Nyɛ̀nɛ̀ŋ 14:21 - WƆŊ FƐ̀Ì EBÒ SÌÀŊ DAYÀA

²¹ Wo Pɔɔ̀ yèè wo Bànaŋɓà naŋ wòò Ebò Siaàŋ ko Dɛɓì yèè anyuùŋ zimgbe naŋ kìlè anyùùŋ màŋjɛ̀wɛ̀ wo Kanaà Jisɛ̀. Kpeiŋ àŋ naŋ kɛ̀ɛ̀ maŋjɛ̀wɛ ko Lesità, ko Ìkɔniɔ̀ŋ, yèè àŋ naŋ hàì ko Aŋtiɔ̀ wɔŋ fùɔ̀ŋ Pɛ̀siidìàa sùà.

Nyɛ̀nɛ̀ŋ 14:21 ပူးပေါင်းရင်းမြစ်များ

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Nyɛ̀nɛ̀ŋ 13:14

Àŋ naŋ yèwè ko Pɛgà yèè àŋ naŋ kɔ̀ ko Aŋtiɔ̀ wɔŋ fùɔ̀ŋ Pɛ̀siidìàa sùà. Kpeiŋ ke Ɗɔ̀ɔ̀ Zòòlò aŋ Juùù nyaŋ diɛŋ àŋ naŋ kɔ̀ ko sààŋ zòòlò aŋ Juùù nyaŋ yèè àŋ naŋ jɛi.

Nyɛ̀nɛ̀ŋ 13:51

Wo Pɔɔ̀ yaà wo Bànaŋɓà naŋ gbùmò e heiɛ̀ ko jawa wii maŋ gòlòò dìì nyiŋ màŋ wèè aŋ tɔɔ̀ kɛ̀ anyùùŋ nyaŋ gò wa jàà kè mìè gbìàŋ Dayàa kùàŋ dìì, yèè àŋ naŋ kɔ̀ ko jawa gbeeì Ìkɔniɔ̀ŋ.

Nyɛ̀nɛ̀ŋ 14:1

Wo Pɔɔ̀ yèè wo Bànaŋɓà naŋ gbòò koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ ko Ìkɔniɔ̀ŋ, màànààŋ nɔŋ àŋ naŋ wa nyɛ̀nɛ̀ŋ ko Aŋtiɔ̀ lɛ, yèè aŋ Juùù nyaŋ yaà aŋ yè nyaŋ fè àŋ Juùù nyaŋ zimgbe nyiŋ naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

Nyɛ̀nɛ̀ŋ 14:15

“Wèè kiɛ̀ŋ nìŋ yaà tɛɛ̀ nyinie? È yààìŋ anyuùŋ kpùuŋ mààŋ nyɛ̀iŋ bi. È yààìŋ kià wèè eiŋ dàànè Ebò Siaàŋ, wèè naŋ gè manɛ̀ŋ foofòò mɛɛ̀ŋ kùàŋ sùà naŋ kìlà koɓɛ̀ wo Dàyà nyiiŋ gèeɔ̀, wuŋ naŋ bànè ko àìjɛnɛ̀ŋ, e dììɛ e ɗuunyaàŋ yaà wɔŋ juwoɔ̀, e hààwè manɛ̀ŋ maŋ gbiŋ yaà miìŋ ko sùà maŋ.

Nyɛ̀nɛ̀ŋ 14:19

Aŋ Juùù nyaŋ bà nyiŋ naŋ wa hnè e yìwìà ko Aŋtiɔ̀ wɔŋ fùɔ̀ŋ Pɛ̀siidìàa yèè e yìwìà ko Ìkɔniɔ̀ŋ yèè àŋ naŋ nyɛ̀nɛ̀ŋ anyùùŋ nyaŋ aŋ kɛ̀ɛ̀nɛ̀ŋ maŋ jii fiiì wèè wo Pɔɔ̀. Àŋ naŋ wa hɔ̀wɔ̀ wo Pɔɔ̀ le dùò yèè auŋ gɔ̀ɛ̀ɛ̀ dìì auŋ gè ko jawa gbeeì, yèè àŋ naŋ wa gongò kɛ̀ wò fà.

