Nyɛ̀nɛ̀ŋ 13:9 - WƆŊ FƐ̀Ì EBÒ SÌÀŊ DAYÀA

⁹ Kɛɛ wo Sɔɔ̀, wo yèɔ àŋ hewa ɓɛìŋ nyààŋ wo Pɔɔ̀ wɔ, wo Jìnàŋ Nɛɛmaàŋ nauŋ wa dìèsùà. Wò naŋ wa yɛ̀mɛ̀ wo Ɓà-Jisɛ̀ dììŋ

Nyɛ̀nɛ̀ŋ 13:9 ပူးပေါင်းရင်းမြစ်များ

Maafiù 10:20

Esaɓù kɛ̀, maŋ mìè gbòa màŋ nìŋ do nàŋ nɔ̀ɔ̀ŋ gbuuye màŋ, maŋ naàŋ yìwìè kò nɛ̀ɛ̀iŋ niìŋ. Nìŋ do nàŋ wòò e yèɛ wo Jìnàŋ Dèdaiŋ nɔɔ̀ŋ ko àìjɛnɛ̀ŋ naiŋ woò lɛ.

Luù 20:17

Wo Jisɛ̀ naŋ nyiŋ yɛmɛ̀ yèè wò naŋ woò wààŋ, “Kiìŋ e sìnga lɛɛ̀ wɔŋ fɛ̀ì Dayàa sùà naŋ fasàì? ‘Ke dùòɛ aŋ nyùuŋ nyɛ̀lɛ nyàŋ àŋ gò wa jàà kùàŋ dìì yɛ kiiŋ naŋ wa nɔ̀ŋ ke duò kpɛnɛ tùlìà jii gbeeɛ̀ e nyɛ̀lɛɛ̀ gbiŋ sùà.’

Nyɛ̀nɛ̀ŋ 2:4

Kpeiŋ wo Jìnàŋ Nɛɛmaàŋ naŋ wa dìè aŋ gbiŋ maŋ jiio sùà, yèè àŋ naŋ tɔ̀ɔ̀tù maŋ kaìŋ joo gbùùyà sùà nààŋ wo Jìnàŋ Nɛɛmaàŋ naŋ nyiŋ wa nyɛ̀nɛ̀ŋ wèè aŋ miŋ gbòà lɛ.

Nyɛ̀nɛ̀ŋ 4:31

Nààŋ àŋ naŋ wa kpɛ̀ɛ̀yɛ̀ Dayà zòòlo, koɓɛ̀i àŋ naŋ wa deenè lɛ naŋ wa mɛɛmɛ̀ɛ̀ŋ. Wo Jìnàŋ Nɛɛmaàŋ naŋ nyiŋ wa dìèsùà yèè àŋ naŋ tɔ̀ɔ̀tù ke mìè Dayàa gbòa janyai ke jii nyingè sùà.

Nyɛ̀nɛ̀ŋ 4:8

Wo Jìnàŋ Nɛɛmaàŋ naŋ wa dìè wo Pììlɛ sùà, yèè wò naŋ nyiŋ woò wààŋ, “Nyɛ̀iŋ nààŋ nyùùŋ gbèègbèè yèè màmànkùmɛ̀ŋ fuɔŋ nyàŋ,

Nyɛ̀nɛ̀ŋ 7:55

Kɛɛ wo Siiwììŋ, wo yèɔ wo Jìnàŋ Nɛɛmaàŋ naŋ wa dìèsùà wɔ, naŋ gè fɛ̀ɛ̀ dìì wo yɛ̀mɛ̀ ko àìjɛnɛ̀ŋ, yèè wò naŋ yɛ̀mɛ̀ e gbòlòùŋ Dayaà yèè wo Jisɛ̀ sia wɔŋ kùàŋ jìkà Dayàa.