Nyɛ̀nɛ̀ŋ 15:3 - WƆŊ FƐ̀Ì EBÒ SÌÀŊ DAYÀA

³ Anyuùŋ hààwe nyàŋ naŋ nyiŋ wa tùɔ̀ŋ. Yèè nààŋ àŋ yaà wa kɔɔyɛ, àŋ naŋ kɔ̀ɛ̀ ko Fònisìà yèè ko Sàmilià, àŋ yaà wòò anyùùŋ nyaŋ e ɗeweɛ̀ anyùùŋ nyaŋ fè àŋ Juùù nyaŋ naŋ kìlè koɓɛ̀ Dayài lɛ̀. Ebò lɛɛ̀ naŋ wa fɔ̀ɔ̀yɛ̀ anyùùŋ màŋjɛ̀wɛ̀ Kanaà maŋ jii yèè è naŋ nyiŋ nyìnìè zɔlɔ̀.

Nyɛ̀nɛ̀ŋ 15:3 ပူးပေါင်းရင်းမြစ်များ

Luù 15:32

Kɛɛ è kuwa eiŋ gè zɔlɔ̀ esaɓù kɛ̀ wo wùìyà mɔɔ̀ŋ naŋ mɛ̀iŋ fɔ̀, kɛɛ kòò wò yaà naàŋ wɔŋ nyiiŋ gèeɔ̀ sùà, wò naŋ wa go, èuŋ mɛɛ̀ŋ.’ ”

Nyɛ̀nɛ̀ŋ 1:15

Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 13:48

Ke miè gbìaŋ yɛɛ̀ naŋ wa fɔ̀ɔ̀yɛ̀ anyùùŋ nyaŋ fè àŋ Juùù nyaŋ maŋ jii, yèè àŋ naŋ tɛ̀nɛ̀ŋ ke mìè Dayàa. Kpeiŋ anyùùŋ nyaŋ gbiŋ naŋ wa nɔ̀ŋ ke ɗuù tà nyàŋ wèè wɔŋ nyiiŋ gèe gò jùàa naŋ gbìɛ̀ŋ e hààwe nyiŋ nɛ̀ wo Kanaà Jisɛ̀ sùà.

Nyɛ̀nɛ̀ŋ 13:52

Kɛɛ anyuùŋ hààwe nyàŋ ko Aŋtiɔ̀ yaà wa e zɔlɔ̀ zimgbe sùà yèè wo Jìnàŋ Nɛɛmaàŋ yaà nyiìŋ wa maŋjɛ̀wɛ.

Nyɛ̀nɛ̀ŋ 14:27

Nààŋ àŋ naŋ wa hàì ko Aŋtiɔ̀, wo Pɔɔ̀ yaà wo Bànaŋɓà naŋ nyààŋ ke gbòò anyuùŋ hààwe nyàŋ e dèène sùà. Yèè àŋ naŋ nyiŋ gbàìè jii wèè eɗewɛ̀ wo Dayà naŋ nyiŋ kpuumò lɛ, yèè e ɗeweɛ̀ wò naŋ yìlè wɔŋ gbemgbee wèè anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ hààwe wo Jisɛ̀ sùà.

Nyɛ̀nɛ̀ŋ 15:1

Anyùùŋ bà naŋ wa hnè e yìwìà ko Jùdià aŋ kà ko Aŋtiɔ̀ yèè àŋ naŋ tɔ̀ɔ̀tù anyuùŋ hààwe nyàŋ kàa nyààŋ, “Wo Dayà naàìŋ joeyè, sɔɔ̀ naŋ nɔ̀ŋ kpùa jàaiŋ màànààŋ e làngì Mòòzeɛ̀ naŋ kaà lɛ.”