Nyɛ̀nɛ̀ŋ 14:26

Yèè e yìwìà kuii àŋ naŋ sɛ̀ɛ̀ wɔŋ meeè sùà aŋ kɛ̀ɛ̀ ko Aŋtiɔ̀. Kuŋ nàŋ yaà wa koɓɛ̀i ke gbòò anyuùŋ hààwe nyàŋ naŋ nyiŋ fè wo Dayà wèè wo nyiŋ yɛ̀mɛ̀ diɛŋ ke kpèè siauŋ nɛɛ̀ŋ sùà nààŋ àŋ naŋ wa naàŋ kpɛ̀ɛ̀yɛ̀ e tòmouŋ nɛ̀ wò manaŋ wa aŋ nyɛ̀nɛ̀ŋ lɛ.

Nyɛ̀nɛ̀ŋ 14:6

Nààŋ aŋ kèèlà tìyèe nyàŋ naŋ wa tɛɛ̀ kòmò, àŋ naŋ yèwè ko jawa wii maŋ dùaŋ dùaŋ yèè àŋ naŋ kɔ̀ maŋ jawa gbeegbèè nyiŋ màŋ sùà àŋ nyaaŋ ko Lesità yèè ko Dɛɓì, maŋ kpàlàùŋ kpàlàùŋ Làkanià maŋ sùà.

Nyɛ̀nɛ̀ŋ 14:7

Kuii àŋ naŋ wa wòò ke mìè gbìàŋ Ebò Siaàŋ.

Nyɛ̀nɛ̀ŋ 14:8

Wo felaa bà yaà wa ko Lesità wo yèɔ naŋ wa kpɔɔkpɔ̀ɔ̀ e yìwìà e teengaà àŋ nauŋ wa kòmò lɛ, yèè wo gò wa ngèè pɛɛ ɓɛnɛ̀ŋ wèè wo kaaìŋ.

Nyɛ̀nɛ̀ŋ 15:36

E teenga bà naŋ mààŋ yèè wo Pɔɔ̀ naŋ wòò wo Bànaŋɓà wààŋ, “Kɛ̀ɛ̀ wì maŋjɛ̀wɛ yèè ejaamè anyùùŋ màŋjɛ̀wɛ̀ Kanaà ko jawa gbee gbiŋ ko yèei àŋ naŋ gbòò ke mìè Kanaà Dayà, wèè e yɛmɛ̀ sèè mààŋ kɛ̀ diè àŋ yaà nyinie.”

Nyɛ̀nɛ̀ŋ 16:2

Anyuùŋ hààwe nyàŋ gbiŋ ko Lesità yèè ko Ìkɔniɔ̀ŋ naŋ wa gbòò tɛ̀ɛ̀ e nyaàiŋ dè wo Timetè.

Nyɛ̀nɛ̀ŋ 2:47

àŋ yaà tɛ̀nɛ̀ŋ sùà wo Dayà wèè e keì sìàuŋ nɛ̀, e kìlà àŋ yaà jìka sùà ke nyɛ̀nɛ̀ŋ sìàŋ anyùùŋ nyaŋ gbiŋ. Ke ɗɔɔ gbiŋ wo Kanaà Jisɛ̀ hewa gbìàŋ anyùùŋ nyaŋ naŋ wa yɛ̀mɛ̀ e jòèye nyàŋ ke gboò nyiŋ nɛɛ̀ŋ sùà.

2Time 3:11

Màŋ nyìmàŋ maŋ keì nyìnga màŋ yaà e mɔ̀ɔ̀nɛɛ̀ŋ gbiŋ mìŋ naŋ kɔ̀ dìì ko Aŋtiɔ̀, ko Ìkɔniɔ̀ŋ, yaà ko Lesità maŋ, yèè maŋ keì mèè nyìnga màŋ naim kaaìŋ maŋ. Kɛɛ wo Kanaà naim joeyè woim gè màŋ gbiŋ sùà.