Nyɛ̀nɛ̀ŋ 13:32 - WƆŊ FƐ̀Ì EBÒ SÌÀŊ DAYÀA

³² Wo Dayà naŋ wa jɔ̀ɔ̀ ɗààhiì koɓɛ̀ aŋ nèwàènèwe wi nyàŋ. Yàwi pɛɛ è yààìŋ wòò sùà ebò siaŋ lɛɛ̀.

Nyɛ̀nɛ̀ŋ 13:32 ပူးပေါင်းရင်းမြစ်များ

Luù 1:19

Wo màikàa naŋ fasàì wààŋ, “Miàŋ nàŋ yaà wo Geeɓulɛ̀, mìŋ sia ko fɛ̀ɛ̀fèìŋ Dayài, wo yèɔ naim tùɔ̀ŋ ko nɛ̀ɛ̀ŋ muìŋ wèè kaum wòò ebò siaŋ lɛɛ̀.

Luù 2:10

Kɛɛ wo màikàa naŋ nyiŋ woò wààŋ, “E jùù ɓɔ̀ è nyɛ̀nɛ̀iŋ! Mìŋ kuwa ebò siaŋ wèè kaiŋ woò, e yèɛ do naŋ nyɛ̀nɛ̀ŋ anyùùŋ nyaŋ gbiŋ aŋ gè zɔlɔ̀.

Nyɛ̀nɛ̀ŋ 10:36

Nàŋ nyìmàŋ ke mìè gbìaàŋ wò naŋ wa tùɔ̀ŋ koɓɛ̀ anyùùŋ Ezɔ̀ɛ̀ nyaŋ lɛ̀, nààŋ wò naŋ wa wòò Ebò Siaàŋ e nyaàiŋ dè ke jii fàa esàɓù wo Jisɛ̀ Kulaì sùà, wo Kanaà wèè anyùùŋ nyaŋ gbiŋ.

Nyɛ̀nɛ̀ŋ 13:23

Wo Dayà naŋ wa jɔ̀ɔ̀ ɗààhiì kɛ̀ wo nyùùŋ bà hewa nàŋ fòlò ke kpòò Dèèweɛ̀ sùà wèè wo nɔ̀ŋ wo Nyuùŋ Jòèyeɔ̀ wèè anyùùŋ Ezɔ̀ɛ̀ nyaŋ, yèè wo nyùùŋ bi nàŋ yaà wo Jisɛ̀.

Nyɛ̀nɛ̀ŋ 13:38

Nyɛ̀iŋ nààŋ wùìyaim nyàŋ gbiŋ, mìŋ manaŋ wèè naŋ nyìmàŋ kɛ̀, wo Dayà juuyàìŋ hakɛ̀ wèè maŋ jùumùiŋ màŋ gbiŋ esàɓù Jisɛ̀ɛ sùà. Maŋ Sàwà maŋ wo Dayà naŋ wa fè wo Mòòze màŋ fè ɓɛ̀nɛ̀ŋ gè wò nyùùŋ gbiŋ è nìmìlà màŋ jùumùuŋ màŋ sùà. Kɛɛ wo nyùnɔ̀ɔŋ gbiŋ kuwa hààwe wo Jisɛ̀ sùà wɔ wo Dayà douŋ nàŋ jùùyè hakɛ̀ wèè maŋ tùwo naanààuŋ màŋ.

Nyɛ̀nɛ̀ŋ 14:15

“Wèè kiɛ̀ŋ nìŋ yaà tɛɛ̀ nyinie? È yààìŋ anyuùŋ kpùuŋ mààŋ nyɛ̀iŋ bi. È yààìŋ kià wèè eiŋ dàànè Ebò Siaàŋ, wèè naŋ gè manɛ̀ŋ foofòò mɛɛ̀ŋ kùàŋ sùà naŋ kìlà koɓɛ̀ wo Dàyà nyiiŋ gèeɔ̀, wuŋ naŋ bànè ko àìjɛnɛ̀ŋ, e dììɛ e ɗuunyaàŋ yaà wɔŋ juwoɔ̀, e hààwè manɛ̀ŋ maŋ gbiŋ yaà miìŋ ko sùà maŋ.

