Nyɛ̀nɛ̀ŋ 13:50 - WƆŊ FƐ̀Ì EBÒ SÌÀŊ DAYÀA

⁵⁰ Kɛɛ anyùùŋ gbèègbèè aŋ Juùù nyaŋ naŋ kɔ̀ koɓɛ̀ aŋ kpàkòò ɓììɓìì nyaŋ bà ko jawaì yèè aŋ jɔùŋ kɛ̀ɛ̀nɛ̀ŋ ɓɛ̀ɛ̀jàa nyàŋ bà aŋ yè nyaŋ fè àŋ Juùù nyaŋ kɛɛ àŋ zoolà Dayà nyaŋ, yèè àŋ naŋ nyiŋ nyɛ̀nɛ̀ŋ aŋ kɛ̀ɛ̀nɛ̀ŋ maŋ jii fiìì wèè wo Pɔɔ̀ yèè wo Bànaŋɓà, yèè aŋ naŋ nyiŋ nimilà, e nɔ̀ŋ esaɓù aŋ nyiŋ nyìmàŋ aŋ nyiŋ gè maŋ tàta miiŋ wɔŋ fuɔɔ̀ŋ sùà.

Nyɛ̀nɛ̀ŋ 13:50 ပူးပေါင်းရင်းမြစ်များ

Maafiù 10:23

Yèè sèè anyùùŋ aiŋ nimilà ko jàwà ɗì guùŋ, dùaàŋ niŋ ka ko jawa joo. Yèè tɔ̀ miŋ woòiŋ e tɔɔɓaaà kɛ̀, niŋ naàŋ kpɛ̀ɛ̀yɛ̀ è tòmoiŋ nɛ̀ màŋ jawa màŋ gbiŋ wɔ̀ŋ fùɔ̀ŋ Ezɔ̀ɛ̀ɔ sùà paŋgàà miàim wò Jɔ̀àfèlàà Nyuùŋ Kpùnɔɔ̀ŋ mìŋ hnàŋ.

Nyɛ̀nɛ̀ŋ 13:43

Yèè nààŋ e dèèneɛ ko sààŋ zòòlò aŋ Juùù nyaŋ naŋ wa naàŋ ɓaa, aŋ Juùù nyuuŋ yèè anyùùŋ nyaŋ fè àŋ Juùù nyaŋ zimgbe nyiŋ naŋ wa kìlè koɓɛ̀ e zòòlò aŋ Juùù nyaŋ lɛ̀, naŋ wa dè wo Pɔɔ̀ yaà wo Bànaŋɓà maŋjɛ̀wɛ. Wo Pɔɔ̀ yaà wo Bànaŋɓà naŋ nyiŋ kìɛ̀ŋ jii nyingè wèè aŋ jeèè e hààwe sùà koɓɛ̀ Dayài esàɓù ke kpèè siaàŋ wo Dayà naŋ nyiŋ tɔɔ̀ lɛ.

Nyɛ̀nɛ̀ŋ 13:45

Kɛɛ nààŋ anyùùŋ gbèègbèè aŋ Juùù nyaŋ naŋ wa yɛ̀mɛ̀ e faaŋ lɛɛ̀, e kooɛ̀ naŋ nyiŋ diè. Kpeiŋ àŋ naŋ wa gììyè e yèɛ wo Pɔɔ̀ yaà wa woo lɛ̀ maŋhɛɛ, yèè àŋ nauŋ fè maŋ mìè ɓɛ̀ɛ̀pɔ̀ɔ.

Nyɛ̀nɛ̀ŋ 14:19

Aŋ Juùù nyaŋ bà nyiŋ naŋ wa hnè e yìwìà ko Aŋtiɔ̀ wɔŋ fùɔ̀ŋ Pɛ̀siidìàa yèè e yìwìà ko Ìkɔniɔ̀ŋ yèè àŋ naŋ nyɛ̀nɛ̀ŋ anyùùŋ nyaŋ aŋ kɛ̀ɛ̀nɛ̀ŋ maŋ jii fiiì wèè wo Pɔɔ̀. Àŋ naŋ wa hɔ̀wɔ̀ wo Pɔɔ̀ le dùò yèè auŋ gɔ̀ɛ̀ɛ̀ dìì auŋ gè ko jawa gbeeì, yèè àŋ naŋ wa gongò kɛ̀ wò fà.

