Nyɛ̀nɛ̀ŋ 13:26 - WƆŊ FƐ̀Ì EBÒ SÌÀŊ DAYÀA

²⁶ “Wùìyaim nyàŋ e yìwìà ke kpòò Eɓulɔhɛɛ̀ŋ, yèè nyɛ̀iŋ nyàŋ nààŋ fè àŋ Juùù nyaŋ kɛɛ nìŋ duɔŋ Dayà, ko nɛ̀ɛ̀ŋ wiì ke mìè gbìàŋ e jòèye yɛɛ̀ naŋ wa nɔ̀ŋ tùaŋ nyiŋ.

Nyɛ̀nɛ̀ŋ 13:26 ပူးပေါင်းရင်းမြစ်များ

Maafiù 10:6

Kɛɛ kɔ̀àìŋ nɔŋ koɓɛ̀ anyùùŋ nyaŋ ko Ezɔ̀ɛ̀, aŋ yè nyaŋ naŋ fè Dayà jɛwɛ nyàŋ, esaɓù kɛ̀ àŋ yaà mààŋ aŋ ɓaawaa naŋ go.

Maafiù 3:9

Ɓɔ̀ nìŋ gongò ngèè pɛɛ kòɓɛ̀ nyɛ̀iŋ biì kɛ̀ nàŋ ɓɛ̀nɛ̀ŋ dùàŋ e nimilà sìwè, esaɓù kɛ̀ nìŋ naŋ woò nààŋ nìŋ yewe ke kpòò Eɓulɔhɛɛ̀ɛŋ sùà. Miŋ woòiŋ e tɔɔɓaaà kɛ̀ wo Dayà ɓɛ̀nɛ̀ŋ ɓèmè le dùò lɛɛ̀ wo niŋ kìlà anyuùŋ kpùuŋ aŋ nɔ̀ŋ aŋ jɔ̀à wèè wo Eɓulɔhɛɛ̀ŋ.

Luù 1:69

Wò wi kìɛ̀ŋ wo nyuùŋ kùwìè e gaàŋ gbee wèè wo nɔ̀ŋ wo Nyuùŋ Jòèye wiɔ̀, e yìwìà ke kpòò wo ɓɔìjɔ̀àuŋ nɔɔ̀ŋ Dèèwe sùà.

Luù 1:77

wèè maŋ wòò anyunùuŋ nyàŋ kɛ̀ àŋ dò nàŋ jòèyè, esaɓù kɛ̀ wò do nàŋ jùùyè maŋ jùumù nyiŋ màŋ hakɛ̀.

Luù 24:47

Maŋ fɛi màŋ naŋ ɓɛìŋ woò wààŋ aŋ woò ke miè gbìaàŋ e deè mɛ̀ diɛŋ koɓɛ̀ anyuùŋ kpùuŋ nyàŋ gbiŋ e ɗuunyaàŋ kɛ̀ aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài, yèè e tɔɔtù ko Jùlusɛ̀làm wèè maŋ jùumù nyiŋ màŋ nɔ̀ŋ hakɛ̀ jùùya miŋ.

Jɔ̀ɔŋ 6:68

Kpeiŋ wo Saimɔŋ Piilɛ̀ nauŋ fasàì wààŋ, “Kanaà, sèè è kɛɛ̀ùm maŋjɛ̀wɛ, ɓɛ̀ ɓòò è naiŋ ɓɛ̀nɛ̀ŋ kàa? Tiŋ zà maŋ mìè gbòaum màŋ nàŋ kiɛ̀ŋ wɔŋ nyiiŋ gèe gò jùà.

Nyɛ̀nɛ̀ŋ 10:2

Wo Kɔ̀nilìɔ̀ yaà anyunùuŋ nyàŋ ko gboounoo kuwa wa e hààwe yèè àŋ duɔŋ wa wo Dayà. Wò hewa kpùùmàŋ anyuùŋ pɔ̀ɔ nyàŋ zimgbe, yèè wò hewa zòòlò Dayà e teengaà diɛŋ.

Nyɛ̀nɛ̀ŋ 10:35

Anyùùŋ nyaŋ zoolà Dayà yèè àŋ nyɛnɛŋ e yèɛ yaà tɔ̀ɔ̀nyaàŋ lɛ, wo Dayà do nyiŋ nàŋ jàà kùàŋ dìì, wo gò kpɛɛ̀ŋ kɛ̀ kiìŋ wɔŋ fuɔŋ àŋ yewe.

Nyɛ̀nɛ̀ŋ 13:43

Yèè nààŋ e dèèneɛ ko sààŋ zòòlò aŋ Juùù nyaŋ naŋ wa naàŋ ɓaa, aŋ Juùù nyuuŋ yèè anyùùŋ nyaŋ fè àŋ Juùù nyaŋ zimgbe nyiŋ naŋ wa kìlè koɓɛ̀ e zòòlò aŋ Juùù nyaŋ lɛ̀, naŋ wa dè wo Pɔɔ̀ yaà wo Bànaŋɓà maŋjɛ̀wɛ. Wo Pɔɔ̀ yaà wo Bànaŋɓà naŋ nyiŋ kìɛ̀ŋ jii nyingè wèè aŋ jeèè e hààwe sùà koɓɛ̀ Dayài esàɓù ke kpèè siaàŋ wo Dayà naŋ nyiŋ tɔɔ̀ lɛ.

