Nyɛ̀nɛ̀ŋ 15:24 - WƆŊ FƐ̀Ì EBÒ SÌÀŊ DAYÀA

²⁴ È naiŋ kòmò kɛ̀ anyùùŋ bà e yìwìà ke gboò wiɛ̀ sùà naŋ hnè ko nɛ̀ɛ̀iŋ niìŋ yèè àŋ naiŋ wòò e keì bà e yèɛ naiŋ mɔ̀ɔ̀nɛ̀ŋ maŋ jii lɛ̀. Kɛɛ yàwi nààŋ e gò nyiŋ tùàŋ.

Nyɛ̀nɛ̀ŋ 15:24 ပူးပေါင်းရင်းမြစ်များ

Nyɛ̀nɛ̀ŋ 15:1

Anyùùŋ bà naŋ wa hnè e yìwìà ko Jùdià aŋ kà ko Aŋtiɔ̀ yèè àŋ naŋ tɔ̀ɔ̀tù anyuùŋ hààwe nyàŋ kàa nyààŋ, “Wo Dayà naàìŋ joeyè, sɔɔ̀ naŋ nɔ̀ŋ kpùa jàaiŋ màànààŋ e làngì Mòòzeɛ̀ naŋ kaà lɛ.”

Gàla 1:7

Tɔɔɓaa, ebò siaŋ joo bà gbiŋ fè, kɛɛ mìŋ naŋ tɛɛ woò esaɓù nàŋ yaà kɛ̀ anyùùŋ nyaŋ bà nyiŋ yaà kààmè ɗewe wèè aŋ gɔ̀àgɔ̀à maŋ jiiŋ màŋ sùà yèè aŋ vɔ̀ɔ̀nɔ̀ŋ Ebò Sìàŋ Jisɛ̀ Kulaìɛ.

Gàla 5:10

Kɛɛ kòò mìŋ kùwa nɔŋ ke jii tùlìà e nyaàìŋ eiŋ dè. E nɔ̀ɔŋ wilɛ̀ aŋ bàwibà wo Kanaà Jisɛ̀ Kulaì sùà naim kìɛ̀ŋ ke jii tùliaà kɛ̀ niŋ naàŋ nyɛ̀nɛ̀ŋ è yèɛ wò nyùùŋ bà woàìŋ wèè naŋ nyɛ̀nɛ̀ŋ lɛ, yèè wo nyùnɔ̀ɔ̀ŋ gbiŋ naŋ gongò wèè wo nyɛ̀nɛ̀ŋ maŋ jiiŋ màŋ gɔ̀àgɔ̀à sùà wɔ, wo Dayà douŋ wa nàwèè nàŋ nimilà ke ɗɔ̀ɔ̀ e gbàiɛ̀ diɛŋ.

Gàla 5:12

Mìŋ he weè nàŋ mɔ̀nɔ̀ŋ wèè anyùùŋ nyaŋ yaà gɔ̀àgɔ̀à maŋ jiiiŋ màŋ sùà nyaŋ, ɓɔ̀ àŋ jàà nɔŋ nyiŋ bi kpùa, kɛɛ anyùùŋ nyɛɛ̀ŋ aŋ nɛɛmùŋ nyiŋ bi e nìàŋ yɛi!

Gàla 5:4

Nyɛ̀iŋ nyàŋ nìŋ kamàŋ ɗewe wèè naŋ nɔ̀ŋ anyùùŋ tɔ̀ɔ̀nyaàŋ koɓɛ̀ Dayài esaɓù kɛ̀ nìŋ naŋ nyɛ̀nɛ̀ŋ e yèɛ ke Sàwàa naŋ woò lɛ, nàŋ gòò nyiìŋ bi wo Jisɛ̀ Kulaì kɔɔ. Yèè niŋ fè ɓɛìŋ e tɛ̀ɛ̀tɛ̀ɛ̀ Dayàa dìì.

2Time 2:14

Dè maŋ jìì anyunùum nyàŋ koɓɛ̀ e keì wòo lɛɛ̀, yèè muŋ kiɛ̀ŋ nyiŋ e gòo nyìngàà sùà ko fɛ̀ɛ̀fèìŋ Dayài, wèè ɓɔ̀ àŋ sumiàŋ màŋ mìè gbòa. E nàfa bà gbiŋ fè miìŋ sùà, sɔɔ̀ nɔŋ maŋ pɔ̀ɔ̀pɔ̀ɔ̀ anyùùŋ nyaŋ kumiàŋ miìŋ nyaŋ.

1Jɔ̀ɔŋ 2:19

Anyùùŋ nyɛɛ̀ŋ naŋ fòlò ke gbòò Dayà zòòlo wiɛ̀ sùà, kɛɛ tɔɔɓaa aŋ fè wa àŋ bàwibà. Yèè esaɓùɛ lii àŋ naŋ wi wa kɛ̀ɛ̀ maŋjɛ̀wɛ. Kɛɛ sèè aŋ wa weè nɔ̀ŋ aŋ bàwibà ke gbòò zòòloɛ̀ sùà, àŋ he wi wa weè nàŋ jèè maŋjɛ̀wɛ. Kɛɛ àŋ naŋ wi wa dangè, tii naŋ wa tɔɔ̀ janjai kɛ̀ aŋ fè àŋ bàwibà.