Nyɛ̀nɛ̀ŋ 14:15 - WƆŊ FƐ̀Ì EBÒ SÌÀŊ DAYÀA

¹⁵ “Wèè kiɛ̀ŋ nìŋ yaà tɛɛ̀ nyinie? È yààìŋ anyuùŋ kpùuŋ mààŋ nyɛ̀iŋ bi. È yààìŋ kià wèè eiŋ dàànè Ebò Siaàŋ, wèè naŋ gè manɛ̀ŋ foofòò mɛɛ̀ŋ kùàŋ sùà naŋ kìlà koɓɛ̀ wo Dàyà nyiiŋ gèeɔ̀, wuŋ naŋ bànè ko àìjɛnɛ̀ŋ, e dììɛ e ɗuunyaàŋ yaà wɔŋ juwoɔ̀, e hààwè manɛ̀ŋ maŋ gbiŋ yaà miìŋ ko sùà maŋ.

Nyɛ̀nɛ̀ŋ 14:15 ပူးပေါင်းရင်းမြစ်များ

Maafiù 16:16

Wo Saimɔŋ Piilɛ̀ nauŋ fasàì wààŋ, “Muàŋ nàŋ yaà wo Kulaìɔ, wo Jɔ̀àfèlàà Dàyà nyiiŋ gèeɔ̀.”

Jɔ̀ɔŋ 5:26

Màànààŋ nɔŋ wo Dèdaà wuŋ bi nàŋ yaà ko tɔ̀ɔ̀tù wɔŋ nyiiŋ gèeɔ̀ lɛ, e ɗèwè guùŋ bi sùà wò naŋ nyɛ̀nɛ̀ŋ miàim wo Jɔ̀àfelaauŋ nɔɔ̀ŋ naŋ nɔ̀ŋ ko tɔ̀ɔ̀tù wɔŋ nyiiŋ gèeɔ̀.

Jɔ̀ɔŋ 7:18

Sèè mìŋ mɔnɔŋ weè wèè ka gbòà wèè ka jòòwò miàŋ bi, mìŋ henàŋ gbòò e gààŋ miàŋ biɛ̀ sùà. Kɛɛ mìŋ manaŋ ka dɛ̀ɛ̀kɛ̀ wo nyùnɔ̀ɔŋ naim tùɔ̀ŋ wɔ. Esaɓùɛ lɛɛ̀ mìŋ woà e tɔɔɓaaà yèè e fè tòa.

Nyɛ̀nɛ̀ŋ 10:26

Kɛɛ wo Pììlɛ nauŋ gè dìì wo sie, yèè wò nauŋ woò wààŋ, “Sìè. Miàŋ pɛɛ mìŋ yaà nɔŋ wo nyuùŋkpùuŋ.”

Nyɛ̀nɛ̀ŋ 13:32

Wo Dayà naŋ wa jɔ̀ɔ̀ ɗààhiì koɓɛ̀ aŋ nèwàènèwe wi nyàŋ. Yàwi pɛɛ è yààìŋ wòò sùà ebò siaŋ lɛɛ̀.

Nyɛ̀nɛ̀ŋ 14:21

Wo Pɔɔ̀ yèè wo Bànaŋɓà naŋ wòò Ebò Siaàŋ ko Dɛɓì yèè anyuùŋ zimgbe naŋ kìlè anyùùŋ màŋjɛ̀wɛ̀ wo Kanaà Jisɛ̀. Kpeiŋ àŋ naŋ kɛ̀ɛ̀ maŋjɛ̀wɛ ko Lesità, ko Ìkɔniɔ̀ŋ, yèè àŋ naŋ hàì ko Aŋtiɔ̀ wɔŋ fùɔ̀ŋ Pɛ̀siidìàa sùà.

Nyɛ̀nɛ̀ŋ 14:7

Kuii àŋ naŋ wa wòò ke mìè gbìàŋ Ebò Siaàŋ.

Nyɛ̀nɛ̀ŋ 16:30

Kpeiŋ wò naŋ nyiŋ fùlìè ko jɔɔlèi yèè wò naŋ nyiŋ dawè wààŋ, “Dàa, kiìŋ mìŋ naŋ ɓɛ̀nɛ̀ŋ nyɛ̀nɛŋ wèè ka nɔ̀ŋ e jòèyeim?”

Nyɛ̀nɛ̀ŋ 27:10

“Felaa nyɛɛ̀ŋ, kùmiàŋ nìim! Sèè eiŋ naàŋ ka sààmɛ, wɔŋ meeè wiɔ̀ yèè manɛ̀ŋ maŋ yà wùŋ sùà maŋ do nàŋ pɔɔpɔ̀ɔ̀, yèè maŋ nyììŋ anyuùŋ zimgbe do nàŋ pɔɔpɔ̀ɔ̀ miiŋ pɛɛ.”

