Nyɛ̀nɛ̀ŋ 13:41 - WƆŊ FƐ̀Ì EBÒ SÌÀŊ DAYÀA

⁴¹ ‘Yɛ̀mɛìŋ tɛɛ̀, nyɛ̀iŋ nyàŋ nìŋ gboo naanààŋ koɓɛ̀ Dayài nyàŋ! Tɔ̀ e keì foonòiŋ yèè niŋ fà! Esaɓù mìŋ do nàaŋ nàŋ nyɛ̀nɛ̀ŋ e nɛ̀ŋ bà e yèɛ niŋ naàŋ haawè lɛ, sèè pɛɛ wo nyùùŋ bà woiŋ niŋ wòò e kiiŋ.’ ”

Nyɛ̀nɛ̀ŋ 13:41 ပူးပေါင်းရင်းမြစ်များ

Luù 16:14

Nààŋ aŋ Fɛlosiì nyaŋ naŋ wa tɛɛ̀ kòmò, àŋ naŋ hììlè wo Jisɛ̀, esaɓù kɛ̀ àŋ manaŋ nɛɛnɛŋ zimgbe.

Luù 23:35

Anyùùŋ siao wa àŋ yàaùŋ yɛɛmɛ e kìlà e tèèngà guùŋ bi sùà aŋ ɓɛ̀màŋɗì aŋ Juùù nyaŋ yàaùŋ hiile nyààŋ, “Wò naŋ jòèyè anyuùŋ joo. Tɔ̀ wo joeyè wuŋ bi, sèè mààŋ wuŋ nàŋ yaà wo Kulaìɔ, wo yèɔ wo Dayà naŋ tàeɗùù wɔ!”

Nyɛ̀nɛ̀ŋ 13:47

Maŋ keì maŋ wo Kanaà Dayà naŋ wi woò wèè e nyɛ̀nɛ̀iŋ màŋ mɛɛ̀ŋ. Wò naŋ woò wààŋ, ‘Kàiŋ tàeɗùù wèè naŋ nɔ̀ŋ e gbolòùŋ wèè anyùùŋ nyaŋ fè àŋ Juùù nyaŋ. Nìŋ kuwa naŋ kòà e gààŋ jòèyè Dayàa koɓɛ̀ anyùùŋ nyaŋ gbiŋ e dììɛ diɛŋ ɗuunyaàŋ wèè aŋ nɔ̀ŋ jòèye nyiŋ.’ ”

Nyɛ̀nɛ̀ŋ 22:21

Kɛɛ wo Kanaà naim woò wààŋ miŋ ka, yèè wò naŋ jɔ̀ɔ̀ ɗààhiì wèè woim tùàŋ maŋ fuɔŋ dii sùà koɓɛ̀ anyùùŋ nyaŋ fè àŋ Juùù nyaŋ.”

Nyɛ̀nɛ̀ŋ 3:23

Wo nyùnɔ̀ɔŋ gbiŋ gò jɔ̀ɔ̀lɔ̀ wò keela wii dìì kè jiiuŋ nɛɛ̀ŋ sùà wɔ, wò do nàŋ fòlò ke gbòò anyùùŋ Dayà nyaŋ tɛɛ.’

Nyɛ̀nɛ̀ŋ 6:14

È naiŋ kòmò wò naŋ woò wààŋ, wo Jisɛ̀ wɛɛ̀ e yìwìà ko Naazɔ̀ɛ̀ do naŋ gɔ̀ɛ̀ ke sààŋ zòòlò aŋ Juùù nyaŋ yèè e kìlà wo vɔ̀ɔ̀nɔ̀ŋ maŋ langi maŋ gbiŋ wo Mòòze naŋ wi kiɛ̀ŋ maŋ!”

1Tɛsè 2:16

Àŋ naŋ ngèè pɛɛ fɛ̀ɛ̀ wèè aŋ wi kìlìà kùàŋ feìŋ wèè e goiŋ nàŋ wòò ke miè gbìaàŋ kòɓɛ̀ ànyùùŋ nyaŋ fè àŋ Juùù nyaŋ, wèè aŋ yɛ̀mɛ̀ è jòèye. E ɗewe lɛɛ̀ sùà, àŋ hàì ko dìà maŋ jùumù nyiŋ màŋ gbiŋ àŋ naŋ wa dè nyɛ̀nɛŋ màŋ. Wèètii e nìmìlà Dayàa è nyiŋ dèyà diɛŋ.

1Pììlɛ 4:17

E tèèngà e gbàiɛ̀ è haì, yèè è do nàŋ tɔ̀ɔ̀tù ko sààŋ Dayài jiɛ̀. Sèè è tɔɔtù wì diɛŋ, diè ko jèè e ɗìi do nàŋ nɔ̀ŋ wèè anyùùŋ nyaŋ gò hààwè kè mìè gbìàŋ Ebò Siaàŋ kè yèɛ yewe Dayà sìwè lɛ?