Nyɛ̀nɛ̀ŋ 14:2

Kɛɛ aŋ Juùù nyaŋ yè nyaŋ kuwà wa e hààwe wò Kanaà Jisɛ̀ sùà nyaŋ naŋ wa nyɛ̀ŋɛ̀ŋ anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ maŋ jii fiiì wèè anyuùŋ hààwe nyàŋ.

Nyɛ̀nɛ̀ŋ 14:4

Kɛɛ anyùùŋ nyaŋ ko Ìkɔniɔ̀ŋ naŋ wa gòònò sùà. Aŋ bà nyiŋ naŋ wa dè aŋ Juùù nyaŋ maŋjɛ̀wɛ, yèè aŋ bà nyiŋ naŋ dè aŋ kèèlà Dayà nyaŋ maŋjɛ̀wɛ.

Nyɛ̀nɛ̀ŋ 14:5

Kpeiŋ anyùùŋ nyaŋ fè àŋ Juùù nyaŋ yaà aŋ Juùù nyaŋ nyiŋ bi, e kpùlìà anyuùŋ gbeegbèè nyiŋ nyàŋ, naŋ ɗewè wèè aŋ jàà e keì keekèè wo Pɔɔ̀ yaà wo Bànaŋɓà e kìlà wèè aŋ nyiŋ hɔ̀wà e jèèsùà aŋ nyiŋ jìwà.

Nyɛ̀nɛ̀ŋ 16:14

Wo nìeɔ̀ àŋ nyaaŋ wo Leɗià wɔ nàŋ yaà wa wo nyùnɔ̀ɔŋ bà guùŋ naŋ wi wa kumìè wɔ. Wò yewe wa ko jawa gbeeì aŋ nyaaŋ Tàyatilà, wò yaà wa wo nyuùŋ mààŋ maŋ dèè sɛ̀ìŋ tɔɔ nyìngà ɓaà titi, yèè wò hewa zòòlò Dayà. Wo Kanaà naŋ wa yìlè ke jiiuŋ nɛɛ̀ŋ wèè wo kumiàŋ e yèɛ wo Pɔɔ̀ yaà wa woo lɛ̀.

Nyɛ̀nɛ̀ŋ 17:12

Aŋ zimgbe nyiŋ naŋ wa sìè e hààwe nyiŋ nɛ̀ wo Kanaà sùà, e hààwè aŋ Guliì nyuuŋ ɓììɓìì nyaŋ bà, aŋ jɔùŋ yèè felaa.

Nyɛ̀nɛ̀ŋ 17:13

Kɛɛ nààŋ aŋ Juùù nyaŋ ko Tɛsèlonikà naŋ wa kòmò kɛ̀ wo Pɔɔ̀ naŋ wa gbòò ke mìè Dayàa ko Bɛ̀lià kuŋ pɛɛ, àŋ nao wa hnè wèè aŋ tooyà e nimilàa wo Pɔɔ̀ yèè wo Silà yaà wa kɔ̀ɔ̀yɛ̀ dìì tɛ lɛ̀.

Nyɛ̀nɛ̀ŋ 17:17

Wò naŋ wa kɔ̀ ko sààŋ zòòlò aŋ Juùù nyaŋ wèè wo gbòà ke mìè Dayàa koɓɛ̀ wo nyùùŋ nyaŋ nààŋ fè àŋ Juùù nyaŋ yèè aŋ Juùù nyaŋ yè nyaŋ yaà nyiŋ zoolà koɓɛ̀ guùŋ nyaŋ. Ke ɗɔɔ gbiŋ wò hewa gbòà koɓɛ̀ anyuùŋ mààŋ dòmaŋ nyàŋ kɔɔ aŋ yè nyaŋ wò mɛɛ̀ŋ wa e bòliɛ̀ sùà nyaŋ.

