Nyɛ̀nɛ̀ŋ 14:8 - WƆŊ FƐ̀Ì EBÒ SÌÀŊ DAYÀA

⁸ Wo felaa bà yaà wa ko Lesità wo yèɔ naŋ wa kpɔɔkpɔ̀ɔ̀ e yìwìà e teengaà àŋ nauŋ wa kòmò lɛ, yèè wo gò wa ngèè pɛɛ ɓɛnɛ̀ŋ wèè wo kaaìŋ.

Nyɛ̀nɛ̀ŋ 14:8 ပူးပေါင်းရင်းမြစ်များ

Jɔ̀ɔŋ 5:7

Wo felaaà naŋ fàsàì wo Jisɛ̀ wààŋ, “Dàa, miŋ kuwà kià wò nyùùŋ gbiŋ wèè woim kpuumàŋ woim gbìàŋ è wùìyèɛ sùà sèè wo màikàa kaanaŋ kàànàŋ e wùìyèɛ. Sèè mìŋ nɔ̀ŋ kààmè e ɗewe wèè ka hnàŋ kao dè, wo nyùùŋ bà mààìm ko feìŋ wuŋ jiɛ̀ woo dè.”

Nyɛ̀nɛ̀ŋ 14:21

Wo Pɔɔ̀ yèè wo Bànaŋɓà naŋ wòò Ebò Siaàŋ ko Dɛɓì yèè anyuùŋ zimgbe naŋ kìlè anyùùŋ màŋjɛ̀wɛ̀ wo Kanaà Jisɛ̀. Kpeiŋ àŋ naŋ kɛ̀ɛ̀ maŋjɛ̀wɛ ko Lesità, ko Ìkɔniɔ̀ŋ, yèè àŋ naŋ hàì ko Aŋtiɔ̀ wɔŋ fùɔ̀ŋ Pɛ̀siidìàa sùà.

Nyɛ̀nɛ̀ŋ 14:6

Nààŋ aŋ kèèlà tìyèe nyàŋ naŋ wa tɛɛ̀ kòmò, àŋ naŋ yèwè ko jawa wii maŋ dùaŋ dùaŋ yèè àŋ naŋ kɔ̀ maŋ jawa gbeegbèè nyiŋ màŋ sùà àŋ nyaaŋ ko Lesità yèè ko Dɛɓì, maŋ kpàlàùŋ kpàlàùŋ Làkanià maŋ sùà.

Nyɛ̀nɛ̀ŋ 16:1

Wo Pɔɔ̀ yèè wo Silà naŋ kɛ̀ɛ̀ maŋjɛ̀wɛ ko Dɛɓì yèè ko Lesità. Kuŋ àŋ naŋ wa mɛ̀ɛ̀ŋ wo nyùùŋ màŋjɛ̀wɛ̀ɔ bà guùŋ àŋ nyaaŋ wo Timetè. Wo yèyeuŋ nɔɔ̀ŋ wuŋ pɛɛ yaà wa wo nyuùŋ hààwe, kɛɛ wò yaà wa wo Juùù nyuuŋ, yèè wo dèdauŋ nɔɔ̀ŋ yaà wa wo Guliì nyuuŋ.

Nyɛ̀nɛ̀ŋ 3:2

Nààŋ àŋ naŋ wa kɔ̀ yèè àŋ naŋ hàì wɔŋ gbàngiɔ̀ yɛmgbɛ̀ àŋ nyaaŋ wa nyààŋ Gbàngi Siaŋ Sìàaŋ wɔ̀ŋ, àŋ nao wa mɛ̀ɛ̀ŋ wo felaa bà wo yèɔ àŋ naŋ wa kùmìè e sààŋ kpɔ̀ɔ̀kpɔɔ. Ke ɗɔɔ gbiŋ àŋ koàuŋ wa wɔŋ gbàngeɔ̀ feìŋ wèè wo hùmàŋ anyùùŋ nyaŋ e nɛɛnɛŋ sèè àŋ nɔ̀ɔ̀ŋ jɔ̀ɔ̀yɛ̀ ko Saaŋ Zòòlò Dayài.

Nyɛ̀nɛ̀ŋ 4:9

sèè nìŋ nɔ̀ŋ wì nàaŋ daawe e nyaàiŋ dè e keì sìàaŋ è naŋ nyɛ̀nɛ̀ŋ koɓɛ̀ wo felaa nɛ̀ɛ̀muɔ̀ŋ yèè e ɗeweɛ̀ è naŋ nyɛ̀nɛ̀ŋ wò naŋ jòèyè lɛ,

2Time 3:11

Màŋ nyìmàŋ maŋ keì nyìnga màŋ yaà e mɔ̀ɔ̀nɛɛ̀ŋ gbiŋ mìŋ naŋ kɔ̀ dìì ko Aŋtiɔ̀, ko Ìkɔniɔ̀ŋ, yaà ko Lesità maŋ, yèè maŋ keì mèè nyìnga màŋ naim kaaìŋ maŋ. Kɛɛ wo Kanaà naim joeyè woim gè màŋ gbiŋ sùà.