Nyɛ̀nɛ̀ŋ 15:30 - WƆŊ FƐ̀Ì EBÒ SÌÀŊ DAYÀA

³⁰ Aŋ fèlàà tiinàŋ nyaŋ naŋ yèwè ko Jùlusɛ̀làm yèè àŋ naŋ kɔ̀ ko Aŋtiɔ̀. Kpeiŋ àŋ naŋ nyààŋ anyuùŋ hààwe nyàŋ gbiŋ koɓɛ̀ guùŋ yèè àŋ naŋ nyiŋ kìɛ̀ŋ wɔŋ fɛiɔ̀.

Nyɛ̀nɛ̀ŋ 15:30 ပူးပေါင်းရင်းမြစ်များ

Nyɛ̀nɛ̀ŋ 11:19

Kpeiŋ kɛ̀ anyùùŋ màŋjɛ̀wɛ̀ Kanaà naŋ wa ɓààyè maŋ tàta màŋ sùà esàɓù e kèì nimilàa naŋ wa tɔɔtù e teengaà àŋ naŋ wa jìwè wo Siiwììŋ lɛ. Àŋ naŋ wa kɔ̀ ko Fònisìà, ko Sapulɔ̀, yèè ko Aŋtiɔ̀. Kɛɛ aŋ Juùù nyaŋ nɔŋ àŋ naŋ wa kìɛ̀ŋ ke miè gbìaàŋ.

Nyɛ̀nɛ̀ŋ 11:20

Aŋ Juùù gbòà Guliì mie nyaŋ bà nyiŋ e yìwìà ko Sapulɔ̀ yèè ko Sàlinìŋ naŋ wa kɔ̀ ko Aŋtiɔ̀ yèè àŋ naŋ tɔ̀ɔ̀tù Ebò Siaàŋ kìɛ̀ŋ nyaàiŋ dè wo Kanaà Jisɛ̀ koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 11:27

E teenga lii sùà aŋ wɛ̀ijì nyaŋ bà naŋ wa kɔ̀ ko Aŋtiɔ̀ e yìwìà ko Jùlusɛ̀làm.

Nyɛ̀nɛ̀ŋ 15:22

Aŋ keela tàeɗùù nyaŋ, yèè aŋ màmànkùmɛ̀ŋ anyuùŋ hààwe nyàŋ, e kpùlìà ke gbòò anyuùŋ hààwe nyàŋ naŋ ɗewè wèè aŋ tà anyùùŋ bà ɗùù wèè aŋ dè wo Pɔɔ̀ yèè wo Bànaŋɓà maŋjɛ̀wɛ aŋ ka ko Aŋtiɔ̀. Kpeiŋ àŋ naŋ tà wo Silà yèè wo Juɗà wo yèɔ àŋ nyaaŋ wa ɓɛìŋ wo Bàsaɓà wɔ ɗùù, aŋ sìèfèìŋ tìyèe anyuùŋ hààwe nyàŋ sùà.

Nyɛ̀nɛ̀ŋ 15:31

E zɔlɔ̀ naŋ wa nyɛ̀nɛ̀ŋ anyùùŋ nyaŋ nààŋ àŋ naŋ kpɛ̀nɛ̀ŋ wɔŋ fɛiɔ̀, esaɓù kɛ̀ ke miè gbìaàŋ naŋ nyiŋ wa kìɛ̀ŋ ke jii nyingè.

Nyɛ̀nɛ̀ŋ 16:4

Nààŋ wo Pɔɔ̀ yèè aŋ dàwiuŋ nyàŋ yaà wa kɔ̀ɛ sùà maŋ jawa gbeegbèè maŋ sùà, àŋ naŋ wòò anyuùŋ hààwe nyàŋ e yèɛ aŋ keela tàeɗùù yèè aŋ màmàŋkùmɛŋ nyàŋ ko Jùlusɛ̀làm naŋ wa ɗewè lɛ, yèè àŋ naŋ nyiŋ kìɛ̀ŋ ke jii nyingè wèè aŋ jɔɔlɔ̀ maŋ sàwà maŋ dìì.

Nyɛ̀nɛ̀ŋ 21:22

Kiìŋ è naiŋ naàŋ ɓɛ̀nɛ̀ŋ nyɛ̀nɛŋ? Tɔɔɓaa anyuùŋ wi nyàŋ do nàŋ kòmò kɛ̀ kòò mùŋ yaà kià.

Nyɛ̀nɛ̀ŋ 23:33

Nààŋ àŋ naŋ hàì ko Sesèlià, àŋ naŋ kìɛ̀ŋ wɔŋ fɛiɔ̀ koɓɛ̀ wo Kanaà Filɛ̀ yèè àŋ naŋ kìlè wo Pɔɔ̀ ko nɛ̀ɛ̀uŋ niìŋ.

Nyɛ̀nɛ̀ŋ 6:2

Kpeiŋ aŋ keela tàeɗùù zììyà jɛ̀wɛ̀ tìyèe nyàŋ naŋ nyààŋ ke gbòò anyuùŋ hààwe nyàŋ gbiŋ koɓɛ̀ guùŋ yèè àŋ naŋ woò nyààŋ, “E fè è tɔ̀ɔ̀nyaàŋ wèè eiŋ hɔ̀ànè è tòmò kè mìè gbìàŋ wò Kanaà Dayà gbòa è nyaàiŋ dè wò Kanaà Jisɛ̀ wèè eiŋ hnàŋ ko wòò e kèè nɛɛnɛŋ.