Nyɛ̀nɛ̀ŋ 13:51 - WƆŊ FƐ̀Ì EBÒ SÌÀŊ DAYÀA

⁵¹ Wo Pɔɔ̀ yaà wo Bànaŋɓà naŋ gbùmò e heiɛ̀ ko jawa wii maŋ gòlòò dìì nyiŋ màŋ wèè aŋ tɔɔ̀ kɛ̀ anyùùŋ nyaŋ gò wa jàà kè mìè gbìàŋ Dayàa kùàŋ dìì, yèè àŋ naŋ kɔ̀ ko jawa gbeeì Ìkɔniɔ̀ŋ.

Nyɛ̀nɛ̀ŋ 13:51 ပူးပေါင်းရင်းမြစ်များ

Maafiù 10:14

Sèè nìŋ kɔ̀à ko gbooì ɔ̀ɔ̀ ko jawaì ko yèi anyùùŋ nyaŋ gòiŋ jàà kùàŋ dìì ɔ̀ɔ̀ aŋ manàŋ wèè aŋ kùmìàŋ è nɛ̀ɛŋ nìŋ woà lɛ, gbùmoìŋ e hèì gòlòò dìiŋ nɛ̀ niŋ yèwà ko gboo bi.

Luù 10:11

‘È yààìŋ gbùmo sùà e hèì jawaiŋ nɛ̀ maŋ gòlòò dìì wi màŋ wèè e nɔ̀ŋ wo seì yaà e gòo ko nɛ̀ɛ̀iŋ niìŋ. Kɛɛ nyìmaìŋ kɛ̀ e Kànà Dayàa è hnàŋ ko nɛ̀ɛ̀iŋ niìŋ fɔ̀ɔ̀!’

Luù 9:5

Sèè nìŋ kɔ̀à ko jawaì ko yèi anyùùŋ nyaŋ gòiŋ jàà kùàŋ dìì lɛ, yèwaìŋ ko jawa bi e kìlà niŋ gbumò e hèì gòlòò dìiŋ nɛ̀ wèè e nɔ̀ŋ wo seì yaà e gòo ko nɛ̀ɛ̀ŋ nyiŋ niìŋ.”

Nyɛ̀nɛ̀ŋ 14:1

Wo Pɔɔ̀ yèè wo Bànaŋɓà naŋ gbòò koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ ko Ìkɔniɔ̀ŋ, màànààŋ nɔŋ àŋ naŋ wa nyɛ̀nɛ̀ŋ ko Aŋtiɔ̀ lɛ, yèè aŋ Juùù nyaŋ yaà aŋ yè nyaŋ fè àŋ Juùù nyaŋ zimgbe nyiŋ naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

Nyɛ̀nɛ̀ŋ 14:19

Aŋ Juùù nyaŋ bà nyiŋ naŋ wa hnè e yìwìà ko Aŋtiɔ̀ wɔŋ fùɔ̀ŋ Pɛ̀siidìàa yèè e yìwìà ko Ìkɔniɔ̀ŋ yèè àŋ naŋ nyɛ̀nɛ̀ŋ anyùùŋ nyaŋ aŋ kɛ̀ɛ̀nɛ̀ŋ maŋ jii fiiì wèè wo Pɔɔ̀. Àŋ naŋ wa hɔ̀wɔ̀ wo Pɔɔ̀ le dùò yèè auŋ gɔ̀ɛ̀ɛ̀ dìì auŋ gè ko jawa gbeeì, yèè àŋ naŋ wa gongò kɛ̀ wò fà.

Nyɛ̀nɛ̀ŋ 14:21

Wo Pɔɔ̀ yèè wo Bànaŋɓà naŋ wòò Ebò Siaàŋ ko Dɛɓì yèè anyuùŋ zimgbe naŋ kìlè anyùùŋ màŋjɛ̀wɛ̀ wo Kanaà Jisɛ̀. Kpeiŋ àŋ naŋ kɛ̀ɛ̀ maŋjɛ̀wɛ ko Lesità, ko Ìkɔniɔ̀ŋ, yèè àŋ naŋ hàì ko Aŋtiɔ̀ wɔŋ fùɔ̀ŋ Pɛ̀siidìàa sùà.

Nyɛ̀nɛ̀ŋ 16:2

Anyuùŋ hààwe nyàŋ gbiŋ ko Lesità yèè ko Ìkɔniɔ̀ŋ naŋ wa gbòò tɛ̀ɛ̀ e nyaàiŋ dè wo Timetè.

Nyɛ̀nɛ̀ŋ 18:6

Ko diemeì, anyùùŋ nyaŋ nauŋ gììyè maŋhɛɛ yèè àŋ nauŋ fè maŋ mìè ɓɛ̀ɛ̀pɔ̀ɔ. Kpeiŋ wo Pɔɔ̀ naŋ gbùmò e buunùuɛ̀ maŋ dèè kɔɔuŋ màŋ yèè wò naŋ nyiŋ tɔ̀ɔ̀ maŋ kùàŋ wò naŋ woò wààŋ, “Sìaìŋ nyɛ̀iŋ bi jii wèè e yèɛ gbiŋ doiŋ nàŋ kaaìŋ lɛ, e naàŋ nɔ̀ŋ è kpàŋ è kɔɔim è do nàŋ nɔ̀ŋ e kèì ɗì maŋ sɛ̀ìŋ nyɛ̀iŋ bi màŋ! Yèè niŋ naìm sìè jii. E yìwìà nàaŋ mìŋ do nàŋ nɔ̀ŋ gbùùyè ke mìè Dayàa koɓɛ̀ anyùùŋ nyaŋ fè àŋ Juùù nyaŋ.”

2Time 3:11

Màŋ nyìmàŋ maŋ keì nyìnga màŋ yaà e mɔ̀ɔ̀nɛɛ̀ŋ gbiŋ mìŋ naŋ kɔ̀ dìì ko Aŋtiɔ̀, ko Ìkɔniɔ̀ŋ, yaà ko Lesità maŋ, yèè maŋ keì mèè nyìnga màŋ naim kaaìŋ maŋ. Kɛɛ wo Kanaà naim joeyè woim gè màŋ gbiŋ sùà.