Nyɛ̀nɛ̀ŋ 26:6

Mìŋ sia nàaŋ kià wèè aim gbaì esaɓù mìŋ kuwa ke jii tùlia wèè e ɗààhiìɛ wo Dayà naŋ wa jɔ̀ɔ̀ lɛ koɓɛ̀ aŋ nèwàènèwe wi nyàŋ.

Nyɛ̀nɛ̀ŋ 3:19

Fèìŋ maŋ tùwo naanààiŋ màŋ jɛwɛ, Kpeiŋ, niŋ kìlà koɓɛ̀ Dayài, wèè wo juuyà maŋ jùumùiŋ màŋ hakɛ̀.

Nyɛ̀nɛ̀ŋ 5:42

Ke ɗɔɔ gbiŋ àŋ hewa kà ko Saaŋ Zòòlò Dayài yaà maŋ saaŋ joo dìì wèè aŋ wòò ke mìè gbìàŋ Ebò Siaàŋ nyaàiŋ dè wo Kanaà Jisɛ̀, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ.

Luùm 1:2

Wèè paŋ wo Jisɛ̀ hnàŋ wa e ɗuunyaàŋ, wo Dayà naŋ wa jɔ̀ɔ̀ e ɗààhiì kɛ̀ wò do nàŋ wòò Ebò Siaŋ lɛɛ̀ e yìwìà aŋ wɛ̀ijìuŋ nyàŋ sùà, nààŋ àŋ naŋ niŋ sìngè maŋ fɛ̀ì Nɛ̀ɛ̀màŋ Dayà maŋ sùà lɛ.

Luùm 10:15

Dièsɔa wo nyùùŋ bà naŋ nyiŋ ɓɛ̀nɛ̀ŋ wòò ke miè gbìaàŋ sèè wo Kànà È Gunɔ̀ɔŋ go tùàŋ anyùùŋ ko nɛ̀ɛ̀ŋ nyiŋ niìŋ? Wɔŋ fɛ̀ì Dayàa naŋ woò wààŋ, “È yaà e keì sìàŋ wèè maŋ yɛ̀mɛ̀ wo nyùùŋ bà, wò yaà hinie wèè wo wòò ke mìè gbìàŋ ebò siaàŋ!”

Luùm 4:13

Wo Dayà naŋ wa jɔ̀ɔ̀ e ɗààhiì koɓɛ̀ Eɓulɔhɛɛ̀iŋ yaà aŋ jɔ̀ɛ̀ɛ̀jɔ̀ɛɛuŋ nyàŋ kɛ̀ wò do nyiŋ wa nàŋ kìɛ̀ŋ e ɗuunyaàŋ wèè e nɔ̀ŋ e nɛ̀ŋ èdàà nyiŋ. Wo Dayà gò wa jɔ̀àà è ɗààhiì lɛɛ̀ esaɓù kɛ̀ wò Eɓulɔhɛɛ̀ŋ naŋ wa jɔ̀ɔ̀lɔ̀ màŋ Sàwà Dayà maŋ dìì, kɛɛ esàɓù e hààweuŋ nɛ̀ wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.

Luùm 9:4

Anyùùŋ Ezɔ̀ɛ̀ nyaŋ, nyiiŋ wo Dayà naŋ tàeɗùù. Wò naŋ nyiŋ ɓemè wèè aŋ nɔ̀ŋ anyunùuŋ. Wò naŋ nyiŋ tɔ̀ɔ̀ e jòòwouŋ nɛ̀, yèè wò naŋ bànè e ɗààhìì e mìèsùàguùŋ ko nɛ̀ɛ̀ŋ nyiŋ niìŋ yèè wò naŋ nyiŋ kìɛ̀ŋ maŋ Sàwàuŋ màŋ. Nyiiŋ nàŋ kanaŋ e ɗèwè kìì zòòlo kɛnɛɛ̀ yèè e ɗààhiìɛ wo Dayà naŋ ɓèmè ko nɛ̀ɛ̀ŋ nyiŋ niìŋ lɛ.