Nyɛ̀nɛ̀ŋ 17:4

Aŋ Juùù nyaŋ bà nyiŋ naŋ wa haawè yèè àŋ naŋ mààŋ wɔŋ fàà Pɔɔ̀ɔ yèè wo Silà. Eɓìèmàŋjɛ̀wɛ̀ nyiiŋ, anyuùŋ zimgbe aŋ Guliì nyuuŋ nyàŋ sùà yèè aŋ jɔùŋ ɓììɓìì nyaŋ zoolà Dayà nyaŋ naŋ mààŋ wɔŋ faà nyiŋ nɔɔ̀ŋ nyiŋ pɛɛ.

Nyɛ̀nɛ̀ŋ 18:7

Wo Pɔɔ̀ naŋ nyiŋ jòò yèè wò naŋ kɔ̀ wèè wo jòò ko gbòò wo felaa bà àŋ nyaaŋ wo Taitɔ̀ Jɔtù. Wo felaa wɛɛ̀ fè wa wò Juùù, kɛɛ wò hewa zòòlò Dayà yèè ko gboouŋ niìŋ naŋ wa gbɛ̀ɛ̀ ke sààŋ zòòlò aŋ Juùù nyaŋ.

Nyɛ̀nɛ̀ŋ 2:5

Aŋ Juùù zòòlò Dayà nyaŋ bà nyiŋ hewa jòò ko Jùlusɛ̀làm nyaŋ e yìwìà maŋ fuɔŋ màŋ gbiŋ sùà e ɗuunyaàŋ ko àìjɛnɛ̀ŋ dìì yaào wa.

Nyɛ̀nɛ̀ŋ 21:27

Nààŋ maŋ ɗɔ̀ɔ̀ nɔɔnɔŋ le tìyèe màŋ naŋ wa naàŋ joo tòloò wèè maŋ jùà, aŋ Juùù nyaŋ bà nyiŋ naŋ yèwè wɔŋ fùɔ̀ŋ Eesìàa nyàŋ, naŋ yɛ̀mɛ̀ wo Pɔɔ̀ ko Saaŋ Zòòlò Dayài, yèè àŋ naŋ dàà ke gboà gbee e faaàŋ sùà, e kìlà aŋ kùwà wo Pɔɔ̀.

Nyɛ̀nɛ̀ŋ 28:17

Maŋ ɗɔ̀ɔ̀ taai naŋ màànààŋ è naiŋ hàì ko Luùm, yèè wo Pɔɔ̀ naŋ nyààŋ aŋ ɓɛ̀màŋɗì aŋ Juùù nyaŋ bà wò naŋ nyiŋ woò wààŋ, “Wùìyaim nyàŋ, kòò mìŋ nyɛ̀nɛ̀ŋ wa è keì gbiŋ è do hìàŋ kè jii mɔ̀ɔ̀nɛ̀ŋ kòɓɛ̀ ànyunùim nyàŋ, kòò mìŋ fè màŋ sàwà àŋ nèwàènèwe wi nyàŋ jɛwɛ kè ɗɔ̀ɔ̀ guùŋ pɛɛ. Kɛɛ anyuùŋ wi nyàŋ ko Jùlusɛ̀làm naim kìlè koɓɛ̀ e kànà wɔŋ fùɔ̀ŋ anyùùŋ Luùm nyaŋ e pèesìnàŋ dìì.

