Nyɛ̀nɛ̀ŋ 13:33 - WƆŊ FƐ̀Ì EBÒ SÌÀŊ DAYÀA

³³ Wò niŋ naàŋ nyɛ̀nɛ̀ŋ weè wi, nààŋ wò naŋ gè wo Jisɛ̀ e fàa dìì wɔŋ nyiiŋ gèeɔ̀ sùà. È yaà nɔŋ màànààŋ è yaà sìnga niŋ wɔŋ fɛ̀ì dìà tìyèè Saààm sùà lɛ wààŋ, ‘Muàŋ nàŋ yaà wo Jɔ̀àfelaa miɔ̀ŋ, esaɓù kɛ̀ kà nàaŋ kìlà wo Dèda mɔɔ̀ŋ.’

Nyɛ̀nɛ̀ŋ 13:33 ပူးပေါင်းရင်းမြစ်များ

Jɔ̀ɔŋ 2:22

Kpeiŋ nààŋ wo Dayà nauŋ wa gè e fàaà dìì wɔŋ gèeo sùà, anyùùŋ màŋjɛ̀wɛ̀uŋ nyàŋ naŋ ngàà kɛ̀ɛ̀nɛ̀ŋ jii jàa wèè e yèɛ wò naŋ nyiŋ wa woò lɛ. Àŋ naŋ hààwè e yèɛ wɔŋ fɛ̀ì Dayàa naŋ woò lɛ yaà e yèɛ wo Jisɛ̀ naŋ nyiŋ wa woò lɛ.

Nyɛ̀nɛ̀ŋ 13:30

Kɛɛ wo Dayà nauŋ gè e fàaà dìì wɔŋ nyiiŋ gèeo sùà,

Nyɛ̀nɛ̀ŋ 13:34

Wo Dayà naŋ gè wo Jisɛ̀ e fàa dìì yèè julɔfɔ wo naàŋ dàngè kè kpùnauŋ nɛɛ̀ŋ kè do hìwìà kè hùaàŋ sùà. È yaà nɔŋ màànààŋ wo Dayà naŋ wa wòò anyuùŋ hààwe nyàŋ wo Jisɛ̀ sùà lɛ wààŋ, ‘Mìŋ doiŋ nàŋ kìɛ̀ŋ e nɛɛmaàŋ yèè e kpùùmàŋ ke jii tùliaà mìŋ naŋ wa jɔ̀ɔ̀ ɗààhiì koɓɛ̀ Dèèweì lɛ.’

Nyɛ̀nɛ̀ŋ 13:37

Kɛɛ tɛɛ̀ gò wa kààìŋ kòɓɛ̀ Jisɛ̀i wò yèɔ wò Dayà naŋ wa gè è fàa dìì wɔ, ke kpùnauŋ nɛɛ̀ŋ gò wa hèwà.

Nyɛ̀nɛ̀ŋ 2:24

Kɛɛ wo Dayà nauŋ wa gè e jèlà fàa dìì wɔŋ nyiiŋ gèeo sùà, wouŋ gè e gààŋ fàa diɛŋ, esaɓù kɛ̀ e fàa kuwà wa è gààŋ diɛɔŋ wèè euŋ kùwà ke hùaàŋ sùà.

Nyɛ̀nɛ̀ŋ 2:32

Wo Dayà naŋ wa gè wo Kanaà Jisɛ̀ wɛɛ̀ e fàa dìì, yèè yàwi nààŋ gbiŋ è yààìŋ aŋ sèì koɓɛ̀ e tɔ̀ɔ̀nyaàŋ lɛɛ̀.

Nyɛ̀nɛ̀ŋ 9:20

E bìyao sùà wò naŋ wa kɔ̀ ko sààŋ zòòlò aŋ Juùù nyaŋ yèè wò naŋ tɔ̀ɔ̀tù anyùùŋ nyaŋ wòo wààŋ wo Jisɛ̀ nàŋ yaà wo Jɔ̀àfèlàà Dayàa.

Hiɓu 5:5

E ɗèwè guùŋ bi sùà nɔŋ, wo Jisɛ̀ Kulaì gò wa kìɛ̀ŋ wuŋ bi è dɛ̀ɛ̀kɛ wèè wo nɔ̀ŋ wò kànà sìèfèìŋ zòòlo gbee. Kɛɛ wo Dayà nauŋ wa woò wààŋ, “Muàŋ nàŋ yaà wo Jɔ̀àfelaa miɔ̀ŋ, esaɓù kɛ̀ kà nàaŋ kìlà wo Dèda mɔɔ̀ŋ.”