Nyɛ̀nɛ̀ŋ 13:35 - WƆŊ FƐ̀Ì EBÒ SÌÀŊ DAYÀA

³⁵ Yèè nààŋ wò naŋ woò koɓɛ̀ bà wɔŋ Fɛ̀ì Dayàa sùà lɛ wààŋ, ‘Miàŋ nàŋ yaà wò ɓɔ̀ìjɔ̀à nɛɛmaŋ mɔɔ̀ŋ, muŋ naàŋ nyimèè wèè kè kpùnaŋ miɛ̀ŋ ke hèwà kè hùaàŋ sùà.’

Nyɛ̀nɛ̀ŋ 13:35 ပူးပေါင်းရင်းမြစ်များ

Luù 2:26

wo Dayà nauŋ wa woò e yìwìà wo Jìnàŋ Nɛɛmaàŋ sùà wààŋ kɛ̀, wo naàŋ fɔ̀ e jèèsùà wo yɛ̀mɛ̀ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ.

Jɔ̀ɔŋ 3:36

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Jɔ̀ɔŋ 8:51

Mìŋ yààìŋ wòò e tɔɔɓaaà kɛ̀ sèè nìŋ jaa maŋ mìè gbòaim màŋ kùàŋ dìì, niŋ naàŋ wa nàwèè fɔ̀ julɔfɔ.”

Hiɓu 11:5

E hààwe naŋ nyɛ̀nɛ̀ŋ wo Inɔ̀ jèè wɔŋ nyiiŋ gèeɔ̀ sùà. Wèè esaɓù lii wò naŋ wa jòwò ko àìjɛnɛ̀ŋ, yèè wo nyùùŋ gbiŋ gòuŋ wa ɓɛ̀nɛ̀ŋ mɛɛ̀ŋ, esaɓù kɛ̀ wo Dayà nauŋ wa joowò. Wɔŋ fɛ̀ì Dayàa wààŋ wèè paŋ wo Inɔ̀ jòwà wa, ke mìè seì naŋ tɔɔ̀ kɛ̀ wò naŋ wa nyɛ̀nɛ̀ŋ e nɛ̀ɛŋ wo Dayà manaŋ wa lɛ̀.