Nyɛ̀nɛ̀ŋ 27:21

Maŋ ɗɔɔ bà naŋ mààŋ e yèɛ anyùùŋ nyɛɛ̀ŋ bà gbiŋ gò ɓɛ̀nɛ̀ŋ è nɛ̀ŋje jèe, yèè wo Pɔɔ̀ naŋ sie yèè wò naŋ wòò aŋ felaa nyàŋ wààŋ, “Sèè naim dài weè kumiàŋ yèè eiŋ dài jèè ke tiɛ̀ɛŋ sùà ko Kiliì, nìŋ he weè naŋ yɛ̀mɛ̀ manɛ̀ŋ mɛɛ̀ŋ diɛŋ yèè maŋ naàŋ weè pɔɔpɔ̀ɔ̀.

Nyɛ̀nɛ̀ŋ 27:25

Weètii kɛ̀ɛ̀nɛìŋ maŋ jii nyingè felaa nyɛɛ̀ŋ, esaɓù mìŋ naŋ hààwè wo Dayà kɛ̀ è do nàŋ kaaìŋ màànààŋ nɔŋ wo màikàa naim niŋ woò lɛ.

Nyɛ̀nɛ̀ŋ 4:24

Nààŋ anyuùŋ hààwe nyàŋ naŋ niŋ kòmò, aŋ gbiŋ naŋ dèènè koɓɛ̀ guùŋ aŋ zòòlò wo Dayà ke jìì guùŋ sùà nyààŋ, “Kanaà, muàŋ naŋ bànè ko àìjɛnɛ̀ŋ, e dììɛ e ɗuunyaàŋ yaà wɔŋ juwoɔ̀, e hààwè manɛ̀ŋ maŋ gbiŋ yaà miìŋ ko sùà maŋ,

Nyɛ̀nɛ̀ŋ 7:26

Wɔŋ niìsìaà bàa wo Mòòze naŋ yɛ̀mɛ̀ aŋ wùìyà Ezɔ̀ɛ̀uŋ nyàŋ àŋ tìyèe àŋ yaà sumie, yèè wò naŋ kɔ̀ wèè wo nyiŋ gòònò tɛɛ wèè aŋ hɔnè sòmaŋ. Wò naŋ nyiŋ woò wààŋ, ‘Felaa nyɛɛ̀ŋ, nìŋ yaà aŋ wùìya, wèè kiɛ̀ŋ nìŋ yaà yɛi sumie?’

1 Kɔliìŋ 8:4

Wèètii, e kèè e nɛ̀ŋjè sààà aŋ dayà joo nyɛɛ̀ŋ jèe, èiŋ nyìmàŋ kɛ̀ wo dayà joo wò yaà e nɛ̀ŋ gò gè nyiiŋ. È naiŋ nyìmè kɛ̀ wo Dàyà guùŋ kpò nɔŋ nàŋ yaà.

Ɛfesɔ̀ 4:17

Mìŋ yààìŋ fèe sùà e gòo e dèè Kanaà sùà, wèè naŋ hɔ̀ànè nɔ̀ŋ maŋ nyiiŋ gèeiŋ màŋ sùà mààŋ anyùùŋ nyaŋ fè àŋ Juùù nyaŋ, aŋ yè nyaŋ maŋ gòngo nyiŋ màŋ yaà maŋ foo miŋ lɛ̀.

1Tɛsè 1:9

Anyùùŋ nyiiŋ gbiŋ woà e kèè e ɗeweɛ̀ nìŋ naŋ wi jàà kùàŋ dìì e teengaà è naiŋ jaamè lɛ, yèè e ɗeweɛ̀ nìŋ naŋ gè kùàŋ kèè aŋ dayà joo zòòlo sùà wèè naŋ tomo wèè wo Dàyà tɔ̀ɔ̀nyaàaŋ wo yèɔ yaà wɔŋ nyiiŋ gèeɔ̀ sùà wɔ,

1Time 3:15

Kɛɛ sèè mìŋ go zùmò hnàaŋ, wɔŋ fɛi wɛɛ̀ŋ doiŋ nàŋ nyɛ̀nɛ̀ŋ naŋ nyìmàŋ e ɗeweɛ̀ nìŋ naŋ ɓɛ̀nɛ̀ŋ tòòmò koɓɛ̀ guùŋ ke gbòò Dayàa sùà lɛ. Ke gbòò Dayàa zà nàŋ yaà anyuùŋ hààwe nyaŋ wèè wo Dayà nyiiŋ gèeɔ̀, kiiŋ nàŋ yaà e kpɛnɛɛ̀, yèè e kpùùmaàŋ wèè e tɔ̀ɔ̀nyaàaŋ.