Nyɛ̀nɛ̀ŋ 6:12

Tɛɛ̀ naŋ nyɛ̀nɛ̀ŋ anyùùŋ nyaŋ, aŋ màmànkùmɛ̀ŋ fuɔŋ nyàŋ yaà aŋ kààmɔ̀ɔ̀ŋ maŋ Sàwà Dayà nyaŋ, aŋ kɛ̀ɛ̀nɛ̀ŋ maŋ jii fiìì wèè Siiwììŋ. Àŋ naŋ kùwò wo Siiwììŋ yèè àŋ nauŋ kɔ̀ɔ̀ koɓɛ̀ anyùùŋ gbèègbèè fuɔŋ nyàŋ.

Nyɛ̀nɛ̀ŋ 8:1

Wo Sɔɔ̀ naŋ wa nyimèè wèè aŋ jìwà wo Siiwììŋ. Ke ɗɔ̀ɔ̀ guùŋ bi diɛŋ ke gbòò anyuùŋ hààwe nyàŋ naŋ wa tɔ̀ɔ̀tù e nimilà kùwa ko Jùlusɛ̀làm. Anyuùŋ hààwe nyàŋ gbiŋ, eɓìèmaŋjɛ̀wɛ̀ aŋ keela tàeɗùù nyaŋ, naŋ wa dùɔ̀ŋ aŋ ɓààyè maŋ tàta màŋ sùà wɔŋ fùɔ̀ŋ Jùdiàa sùà yèè ko Sàmilià.

Luùm 10:2

Mìŋ yaà wo seì kɛ̀ àŋ manaŋ wo Dayà zimgbe, kɛɛ aŋ kuwà è jiikɛ̀ɛ kɛnɛ niŋ.

2 Kɔliìŋ 11:26

Yèè maŋ kààiŋ zimgbe màŋ miŋ naŋ kaaìŋ màŋ sùà, mìŋ naŋ kɔ̀ɛ̀ e kèì nyìngà wuiyè jòwa yèè anyuùŋ wùa dìì, yèè mìŋ naiŋ kɔ̀ɛ̀ dìì e yìwìà anyùùŋ miàŋ bi nyàŋ sìwè yèè e yìwìà anyùùŋ nyaŋ fè àŋ Juùù nyaŋ sìwè. Maŋ kèì fɛɛ̀ nyùwò naŋ nɔ̀ŋ maŋ jawa gbeegbèè maŋ sùà, maŋ kèì fɛɛ̀ nyùwò naŋ nɔ̀ŋ maŋ keì gɔ̀àgɔ̀à sùà maŋ sùà, maŋ kèì fɛɛ̀ nyùwò naŋ nɔ̀ŋ maŋ juwo màŋ diɛŋ, yèè maŋ kèì fɛɛ̀ nyùwò naŋ yìwìè aŋ wùìya nyuuŋ tòa sìwè.

1Tɛsè 2:14

Nyɛ̀iŋ nààŋ wùìya wi nyàŋ, e nɛ̀ŋ guùŋ nɛ naiŋ kaaìŋ lɛ tiŋ naŋ kààìŋ koɓɛ̀ ke gbòò anyuùŋ hààwe Dayà nyàŋ ko Jùdià, koɓɛ̀ anyùùŋ nyaŋ wo Jisɛ̀ Kulaì kanaŋ nyàŋ. Nìŋ naŋ mɔ̀ɔ̀nɛ̀ŋ maŋ mɔ̀ɔ̀nɛŋ guùŋ bi dìì anyùùŋ nyɛ̀iŋ bi nyàŋ sìwè, màànààŋ àŋ naŋ wa mɔɔnɛ̀ŋ e yìwìà aŋ Juùù nyaŋ sìwè lɛ,

2Time 3:11

Màŋ nyìmàŋ maŋ keì nyìnga màŋ yaà e mɔ̀ɔ̀nɛɛ̀ŋ gbiŋ mìŋ naŋ kɔ̀ dìì ko Aŋtiɔ̀, ko Ìkɔniɔ̀ŋ, yaà ko Lesità maŋ, yèè maŋ keì mèè nyìnga màŋ naim kaaìŋ maŋ. Kɛɛ wo Kanaà naim joeyè woim gè màŋ gbiŋ sùà.