Nyɛ̀nɛ̀ŋ 15:12

Anyùùŋ fuɔŋ nyàŋ gbiŋ naŋ wa nɔ̀ŋ gìli nààŋ àŋ yaà wa kùmìàŋ sùà e jìwààjɛ̀wɛ̀ɛ wo Bànaŋɓà yèè wo Pɔɔ̀ yaà wa kìɛ̀ŋ sùà lɛ nyaàiŋ dè e gàaŋ wo Dayà naŋ wa kiɛ̀ŋ wèè aŋ nyɛ̀nɛ̀ŋ maŋ kèè mèè yèè maŋ tɔ̀ɔ̀màŋsèì keì wèè anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 15:22

Aŋ keela tàeɗùù nyaŋ, yèè aŋ màmànkùmɛ̀ŋ anyuùŋ hààwe nyàŋ, e kpùlìà ke gbòò anyuùŋ hààwe nyàŋ naŋ ɗewè wèè aŋ tà anyùùŋ bà ɗùù wèè aŋ dè wo Pɔɔ̀ yèè wo Bànaŋɓà maŋjɛ̀wɛ aŋ ka ko Aŋtiɔ̀. Kpeiŋ àŋ naŋ tà wo Silà yèè wo Juɗà wo yèɔ àŋ nyaaŋ wa ɓɛìŋ wo Bàsaɓà wɔ ɗùù, aŋ sìèfèìŋ tìyèe anyuùŋ hààwe nyàŋ sùà.

Nyɛ̀nɛ̀ŋ 15:32

Aŋ wɛ̀ìjì tìyèe nyàŋ, wo Juɗà yèè wo Silà, naŋ wa gbòò anyuùŋ hààwe nyàŋ kɔɔ wèè e teenga mùnlaŋ wèè kɛ̀ aŋ kɛɛnɛ̀ŋ maŋ jii nyingè yèè e gààŋ.

Nyɛ̀nɛ̀ŋ 15:4

E hài nyiŋ nɛ̀ ko Jùlusɛ̀làm, anyuùŋ hààwe nyàŋ, aŋ keela nyàŋ, yèè aŋ màmànkùmɛ̀ŋ anyuùŋ hààwe nyàŋ naŋ nyiŋ ɓeeè yèè àŋ naŋ nyiŋ jàà kùàŋ dìì. Wo Pɔɔ̀ yèè aŋ dàwiuŋ nyàŋ naŋ nyiŋ gbàìè jii e nyaàiŋ dè e yèɛ kinɛiŋ wo Dayà naŋ nyiŋ kpuumò àŋ naŋ nyɛ̀nɛ̀ŋ lɛ.

Nyɛ̀nɛ̀ŋ 17:15

Anyùùŋ nyaŋ naŋ wa dè wo Pɔɔ̀ maŋjɛ̀wɛ nyàŋ nauŋ wa kɔɔ̀ auŋ hàlèè ko Atɛ̀ìŋ. Anyùùŋ nyɛɛ̀ŋ naŋ wa kɛ̀lɛ̀ɛ̀ ke miè gbìaŋ e yìwìà wo Pɔɔ̀ sìwè wèè koɓɛ̀ wo Timetèi yèè wo Silà, wààŋ aŋ ka koɓɛ̀i wò yaà lɛ.

Nyɛ̀nɛ̀ŋ 20:38

Ke nyowoɛ̀ naŋ wa nyɛ̀nɛ̀ŋ aŋ gbiŋ esaɓù kɛ̀ wo Pɔɔ̀ naŋ nyiŋ wa woò wààŋ, “Niŋ naàim wa nàwèè ɓɛìŋ yɛmɛ̀.” Yèè aŋ gbiŋ nauŋ kɔ̀ɔ̀ koɓɛ̀ wɔŋ meeèɔ.

Nyɛ̀nɛ̀ŋ 21:5

Kɛɛ nààŋ e teengaà è manaŋ wa è nɔ̀ŋ ko nɛ̀ɛ̀ŋ nyiŋ niìŋ lɛ naŋ jùò, è naiŋ wa ɓɛìŋ tɔ̀ɔ̀tù e kàaiŋ wilɛ̀. Aŋ kpàkòò nyaŋ gbiŋ, e hààwè aŋ jàwè yèè aŋ jɔ̀à nyiŋ nyàŋ, naŋ wi wa dè maŋjɛ̀wɛ e yìwìà ko jawaì eiŋ kà wɔŋ juwoɔ̀ kɔɔ, kuŋ yàwi nààŋ gbiŋ naiŋ wa dè maŋ gɛ̀ɛ̀ŋ dìì yèè è naiŋ zoolò.

