Nyɛ̀nɛ̀ŋ 15:1 - WƆŊ FƐ̀Ì EBÒ SÌÀŊ DAYÀA

¹ Anyùùŋ bà naŋ wa hnè e yìwìà ko Jùdià aŋ kà ko Aŋtiɔ̀ yèè àŋ naŋ tɔ̀ɔ̀tù anyuùŋ hààwe nyàŋ kàa nyààŋ, “Wo Dayà naàìŋ joeyè, sɔɔ̀ naŋ nɔ̀ŋ kpùa jàaiŋ màànààŋ e làngì Mòòzeɛ̀ naŋ kaà lɛ.”

Nyɛ̀nɛ̀ŋ 15:1 ပူးပေါင်းရင်းမြစ်များ

Jɔ̀ɔŋ 7:22

Nìŋ jaa wo felaajɔa ke kpùa ke Ɗɔ̀ɔ̀ Zòòlò aŋ Juùù nyaŋ diɛŋ màànààŋ nɔŋ wo Mòòze naiŋ wa woò wààŋ niŋ nyɛ̀nɛ̀ŋ lɛ. Kɛɛ wo Mòòze nààŋ gò wa tɔ̀ɔ̀tù è kèè kè kpùà jàa bi. Aŋ nèwàènèweiŋ nyàŋ naŋ tɔ̀ɔ̀tù ke nyɛ̀nɛŋ bi, yèè nìŋ jaa pɛɛ aŋ jɔ̀àfelaaiŋ nyàŋ kpùa ke Ɗɔ̀ɔ̀ Zòòlò aŋ Juùù nyaŋ diɛŋ.

Nyɛ̀nɛ̀ŋ 1:15

Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 15:22

Aŋ keela tàeɗùù nyaŋ, yèè aŋ màmànkùmɛ̀ŋ anyuùŋ hààwe nyàŋ, e kpùlìà ke gbòò anyuùŋ hààwe nyàŋ naŋ ɗewè wèè aŋ tà anyùùŋ bà ɗùù wèè aŋ dè wo Pɔɔ̀ yèè wo Bànaŋɓà maŋjɛ̀wɛ aŋ ka ko Aŋtiɔ̀. Kpeiŋ àŋ naŋ tà wo Silà yèè wo Juɗà wo yèɔ àŋ nyaaŋ wa ɓɛìŋ wo Bàsaɓà wɔ ɗùù, aŋ sìèfèìŋ tìyèe anyuùŋ hààwe nyàŋ sùà.

Nyɛ̀nɛ̀ŋ 15:23

E mìè nyààŋ wɔŋ fɛiɔ̀ àŋ naŋ wa sìngè wɔŋ naŋ woò wààŋ, “Yàwi, aŋ wùìya nyàŋ, aŋ keela tàeɗùù nyaŋ yaà aŋ màmànkùmɛ̀ŋ anyuùŋ hààwe nyàŋ, naŋ tùɔ̀ŋ e zùùmò e mɔ̀ɔ̀nɔŋ koɓɛ̀ nyɛ̀iŋ nyàŋ kinɛiŋ naŋ kìlè koɓɛ̀ wo Kanaà Dayà nyaŋ, kɛɛ niŋ fè àŋ Juùù nyuuŋ nyàŋ ko Aŋtiɔ̀, ko Siilià, yèè ko Sèlesìà.

Nyɛ̀nɛ̀ŋ 15:24

È naiŋ kòmò kɛ̀ anyùùŋ bà e yìwìà ke gboò wiɛ̀ sùà naŋ hnè ko nɛ̀ɛ̀iŋ niìŋ yèè àŋ naiŋ wòò e keì bà e yèɛ naiŋ mɔ̀ɔ̀nɛ̀ŋ maŋ jii lɛ̀. Kɛɛ yàwi nààŋ e gò nyiŋ tùàŋ.

Nyɛ̀nɛ̀ŋ 15:3

Anyuùŋ hààwe nyàŋ naŋ nyiŋ wa tùɔ̀ŋ. Yèè nààŋ àŋ yaà wa kɔɔyɛ, àŋ naŋ kɔ̀ɛ̀ ko Fònisìà yèè ko Sàmilià, àŋ yaà wòò anyùùŋ nyaŋ e ɗeweɛ̀ anyùùŋ nyaŋ fè àŋ Juùù nyaŋ naŋ kìlè koɓɛ̀ Dayài lɛ̀. Ebò lɛɛ̀ naŋ wa fɔ̀ɔ̀yɛ̀ anyùùŋ màŋjɛ̀wɛ̀ Kanaà maŋ jii yèè è naŋ nyiŋ nyìnìè zɔlɔ̀.

