Nyɛ̀nɛ̀ŋ 13:48 - WƆŊ FƐ̀Ì EBÒ SÌÀŊ DAYÀA

⁴⁸ Ke miè gbìaŋ yɛɛ̀ naŋ wa fɔ̀ɔ̀yɛ̀ anyùùŋ nyaŋ fè àŋ Juùù nyaŋ maŋ jii, yèè àŋ naŋ tɛ̀nɛ̀ŋ ke mìè Dayàa. Kpeiŋ anyùùŋ nyaŋ gbiŋ naŋ wa nɔ̀ŋ ke ɗuù tà nyàŋ wèè wɔŋ nyiiŋ gèe gò jùàa naŋ gbìɛ̀ŋ e hààwe nyiŋ nɛ̀ wo Kanaà Jisɛ̀ sùà.

Nyɛ̀nɛ̀ŋ 13:48 ပူးပေါင်းရင်းမြစ်များ

Maafiù 25:46

Yèè wo Jisɛ̀ naŋ woò wààŋ, àŋ do nàŋ tùɔ̀ŋ anyùùŋ nyɛɛ̀ŋ koɓɛ̀ e keì nyìnga gò jùà, kɛɛ anyùùŋ tɔ̀ɔ̀nyaàŋ nyaŋ do nàŋ kɔ̀ koɓɛ̀ wɔŋ nyiiŋ gèe gò jùà.”

Maafiù 28:16

Anyùùŋ màŋjɛ̀wɛ̀ zììyà jɛ̀wɛ̀ guùŋ nyaŋ naŋ kɔ̀ ko Galaliì, koɓɛ̀ wɔŋ toò gbeeɔ̀ wo Jisɛ̀ naŋ nyiŋ tɔɔ̀ kɛ̀ àŋ douŋ nàŋ mɛɛ̀ŋ lɛ.

Luù 7:8

Mìŋ naŋ tɛɛ̀ haawè esaɓù kɛ̀, miàŋ pɛɛ mìŋ kuwa anyuùŋ gbeegbèè aŋ yè nyaŋ mìŋ toomàŋ dìì. Sèè àŋ woàìm nyààŋ nyɛnɛ̀ŋ tɛɛ̀, ka niŋ nyɛ̀nɛ̀ŋ. Mìŋ kuwa ɓɛìŋ aŋ kààlòòɗùà aŋ yè nyaŋ toomàìm dìì. Sèè mìŋ woà wo bà guùŋ mìàŋ, ‘Kɔ̀à!’ wò do nàŋ kɔ̀. Sèè mìŋ woà ɓɛìŋ wo bà mìàŋ ‘Hnaàŋ!’ wò do nàŋ hnè. Mìŋ woà wo ɓɔìjɔ̀à miɔ̀ŋ mìàŋ, ‘Nyɛnɛ̀ŋ tɛɛ̀!’ wò do niŋ nàŋ nyɛ̀nɛ̀ŋ.”

Jɔ̀ɔŋ 10:16

Kòò mìŋ kuwa aŋ ɓaawaa joo bà àŋ yè nyaŋ fè wɔ̀ŋ gɔ̀ɔ̀ŋ àŋ ɓaawaa nyɛɛ̀ŋ kò sùà nyaŋ. Mìŋ kuwa ka nyiŋ hìàŋ koɓɛ̀ guùŋ nyiŋ pɛɛ, yèè àŋ do nàŋ kòmò ke miè miɛ̀ŋ. Kpeiŋ àŋ do nàŋ nɔ̀ŋ ke gbòò maŋ ɗòlònɛ̀ŋ aŋ ɓààwàà guùŋ.

Jɔ̀ɔŋ 11:52

Yèè wo Kaifɔ̀ naŋ ɓɛìŋ woò wààŋ kɛ̀ wo Jisɛ̀ fè wa nɔŋ fà sùà wèè nyiŋ guùŋ. Wò yaà wa fàa sùà wèè wo hìàŋ anyùùŋ Dayà nyaŋ gbiŋ naŋ wa ɓaayè nyaŋ wèè aŋ nɔ̀ŋ mìèsùàguùŋ.

Nyɛ̀nɛ̀ŋ 13:12

E kàa kii lɛɛ̀ naŋ wa fòònò wo nyuùŋ gbeeɔ̀ nààŋ wò naŋ yɛ̀mɛ̀ e yèɛ naŋ wa kaaìŋ lɛ e nyaàiŋ dè wo Kanaà. Kpeiŋ wò naŋ sìè e hààweuŋ nɛ̀ wo Kanaà sùà.

Nyɛ̀nɛ̀ŋ 13:42

Nààŋ wo Pɔɔ̀ yèè wo Bànaŋɓà yaà wa kɔɔyɛ e yìwìà ko sààŋ zòòlò aŋ Juùù nyaŋ, anyùùŋ nyaŋ naŋ nyiŋ wa pɔwɔ̀ wèè aŋ hnàŋ ɓɛìŋ ke Ɗɔ̀ɔ̀ Zòòlò aŋ Juùù nyaŋ do ɓɛìŋ nàŋ hnè lɛ diɛŋ wèè wo Pɔɔ̀ yèè wo Bànaŋɓà aŋ nyiŋ ɓɛìŋ wòò e zimgbe niŋ nyaàiŋ dè ke mìè Dayàa.