Nyɛ̀nɛ̀ŋ 28:15

Anyuùŋ hààwe nyàŋ ko Luùm naŋ kòmò ebò wi yèè àŋ naŋ hnè e bòliɛ̀ sùà ko Apiɔ̀ yèè koɓɛ̀i àŋ nyaaŋ wa nyààŋ maŋ Sààŋ Nyùnèè Nyɛ̀ìŋ Taai màŋ wèè aŋ wi mɛɛ̀ŋ. Nààŋ wo Pɔɔ̀ naŋ nyiŋ wa yɛmɛ̀, wò naŋ wa gè wo Dayà esɛ̀ weè nyiŋ yèè è nauŋ kìɛ̀ŋ ke jii nyingè.

Nyɛ̀nɛ̀ŋ 8:14

Nààŋ aŋ keela tàeɗùù nyaŋ ko Jùlusɛ̀làm naŋ wa kòmò kɛ̀ anyùùŋ nyaŋ ko Sàmilià jàà ke mìè Dayàa kùàŋ dìì, àŋ naŋ wa tùɔ̀ŋ wo Pììlɛ yèè wo Jɔ̀ɔŋ ko nɛ̀ɛ̀ŋ nyiŋ niìŋ.

Luùm 15:24

E ɗèwe mɛ̀ nàŋ yaà wèè kaiŋ jaamè sèè mìŋ nɔ̀ŋ kɔ̀ɔ̀yɛ̀ ko Sipiìŋ. Yèè wèè e teenga kpuuɛ̀ mìŋ doiŋ nàŋ nɔ̀ŋ le gòlò lɛ, mìŋ kuwa ke jii tùlia kɛ̀ nìŋ doim nàŋ kpuumò wèè kao haì fiò.

1 Kɔliìŋ 16:11

Wo nyùùŋ gbiŋ ɓɔ̀ wò kɔɔyɛ̀uŋ fɛ̀ɛ̀ sùà, kɛɛ kpùùmaŋ nìuŋ e kàaiuŋ nɛ̀ sùà ke jii fàa diɛŋ, wèè wo kɛɛ̀ maŋjɛ̀wɛ ko nɛ̀ɛ̀ŋ miìŋ. Mìŋ yàaùŋ yɛ̀ɛ̀mɛ̀ dòmaŋ wèè wo kɛɛ̀ yaà aŋ wùìya nyàŋ.

1 Kɔliìŋ 16:6

Ɗɔɔ bà mìŋ doiŋ nàŋ nɔ̀ŋ gòlò e sɛ̀ɛ̀ɛ gbiŋ mààŋ, wèè naim kpuumàŋ e kàiŋ mɛ̀ sùà, wèè koɓɛ̀i gbiŋ mìŋ do ɓɛìŋ nàŋ nɔ̀ŋ kɔɔyɛ lɛ̀.

2 Kɔliìŋ 1:16

Mìŋ naŋ ɗewè wèè kaiŋ hìàŋ e jààme sèè mìŋ nɔ̀ŋ kɔ̀ɔ̀yɛ̀ ko Mɛ̀sèdonià, yèè sèè mìŋ nɔ̀ŋ ɓɛìŋ kɛ̀ɛ sùà, e wèè naim fè kpùùmaŋ wèè e kààiŋ mɛ̀ ko Jùdià.

Taitɔ̀ 3:13

Kàmè ɗewe muŋ kpuumàŋ Zinà wo kààmɔɔŋ gɔ̀àì maŋ sàwà sùàa yaà wo Àpolò wèè aŋ tɔɔtù e kàaiŋ nyiŋ nɛ̀, yèè muŋ yɛmɛ̀ kɛ̀ àŋ kuwa e nɛ̀ɛŋ gbiŋ àŋ naŋ kpɛɛ̀ŋ weè niŋ lɛ̀.