Nyɛ̀nɛ̀ŋ 15:32

Aŋ wɛ̀ìjì tìyèe nyàŋ, wo Juɗà yèè wo Silà, naŋ wa gbòò anyuùŋ hààwe nyàŋ kɔɔ wèè e teenga mùnlaŋ wèè kɛ̀ aŋ kɛɛnɛ̀ŋ maŋ jii nyingè yèè e gààŋ.

Nyɛ̀nɛ̀ŋ 15:5

Kɛɛ anyuùŋ hààwe nyàŋ bà nyiŋ ke gbòò aŋ Fɛlosiì nyaŋ sùà naŋ woò nyààŋ, “Anyùùŋ nyaŋ fè àŋ Juùù yèè àŋ naŋ kìlè koɓɛ̀ Dayài nyàŋ nɔ̀ŋ kpùa jàa nyiŋ e kìlà aŋ jɔɔlɔ̀ maŋ Sàwà maŋ wo Mòòze naŋ wi kiɛ̀ŋ maŋ dìì.”

Nyɛ̀nɛ̀ŋ 21:20

Anyùùŋ nyaŋ gbiŋ naŋ wa kòmò e nɛ̀ɛŋ wo Pɔɔ̀ naŋ woò lɛ naŋ wa tɛ̀nɛ̀ŋ wo Dayà yèè àŋ naŋ wòò wo Pɔɔ̀ nyààŋ, “Wùìya wiɔ̀, màŋ yɛ̀mɛ̀ anyuùŋ taasùùŋ jika nyàŋ kinɛiŋ aŋ Juùù nyaŋ sùà naŋ hààwè Kanaà Jisɛ̀ nyaŋ. Aŋ gbiŋ yaà e wànàŋ sùà wèè aŋ jɔ̀ɔ̀lɔ̀ maŋ Sàwà Dayà maŋ dìì.

Nyɛ̀nɛ̀ŋ 6:14

È naiŋ kòmò wò naŋ woò wààŋ, wo Jisɛ̀ wɛɛ̀ e yìwìà ko Naazɔ̀ɛ̀ do naŋ gɔ̀ɛ̀ ke sààŋ zòòlò aŋ Juùù nyaŋ yèè e kìlà wo vɔ̀ɔ̀nɔ̀ŋ maŋ langi maŋ gbiŋ wo Mòòze naŋ wi kiɛ̀ŋ maŋ!”

Gàla 2:1

Maŋ dòà zììyà jɛ̀wɛ tiinàŋ naŋ mààŋ, yàwi Bànaŋɓà naŋ kɛ̀ɛ̀ maŋjɛ̀wɛ ko Jùlusɛ̀làm, kɛɛ è naŋ wa kɔ̀ɔ̀ wo Taitɔ̀.

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Gàla 6:12

Anyùùŋ nyaŋ yaà kààmè e ɗewe wèè aiŋ jàà kpùa maŋ kèìŋ sùà maŋ gàangàaŋ nyaŋ, nàŋ yaà aŋ yè nyàŋ tɔɔ̀ nyiìŋ bi ko ɓàì kɛ̀ àŋ yaà tɛ̀ɛ̀ nyaŋ. E gbio sùà, àŋ nyɛnɛŋ maŋ keì mɛɛ̀ŋ wèè àŋ go nàŋ sɛ̀ɛ̀ e kèì nyìngà wɔ̀ŋ vànèkpàà Jisɛ̀ Kulaìɔ sùà.

Kòlo 2:16

Weètii, ɓɔ̀ nìŋ nyimèè wèè wò nyùùŋ gbiŋ wò do bànè màŋ sàwà è weèiŋ è nyaàiŋ dè è nɛɛ̀ŋ nìŋ jè lɛ ɔ̀ɔ̀ è nɛ̀ŋ tìa ɔ̀ɔ̀ maŋ ɗɔ̀ɔ̀ nɛɛmaŋ ɔ̀ɔ̀ wɔŋ Ɗàà gè Waà Jɛ̀ìɔ ɔ̀ɔ̀ ke Ɗɔ̀ɔ̀ Zòòlo.

Kòlo 2:8

Ɓɔ̀ nìŋ nyimèè wèè wò nyùùŋ gbiŋ doiŋ zuwò wèè naŋ nyɛ̀nɛ̀ŋ è nyaàntàaŋ màŋ keì zùwo màŋjɛ̀wɛ. Maŋ kàa mɛɛ̀ŋ yewe anyuùŋ kpùuŋ sìwè yaà wo sìèfèìŋ aŋ jinàŋ naanààŋ nyaŋ e ɗuunyaàŋ. E kàa kii foo bi gò yìwìà wo Jisɛ̀ Kulaì sìwè.