Nyɛ̀nɛ̀ŋ 13:36 - WƆŊ FƐ̀Ì EBÒ SÌÀŊ DAYÀA

³⁶ E teengaà wo Dèèwe yaà wa wɔŋ nyiiŋ gèeɔ̀ sùà lɛ, wò naŋ wa tomo wo Dayà dìì. E teengaà wò naŋ wa fɔ̀ lɛ, àŋ nauŋ wa sììyè wo dèdauŋ nɔɔ̀ŋ kɔɔ ke hùaàŋ sùà, yèè ke kpùnauŋ nɛɛ̀ŋ naŋ wa hèwè.

Nyɛ̀nɛ̀ŋ 13:36 ပူးပေါင်းရင်းမြစ်များ

Maafiù 25:16

Wo yèɔ naŋ wa yɛ̀mɛ̀ e pàtaà tààsùùŋ nɔɔnɔɛ̀ŋ wɔ, naŋ kɔ̀ yèè wò naŋ niŋ nyìnìè ebòli, yèè wò naŋ ɓɛìŋ yɛ̀mɛ̀ e tààsùùŋ nɔɔnɔŋ e nɛɛnɛuŋ nɛ̀ diɛŋ.

Jɔ̀ɔŋ 11:39

Wo Jisɛ̀ naŋ nyiŋ woò wààŋ, “Geìŋ wɔŋ duò fààa ke hùaàŋ yɛmgbɛ̀!” Kɛɛ wo Mààta, wo jàà gbèè nyuùŋ fàaà naŋ woò wààŋ, “Kanaà, màŋ nyìmàŋ kɛ̀ wo Lazɔlɔ̀ naàŋ fà è nyɛ̀nɛ̀ŋ maŋ ɗɔ̀ɔ̀ tiinàŋ, e dòuŋ nɛ̀ do nàŋ ɓaayè sèè mùŋ yilà ke hùaàŋ.”

Nyɛ̀nɛ̀ŋ 13:22

E teenga bà naŋ mààŋ, yèè wo Dayà naŋ gè wo Sɔɔ̀ ke kpùà kanaà diɛŋ yèè wò naŋ nyɛ̀nɛ̀ŋ wo Dèèwe wo jɔ̀àfèlàà Jɛ̀seɔ̀ wo kana nyiŋ nɔɔ̀ŋ. Wo Dayà naŋ wòò e kiiuŋ wààŋ, ‘Wo Dèèwe wo jɔ̀àfèlàà Jɛ̀seɔ̀ nàŋ yaà wo nyùnɔ̀ɔŋ ke jii miɛ̀ŋ naŋ ɓemè zimgbe. Wò nyɛnɛŋ e yèɛ gbiŋ mìŋ manaŋ wo nyɛ̀nɛ̀ŋ lɛ.’

Nyɛ̀nɛ̀ŋ 2:29

Wo Pììlɛ naŋ ɓɛìŋ woò wààŋ, “Nyɛ̀iŋ nààŋ nyuùŋ hààwe dàwim nyàŋ, è yaà e tɔ̀ɔ̀nyaàŋ wèè kaiŋ wòò e kèè wo nèwàènèwe wiɔ̀ Dèèwe. Wò naŋ wa fɔ̀ e kìlà anyùùŋ nyaŋ naŋ niŋ wa nyɛ̀nɛ̀ŋ e kpàŋ kɔɔ nyiŋ auŋ sìà, yèè ke hùàuŋ nɛɛ̀ŋ kòò kè yaà kià ko nɛ̀ɛ̀ŋ wiì.

Nyɛ̀nɛ̀ŋ 20:27

Kàiŋ wòò e yèɛ gbiŋ wo Dayà manaŋ wèè naŋ nyìmàŋ lɛ.

Nyɛ̀nɛ̀ŋ 7:60

Kpeiŋ wò naŋ dè maŋ gɛ̀ɛ̀ŋ nùuŋ màŋ dìì yèè wò naŋ kpààŋ ke miè gbeeo sùà wààŋ, “Kanaà! Ɓɔ̀ mùŋ kuwià nyiŋ màŋ jùumù mɛɛ̀ŋ!” Wò naŋ tɛɛ̀ woò yèè wò naŋ mìè nyiiŋ.

Nyɛ̀nɛ̀ŋ 8:1

Wo Sɔɔ̀ naŋ wa nyimèè wèè aŋ jìwà wo Siiwììŋ. Ke ɗɔ̀ɔ̀ guùŋ bi diɛŋ ke gbòò anyuùŋ hààwe nyàŋ naŋ wa tɔ̀ɔ̀tù e nimilà kùwa ko Jùlusɛ̀làm. Anyuùŋ hààwe nyàŋ gbiŋ, eɓìèmaŋjɛ̀wɛ̀ aŋ keela tàeɗùù nyaŋ, naŋ wa dùɔ̀ŋ aŋ ɓààyè maŋ tàta màŋ sùà wɔŋ fùɔ̀ŋ Jùdiàa sùà yèè ko Sàmilià.

1 Kɔliìŋ 15:18

È he weè ɓɛìŋ nàŋ tɔɔ̀ kɛ̀ anyuùŋ hààwè Jisɛ̀ Kulaì sùà nyaŋ naŋ fɔ̀ lɛ àŋ go.

1 Kɔliìŋ 15:6

E kìlà wò naŋ ɓɛìŋ fòlò aŋ wùìya nyàŋ bà feìŋ àŋ nìàŋ anyùùŋ hɔ̀nɔ̀ɔ̀ nɔɔnɔŋ e tèèngà guùŋ diɛŋ aŋ yè nyaŋ aŋ bà nyiŋ kòò àŋ yaà fuɔŋ nyàŋ, jòòpɛɛ aŋ bà nyiŋ naàŋ fà.

1Tɛsè 4:13

Nyɛ̀iŋ nààŋ wùìya wi nyàŋ, è manaŋ wèè naŋ nyìmàŋ e tɔɔɓaà nyaàiŋ dè anyùùŋ nyaŋ naŋ fɔ̀ nyaŋ, wèè ke nyowo goiŋ nàŋ nɔ̀ŋ nyinie mààŋ ànyuùŋ gò kùwìè kè jii tùlia.