Nyɛ̀nɛ̀ŋ 15:2

E keì bi naŋ wa hìɛ̀ŋ e nyaàntàaŋ wo Pɔɔ̀ yèè wo Bànaŋɓà fèemàŋ. Kpeiŋ àŋ naŋ wa tà wo Pɔɔ̀ yèè wo Bànaŋɓà ɗùù e kpùlìà anyùùŋ bà e yìwìà ko Aŋtiɔ̀ wèè aŋ ka ko Jùlusɛ̀làm aŋ kiɛ̀ŋ ke jii gbài koɓɛ̀ aŋ keela nyàŋ yèè aŋ màmànkùmɛ̀ŋ anyuùŋ hààwe nyàŋ e nyaàiŋ dè e keì lɛɛ̀.

Nyɛ̀nɛ̀ŋ 15:31

E zɔlɔ̀ naŋ wa nyɛ̀nɛ̀ŋ anyùùŋ nyaŋ nààŋ àŋ naŋ kpɛ̀nɛ̀ŋ wɔŋ fɛiɔ̀, esaɓù kɛ̀ ke miè gbìaàŋ naŋ nyiŋ wa kìɛ̀ŋ ke jii nyingè.

Nyɛ̀nɛ̀ŋ 2:41

Kpeiŋ anyùùŋ nyaŋ naŋ hààwè ke mìè gbìàŋ Pììlɛɛ̀ maŋ jii nyiŋ màŋ sùà nyaŋ, naŋ wa nɔ̀ŋ gùa nyiŋ. E sɔ̀ngɔ̀ anyuùŋ tààsùùŋ tàài (3,000) naŋ wa sɛ̀ɛ̀ ke gboò nyiŋ nɛɛ̀ŋ sùà ke ɗɔɔ yii.

Nyɛ̀nɛ̀ŋ 2:47

àŋ yaà tɛ̀nɛ̀ŋ sùà wo Dayà wèè e keì sìàuŋ nɛ̀, e kìlà àŋ yaà jìka sùà ke nyɛ̀nɛ̀ŋ sìàŋ anyùùŋ nyaŋ gbiŋ. Ke ɗɔɔ gbiŋ wo Kanaà Jisɛ̀ hewa gbìàŋ anyùùŋ nyaŋ naŋ wa yɛ̀mɛ̀ e jòèye nyàŋ ke gboò nyiŋ nɛɛ̀ŋ sùà.

Nyɛ̀nɛ̀ŋ 20:13

Wo Pɔɔ̀ naŋ wa ɗewè wèè wo kààìŋ dìì wo kà ko Asò. Yàwi nààŋ nyùùŋ màŋjɛ̀wɛ̀ gbànauŋ nyàŋ naŋ wa sɛ̀ɛ̀ wɔŋ meeèɔ sùà yèè è naiŋ kɔ̀ ko feìŋ ko Asò wèè e ɓeemèiŋ noo wo Pɔɔ̀ wɔŋ meeèɔ sùà e kaiŋ.

Nyɛ̀nɛ̀ŋ 22:10

Yèè mìŋ naŋ dawè mìàŋ, ‘Kiìŋ mùŋ manaŋ ka nyɛ̀nɛ̀ŋ, Kanaà?’ Wo Kanaà naim woò wààŋ, ‘Yewà dìì yèè muŋ ka ko Dàmakɔ̀, kuŋ wo nyùùŋ doum nàŋ woò kɛ̀ kiìŋ mùŋ do nàŋ nyɛ̀nɛ̀ŋ.’

Nyɛ̀nɛ̀ŋ 28:23

Nààŋ àŋ naŋ tɔ̀ɔ̀ e teenga wèè aŋ mɛ̀ɛ̀ŋ wo Pɔɔ̀, aŋ zimgbe nyiŋ naŋ wa hnè ko gbooì wò joà lɛ ke ɗɔɔ yii. Wo Pɔɔ̀ naŋ gbòò ko nɛ̀ɛ̀ŋ nyiŋ niìŋ e nyaàiŋ dè e Kànà Dayàa e yìwìà maŋ nyiìŋ tɛ̀tɛ̀ e jèèsùà e gɔɛɛ hàì ko ɗìò tɛɛ. Wò naŋ gbòò ko nɛ̀ɛ̀ŋ nyiŋ niìŋ e yìwìà maŋ Sàwà maŋ wo Dayà naŋ wa kìɛ̀ŋ wo Mòòze màŋ yèè maŋ keì wòo màŋ e yìwìà maŋ fɛ̀ì aŋ Wɛ̀ijì nyaŋ sùà wèè wo kamè ɗewe aŋ kɛɛnɛ̀ŋ e hààwe wo Jisɛ̀ sùà.

