋ sùà.

Nyɛ̀nɛ̀ŋ 15:34

Kɛɛ wo Silà naŋ wa ɗewè wèè wo jòò ko Aŋtiɔ̀.]

Nyɛ̀nɛ̀ŋ 16:36

Yèè wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ naŋ wòò wo Pɔɔ̀ wààŋ, “Anyuùŋ gbeegbèè nyaŋ nyààŋ miŋ dangèiŋ niŋ ka. Weètii nàŋ ɓɛ̀nɛ̀ŋ kàa ke jii fàa sùà.”

1 Kɔliìŋ 16:11

Wo nyùùŋ gbiŋ ɓɔ̀ wò kɔɔyɛ̀uŋ fɛ̀ɛ̀ sùà, kɛɛ kpùùmaŋ nìuŋ e kàaiuŋ nɛ̀ sùà ke jii fàa diɛŋ, wèè wo kɛɛ̀ maŋjɛ̀wɛ ko nɛ̀ɛ̀ŋ miìŋ. Mìŋ yàaùŋ yɛ̀ɛ̀mɛ̀ dòmaŋ wèè wo kɛɛ̀ yaà aŋ wùìya nyàŋ.

Hiɓu 11:31

E hààwe naŋ nyɛ̀nɛ̀ŋ wo Làhaà, wo nìe nyɛ̀nɛ̀ŋ hmɔŋtuɔ̀, wo Dayà gòuŋ wa jìwà, màànààŋ àŋ naŋ wa jìwè anyùùŋ nyaŋ naŋ wa gììyè wo Dayà maŋhɛɛ nyàŋ, esaɓù kɛ̀ wò naŋ wa jàà anyùùŋ Ezɔ̀ɛ̀ nyaŋ kùàŋ dìì, aŋ yè nyaŋ naŋ wa hnè wèè yɛmɛ̀ e jɛ̀ì kìì fuɔɔ̀ŋ jɛ̀wɛ̀ nyaŋ.

2Jɔ̀ɔŋ 1:10

Sèè wo nyùùŋ hnàŋ ko nɛ̀ɛ̀ŋ niìŋ wo gò hìàŋ è kàà kii bi, ɓɔ̀ nìŋ jàaùŋ kùàŋ dìì màŋ gbooiŋ màŋ sùà, ɓɔ̀ nìŋ zuumò wò nyùùŋ bi.