Nyɛ̀nɛ̀ŋ 13:6 - WƆŊ FƐ̀Ì EBÒ SÌÀŊ DAYÀA

⁶ Wo Bànaŋɓà yèè wo Sɔɔ̀ naŋ wa kìlìè ke tiìŋ yii gbiŋ sùà e hàì ko jawa gbeeì ko Pafɔ̀. Àŋ nao mɛ̀ɛ̀ŋ wo Juùù nyuuŋ nyɛ̀nɛ̀ŋ kɔìɗòlò bà, wo wɛ̀ijì tòa àŋ nyaaŋ wo Ɓà-Jisɛ̀ wɔ.

Nyɛ̀nɛ̀ŋ 13:6 ပူးပေါင်းရင်းမြစ်များ

Maafiù 16:17

Yèè wo Jisɛ̀ nauŋ woò wààŋ, “E kpùùmaŋ è yaà weèum Saimɔ̀ŋ, jɔ̀àfèlàà Joonàaŋ! Muŋ gò tɛɛ̀ nyìmàŋ e yìwìà kè kpùnàŋ nyuùŋkpùuŋ yèè màŋ sɛ̀ìŋ, kɛɛ wo Dèda miɔ̀ŋ ko àìjɛnɛ̀ŋ naum kìɛ̀ŋ e jiikɛ̀ɛ bi.

Maafiù 24:24

Esaɓù aŋ wɛ̀ijì tòa yèè aŋ kulaì tòa do nàŋ hnè nyààŋ nyiŋ nàŋ yaà wo Kulaìɔ yèè aŋ kèèlà Dayà nyaŋ. Àŋ do nàŋ hnè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì wèè kàìsa aŋ zuwò aŋ nyùùŋ nyaŋ wo Dayà naŋ tàeɗùù nyaŋ, sèè àŋ ɓɛnɛ̀ŋ.

Maafiù 7:15

“Yɛ̀mɛìŋ nyiŋ bi diɛŋ wèè aŋ wɛ̀ijì tòa nyàŋ. Àŋ hnàŋ yèè mùŋ yɛmɛ̀ nyìŋ ke fòolàa àŋ naŋ kpàà maŋ fɛ̀ì ɓaawaa sùà, kɛɛ tɔɔɓaa maŋ jii nyiŋ màŋ sùà àŋ yaà mààŋ aŋ yilì kùùno nyàŋ àŋ nyaaŋ nyààŋ aŋ pɔ̀ɔ̀wɛ̀i.

Nyɛ̀nɛ̀ŋ 13:13

Wo Pɔɔ̀ yèè aŋ dàwiuŋ nyàŋ naŋ yèwè ko Pafɔ̀ yèè àŋ naŋ kɔ̀ ko Pɛgà ko jawa gbeeì wɔŋ fùɔ̀ŋ Pàŋfelìàa sùà. Yèè wo Jɔ̀ɔŋ Maì naŋ nyiŋ noo jòò yèè wò naŋ kɛ̀ɛ̀ maŋjɛ̀wɛ ko Jùlusɛ̀làm.

Nyɛ̀nɛ̀ŋ 13:8

Kɛɛ wo Ɓà-Jisɛ̀, wo yèɔ àŋ hewa ɓɛìŋ nyààŋ wo Ɛlemɔ̀ wɔ, wo nyùùŋ kɔìɗòlòɔ, naŋ nyiŋ wa kèèwè kùàŋ feìŋ, e kìlà wo manàŋ wa wèè wò nyuùŋ gbeeuŋ nɔɔ̀ŋ wò do kɛ̀ɛ̀nɛ̀ŋ è hààweɛ̀.

2 Kɔliìŋ 11:13

Aŋ felaa nyiiŋ àŋ yaà aŋ kèèlà kàaɓì, àŋ yaà aŋ keela tòa, aŋ yè nyaŋ tɔɔ e nyaàiŋ dè e tòmo nyiŋ nɛ̀ yèè àŋ ɓemàŋ e kìlà àŋ tɔɔ̀ nyiŋ bi wèè aŋ nɔ̀ŋ mààŋ aŋ keela kɛnɛ wèè Jisɛ̀ Kulaì.

2Time 3:8

Màànààŋ nɔŋ wo Janìŋ yèè wo Jamɓùlù naŋ wa gììyè wo Mòòze maŋhɛɛ lɛ̀, yɛi nɔŋ anyùùŋ nyɛɛ̀ŋ gììyà e tɔ̀ɔ̀nyaàaŋ maŋhɛɛ, anyùùŋ nyaŋ maŋ jii nyiŋ màŋ fè toomo tɛ̀ɛ̀ yèè àŋ naŋ sooò e hààweɛ̀ sùà.

1Jɔ̀ɔŋ 4:1

Dàwi mànaim nyàŋ, ɓɔ̀ nìŋ haawè ànyùùŋ nyaŋ gbiŋ naŋ woò nyààŋ àŋ kuwa wo Jìnàŋ Dayàa nyàŋ. Tùaìŋ aŋ jìnàŋ nyɛɛ̀ŋ maŋ nɔnɔŋ wèè niŋ nyìmàŋ sèè mààŋ tɔɔɓaa àŋ yewe koɓɛ̀ Dayài. Esaɓù kɛ̀ aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà.

Maŋ kèì nyɛɛnɛŋ 19:20

Kɛɛ wo Dayà naŋ wa kùwò wo yilì kùùnoɔ̀ e kpùlìà wo wɛ̀ijì tòaà, wo yèɔ naŋ wa tɔ̀ɔ̀ e tɔ̀ɔ̀màŋsèì maŋ kèè mèè ko fɛ̀ɛ̀fèìŋ wo yilì kùùnoɔ̀ wɔ, wèè wo zuwò wa anyùùŋ nyaŋ gbiŋ kuwa wa e fèè wo yilì kùùnoɔ̀ e kìlà àŋ naŋ wa zòòlò wo dayà jooɔ̀ nyaŋ. Wo Dayà naŋ wa gbìɛ̀ŋ wo yilì kùùnoɔ̀ yaà wo wɛ̀ijì tòaà e hmɔɔ̀ŋ kùwa gbee kàànè sɔfɔ̀ sùà wɔŋ nyiiŋ gèe sùà.