Hiɓu 3:12

Wùìyaim nyàŋ, yɛ̀mɛìŋ nyɛ̀iŋ bi diɛŋ! Ɓɔ̀ nìŋ nyimèè wèè è keì naanààŋ è do jɔ̀à màŋ jiiŋ màŋ sùà, wèè niŋ go nàŋ fè è hààweiŋ nɛ̀ jɛwɛ koɓɛ̀ wo Dàyà nyiiŋ gèeɔ̀.

Jìiiŋ 5:17

Wo Ìlaajà yaà wa wo nyuùŋkpùuŋ mààŋ yàwi bi. Wò naŋ zoolò e jɔ̀ɔ̀lɔ sùà wèè maŋ gɔ̀àà ɓɔ̀ màŋ sɔ̀àà, yèè wèè maŋ dòà taai gbànaŋ maŋ gɔ̀àà gbiŋ gò sɔ̀àà è dììɛ diɛŋ.

Maŋ kèì nyɛɛnɛŋ 14:7

Wò màikàa naŋ kpààŋ ke miè gbeeo sùà wààŋ, “Kìɛ̀ŋ wo Dayà e ɓɛ̀ɛ̀jàa e kìlà muŋ joowò e gaàŋ gbeeuŋ nɛ̀, esaɓù kɛ̀ e teengaà è naàŋ haì wèè wo gbàì anyùùŋ nyaŋ gbiŋ e dììɛ diɛŋ! Zòòloìŋ Dayà, wo yèɔ naŋ bànè ko àìjɛnɛ̀ŋ, e ɗuunyaàŋ, wɔŋ juwoɔ̀, yaà maŋ wuiyè màŋ gbiŋ wɔ̀!”

Maŋ kèì nyɛɛnɛŋ 19:10

Mìŋ naŋ dè maŋ gɛ̀ɛ̀nìim màŋ ko dììnaŋ wèè kauŋ zoolò, kɛɛ wò naim woò wààŋ, “Kpele, ɓɔ̀ mùŋ nyɛ̀nɛ̀ŋ niŋ! Mìŋ yaà wo ɓɔìjɔ̀à mààŋ muàŋ bi yèè anyuùŋ hààwe gbànaŋ nyàŋ, aŋ yè nyaŋ gbiŋ naŋ haawè yèè àŋ naŋ kìɛ̀ŋ mìè seì e nyaàiŋ dè e tɔ̀ɔ̀nyaàŋ wo Jisɛ̀ naŋ gɔ̀àì sùà lɛ. Zòòloò wo Dayà wuŋ guùŋ!” E tɔ̀ɔ̀nyaàŋ wo Jisɛ̀ naŋ gɔ̀àì sùà lɛ naŋ yaà e yèɛ sie aŋ wɛ̀ijì nyaŋ ke di wo jinàaŋ sùà.

Maŋ kèì nyɛɛnɛŋ 19:19

Eɓìèmàŋjɛ̀wɛ̀ tɛɛ̀, mìŋ naŋ yɛ̀mɛ̀ wo yilì kùùnoɔ̀ jiɛ̀jiɛ̀ɔ yaà aŋ kana nyàŋ gbiŋ e dììɛ diɛŋ, e kpùlìà aŋ kààlòòɗùà nyiŋ nyàŋ àŋ naŋ gbònò koɓɛ̀ guùŋ, wèè aŋ sumiàŋ wo nyùnɔ̀ɔŋ jàà wo sòo fuaà diɛŋ wɔ̀ yaà aŋ kààlòòɗùàuŋ nyàŋ.

Maŋ kèì nyɛɛnɛŋ 22:9

Kɛɛ wò naim woò wààŋ, “Kpele, ɓɔ̀ mùŋ dè màŋ gɛ̀ɛ̀nìum màŋ dììnaŋ è weèim! Mìŋ yaà nɔŋ wo ɓɔìjɔ̀à mààŋ muàŋ bi e kpùlìà aŋ wùìya gbànaŋ nyàŋ, aŋ wɛ̀ijì nyaŋ yaà aŋ yè nyaŋ gbiŋ jɔɔlɔ̀ maŋ mìè gboa màŋ dìì wɔŋ fɛi wɛɛ̀ŋ sùà nyaŋ. Zòòloò nɔŋ wo Dayà wuŋ guùŋ.”

Maŋ kèì nyɛɛnɛŋ 4:11

“Wo Kana wiɔ̀ yèè wo Dayà wiɔ̀! Mùŋ yaà tɛ̀ɛ̀ wèè maŋ yɛ̀mɛ̀ jòòwo, e ɓɛ̀ɛ̀jàa, yèè e gààŋ. Muàŋ naŋ bànè manɛ̀ŋ maŋ gbiŋ, yèè e yìwìà e mànaŋ mɔ̀ɛ̀ sùà manɛ̀ŋ maŋ gbiŋ naŋ wa nɔ̀ŋ wɔŋ nyiiŋ gèeɔ̀ sùà.”