Nyɛ̀nɛ̀ŋ 8:8

Kpeiŋ e zɔlɔ̀ gbee naŋ wa nɔ̀ŋ ko jawa gbee wii.

Luùm 11:7

Kiìŋ tɛɛ̀ naŋ tɔɔ̀? È naŋ tɔɔ̀ kɛ̀, anyùùŋ Ezɔ̀ɛ̀ nyaŋ gò wa mɛ̀ɛ̀ŋ è nɛ̀ɛŋ àŋ yaà wa kaame lɛ̀. Anyuùŋ kpàka nyàŋ wo Dayà naŋ wa tàeɗùù anyùùŋ Ezɔ̀ɛ̀ nyaŋ sùà nyaŋ, naŋ wa mɛ̀ɛ̀ŋ e nɛ̀ɛŋ aŋ gbiŋ yaà wa kaame lɛ̀. Aŋ gbànaŋ nyàŋ gbiŋ, wo Dayà naŋ wa nyiŋ nyɛ̀nɛ̀ŋ aŋ gò kòmàŋ è nyààneuŋ nɛ̀.

Luùm 13:1

Anyùùŋ nyaŋ gbiŋ maŋ nyiiŋ gèe nyiŋ màŋ sùà, kuwa aŋ jɔ̀ɔ̀lɔ̀ aŋ kànà fuɔŋ nyiŋ nyàŋ dìì. Wo Dayà nɔŋ nàŋ kiɛ̀ŋ wo nyùùŋ gbiŋ e gààŋ kana kɛ̀ɛ.

Luùm 8:28

Wo Dayà tomàŋ wèè e tɛ̀ɛ̀tɛ̀ɛ̀ anyùùŋ nyaŋ mànauŋ nyaŋ. Nyiŋ nàŋ yaà anyùùŋ nyaŋ wo Dayà naŋ nyààŋ wèè aŋ nyɛ̀nɛ̀ŋ e yèɛ wò manaŋ lɛ̀.

1 Kɔliìŋ 16:15

Nàŋ nyìmàŋ e kèè Sìfanà yaà ke kpoouŋ nɛɛ̀ŋ, nyiŋ nàŋ yaà aŋ wùìya jiɛ̀jiɛ̀ nyaŋ e hààweɛ̀ sùà ko Àkaayà yèè àŋ naŋ fè nyiŋ bi wèè tòòmo koɓɛ̀ anyùùŋ nɛɛmaŋ nyàŋ. Mìŋ yààìŋ pɔ̀wɔ sùà, nyɛ̀iŋ nààŋ wùìyaim nyàŋ,

Ɛfesɔ̀ 1:11

Wo Dayà nyɛnɛŋ e yèɛ gbiŋ wò ɗewà lɛ e kaaìŋ, e wèètii wò naŋ wa tà wo Jisɛ̀ Kulaì ke ɗùù wèè wo wi ɓemè.

Ɛfesɔ̀ 1:19

yèè e ɗeweɛ̀ e gaàuŋ nɛ̀ yaà wì tòòmo sùà, yàwi nyàŋ naiŋ haawè nyaŋ. E gààŋ lɛɛ̀ yaà wì tòòmò sùà lɛ è yaà nɔŋ e gààŋ zùlù guùŋ nɛ wò naŋ toomò

Ɛfesɔ̀ 1:4

Wèè paŋ wo Dayà wa bànè e ɗuunyaŋ lɛɛ̀, wò wi wa kpɛ̀ɛ̀yɛ̀ tàeɗùù gɔu wèè eiŋ nɔ̀ŋ anyunùuŋ esàɓù e nɔ̀ŋ wilɛ̀ ke gbòò anyuùŋ hààwè Jisɛ̀ Kulaì nyaŋ sùà, wèè kɛ̀ eiŋ nɔ̀ŋ anyùùŋ nɛɛmaŋ gò kùwìè è tɔ̀mɛ kò fɛɛ̀ fenìuŋ. Esàɓù e mànauŋ nɛ̀ sùà,

Ɛfesɔ̀ 1:5

wo Dayà wa kpɛ̀ɛ̀yɛ̀ ɗèwe kɛ̀ esàɓù Jisɛ̀ Kulaì sùà, wò do wi naŋ ɓemè wèè eiŋ nɔ̀ŋ aŋ jɔ̀àuŋ, tɛɛ̀ nàŋ yaà wa e kèè jiiuŋ nɛ̀, e yèɛ wò manaŋ wa wèè e kaaìŋ lɛ.

2Tɛsè 3:1

Ko jèè e ɗìi nyɛ̀iŋ nààŋ wùìya wi nyàŋ, zòòloìŋ weè wi wèè ke mìè gbìàŋ Kanaà Jisɛ̀ ke kunò nɔŋ ɓààye keleiŋ, yèè ke yɛmɛ̀ kuàŋ jàà dìì e ɓɛ̀ɛ̀jàa sùà, màànààŋ nɔŋ è naŋ kaaìŋ e teengaà è yààìŋ e tɛɛ lɛ̀.