Nyɛ̀nɛ̀ŋ 13:29 - WƆŊ FƐ̀Ì EBÒ SÌÀŊ DAYÀA

²⁹ Nààŋ àŋ naŋ wa naàŋ kpɛ̀ɛ̀yɛ̀ nyɛ̀nɛ̀ŋ e yèɛ wɔŋ Fɛ̀ì Dayàa naŋ woò lɛ, nààŋ àŋ naŋ wa jìwè wo Jisɛ̀, àŋ naŋ wa gè e dieuŋ nɛ̀ e yìwìà wɔŋ vànèkpaaà diɛŋ yèè àŋ nauŋ hèè ke hùaàŋ sùà.

Nyɛ̀nɛ̀ŋ 13:29 ပူးပေါင်းရင်းမြစ်များ

Luù 23:50

Wo kenàŋ bà yaào wa àŋ nyaaŋ wo Jòòsɛ, e yìwìà ko jawaì àŋ nyaaŋ Àlòmatià, wɔŋ fùɔ̀ŋ Jùdiàa sùà. Wò yaà wa wo nyuùŋ sìàŋ tùwo yèè e tɔ̀ɔ̀nyaàŋ, yèè wò yaà wa fùlìè e Kànà Dayàa wèè e hnàŋ. Wò yaà wa wo bàuŋbà wèè ke gbòò anyùùŋ gbèègbèè aŋ Juùù nyaŋ, kɛɛ wo gò nyiŋ wa nyimèè wèè è yèɛ àŋ naŋ wa ɗewè yèè àŋ naŋ nyɛ̀nɛ̀ŋ lɛ.

Luù 23:53

Kpeiŋ wo Jòòsɛ naŋ dèèyè e dieɛ̀ e yìwìà wɔŋ vànèkpaaà diɛŋ, wo niŋ kpènèkpènè wɔŋ kasangeɔ̀ sùà, yèè wò naiŋ hèè ke dùòɛ sùà ke yèɛ àŋ naŋ wa tòmò sùà wèè ke nɔ̀ŋ ke hùaŋ, kɛɛ kòò àŋ sììyè nyiìŋ wa wò nyùùŋ gbiŋ sùà.

Luù 24:44

Kpeiŋ wò naŋ nyiŋ woò wààŋ, “Maŋ kèì guùŋ mɛɛ̀ŋ mìŋ naiŋ woò e teengaà mìŋ yààìŋ wa e tɛɛ lɛ̀. Maŋ keì maŋ gbiŋ yaà sìnga miŋ maŋ Sàwà Mòòze màŋ sùà, maŋ fɛ̀ì aŋ wɛ̀ijì nyaŋ sùà, yèè wɔŋ fɛ̀ì Saàaŋ sùà, màŋ kuwa maŋ hɛɛnɛ̀ŋ.”

Jɔ̀ɔŋ 19:28

Yèè e teenga lii sùà, wo Jisɛ̀ wa naàŋ nyìmàŋ kɛ̀ wò kpɛ̀ɛ̀yɛ̀ e tòmoɛ̀ wo Dayà nauŋ wa tùɔ̀ŋ wèè wo nyɛ̀nɛ̀ŋ lɛ. Yèè wèè wo nyɛ̀nɛ̀ŋ wa e yèɛ wɔŋ fɛ̀ì Dayàa naŋ woò lɛ e hɛɛnɛ̀ŋ, wo Jisɛ̀ naŋ woò wààŋ, “Ke jòòmàì yààìm.”

Jɔ̀ɔŋ 19:30

Nààŋ wo Jisɛ̀ naŋ tìyè maŋ muàŋ keekèè maŋ, wò naŋ woò wààŋ, “E gbiŋ è naàŋ jùà.” Yèè wo Jisɛ̀ naŋ kpààŋ sɛiŋ, yèè wò naŋ mìè nyiiuŋ nɔɔ̀ŋ.

Nyɛ̀nɛ̀ŋ 13:27

Anyùùŋ nyaŋ ko Jùlusɛ̀làm yèè anyuùŋ gbeegbèè nyiŋ nyàŋ naŋ wa gè maŋhɛɛ wèè aŋ nyìmàŋ kɛ̀ wò Jisɛ̀ nàŋ yaà wa wò yèɔ wo Dayà naŋ tàeɗùù wèè wo nɔ̀ŋ wo Nyuùŋ Jòèyeɔ̀ wèè anyùùŋ nyaŋ gbiŋ e ɗuunyaàŋ. Yèè aŋ gò wa nyìmàŋ màŋ miè gbìaŋ màŋ aŋ wɛ̀ijì nyaŋ naŋ wa sìngè maŋ, jòòpɛɛ àŋ kpɛ̀nɛ̀ŋ miìŋ wa e teenga gbiŋ ke Ɗɔ̀ɔ̀ Zòòlò aŋ Juùù nyaŋ diɛŋ. Yèè àŋ naŋ wa gììyè wo Jisɛ̀ maŋhɛɛ màànààŋ nɔŋ aŋ wɛ̀ijì nyaŋ naŋ wa woò lɛ. Àŋ naŋ wa nyɛ̀nɛ̀ŋ e yèɛ nɔŋ wɔŋ Fɛ̀ì Dayàa naŋ wa woò lɛ.

Nyɛ̀nɛ̀ŋ 2:23

Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.

Nyɛ̀nɛ̀ŋ 26:22

Kɛɛ wo Dayà naim kpuumò e teenga lɛɛ̀ gbiŋ sùà. Kà kìɛ̀ŋ ke mìè seì koɓɛ̀ anyuùŋ pɔ̀ɔ nyàŋ yèè anyuùŋ bàne nyàŋ. Mìŋ naŋ nyiŋ wòò e yèɛ nɔŋ aŋ wɛ̀ijì nyaŋ yèè wo Mòòze naŋ woò kɛ̀ è do nàŋ kaaìŋ lɛ.

Nyɛ̀nɛ̀ŋ 4:28

Àŋ naŋ wa deenè wèè aŋ nyɛ̀nɛ̀ŋ e yèɛ gbiŋ kɛ̀ muàŋ e yìwìà e gaàŋ mɔ̀ɛ̀ sùà mùŋ naŋ wa naàŋ ɗewè tɛ wèè e kaaìŋ lɛ.

Nyɛ̀nɛ̀ŋ 5:30

Nìŋ naŋ wa jìwìè wo Jisɛ̀ wɔŋ vànèkpaa diɛŋ. Kɛɛ wo Dàyà aŋ nèwàènèwe wi nyàŋ nauŋ gè e fàaà dìì wɔŋ nyiiŋ gèeo sùà.

1 Kɔliìŋ 15:4

kɛ̀ àŋ nauŋ sìè, yèè wo Dayà nauŋ gè e fàaà dìì e gɔ̀ɛ̀ taaà diɛŋ màànààŋ è yaà sìngaiŋ wɔŋ fɛ̀ì Dayàa sùà lɛ̀,