Nyɛ̀nɛ̀ŋ 13:46

Kɛɛ wo Pɔɔ̀ yaà wo Bànaŋɓà naŋ ngèè ɓɛìŋ gbòò maŋ jii nyingè sùà nyààŋ, “È yaà weè tɛ̀ɛ̀ wèè eiŋ gbòà ke mìè Dayàa ko nɛ̀ɛ̀iŋ niìŋ jiɛ̀. Kɛɛ nààŋ niŋ gò nyiŋ jàà kùàŋ dìì yèè niŋ gò ɓèmè nyɛ̀iŋ bi wèè naŋ nɔ̀ŋ anyuùŋ kɛnɛ wèè wɔŋ nyiiŋ gèe gò jùà lɛ̀, è yààìŋ jòà sùà eiŋ kìlà koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 16:17

Wo jɔùŋjɔaà naŋ dè yàwi nààŋ Pɔɔ̀ maŋjɛ̀wɛ, wò yaà kpàaŋ sùà wààŋ, “Anyùùŋ nyɛɛ̀ŋ àŋ yaà aŋ ɓɔìjɔ̀à wèè wo Dàyà Gaàŋ Gbeeɔ̀! Àŋ yààìŋ woo kɛ̀ diè nìŋ naŋ ɓɛ̀nɛ̀ŋ nɔ̀ŋ jòèyeiŋ.”

Nyɛ̀nɛ̀ŋ 22:5

Wo Kànà Sìèfèìŋ Zòòlo Gbeeɔ̀ yèè aŋ màmànkùmɛ̀ŋ fuɔɔ̀ŋ gbiŋ nyìmàŋ kɛ̀ mìŋ yààìŋ wòò e tɔɔɓaaà. Àŋ naim wa kìɛ̀ŋ maŋ fɛ̀ì miè gbìaŋ wèè koɓɛ̀ anyùùŋ gbèègbèè aŋ Juùù nyaŋ ko Dàmakɔ̀, wèè kao wa kùwà anyùùŋ màŋjɛ̀wɛ̀ Kanaà yèè ka nyiŋ hìàŋ ko Jùlusɛ̀làm wèè aŋ ka e keì nyìnga dìì.”

Nyɛ̀nɛ̀ŋ 28:28

Wo Pɔɔ̀ naŋ kpɛ̀ɛ̀yɛ̀ gbòa wààŋ, “Nyìmaìŋ kɛ̀ wo Dayà manaŋ wo jòèyè anyùùŋ nyaŋ fè àŋ Juùù nyaŋ! E kìlà àŋ do nàŋ jàà maŋ nùŋ dìì aŋ kumiàŋ tɛ̀ɛ̀.” [

Nyɛ̀nɛ̀ŋ 3:26

Wo Dayà naŋ wa tà wo Ɓɔìjɔ̀àuŋ nɔɔ̀ŋ Jisɛ̀ ɗùù yèè wò nauŋ tùɔ̀ŋ ko nɛ̀ɛ̀iŋ niìŋ jiɛ̀, wèè wo kpuumàiŋ niŋ fè maŋ tùwo naanààiŋ màŋ jɛwɛ yèè niŋ kìlà koɓɛ̀ Dayài.”

Nyɛ̀nɛ̀ŋ 4:12

Wuŋ guùŋ nɔŋ naum ɓɛ̀nɛ̀ŋ jòèye. Wo nyùùŋ bà gbiŋ fè kò àìjɛnɛ̀ŋ dìì wò yèɔ wò Dayà naŋ wi kiɛ̀ŋ wɔ wèè wo wi joeyè eɓìèmàŋjɛ̀wɛ̀ wuŋ.”

Nyɛ̀nɛ̀ŋ 5:20

“Kɔ̀àiŋ niŋ sie ko Saaŋ Zòòlò Dayài, e kìlà niŋ woò anyùùŋ nyaŋ e kèè wɔŋ nyiiŋ jɛi wɛɛ̀ŋ gbiŋ.”

Luùm 1:16

Mìŋ kuwa ke jii tùlia Ebò Siaàŋ sùà. Tiŋ nàŋ yaà e gààŋ Dayàa wèè wo jòèyè anyùùŋ nyaŋ gbiŋ kuwa hààwe nyàŋ, aŋ Juùù nyaŋ jiɛ̀ yèèngàà anyùùŋ nyaŋ fè àŋ Juùù nyaŋ.

Ɛfesɔ̀ 1:13

Nyɛ̀iŋ pɛɛ nìŋ naŋ nɔ̀ŋ anyùùŋ Dayà nààŋ nìŋ naŋ kòmò ke miè gbìàŋ tɔ̀ɔ̀nyaàaŋ, e nyaàiŋ dè Ebò Siaàŋ doiŋ nàŋ joeyè lɛ. Nìŋ naŋ hààwè Jisɛ̀ Kulaì sùà, yèè wo Dayà naiŋ sìè e fee wèè e tɔɔ̀ kɛ̀ wuŋ nàŋ kànàìŋ. E fee bi nàŋ yaà wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

Kòlo 1:5

E teengaà ke mìè gbìàŋ tɔ̀ɔ̀nyààŋ Ebò Siaàŋ naŋ wa hnè ko nɛ̀ɛ̀iŋ niìŋ jiɛ̀ lɛ, nìŋ naŋ wa kòmò e kèè ke jii tùliaà è kiɛ̀ŋ lɛ. Weètii e hààweɛ̀ yèè e mànaàŋ nìŋ kuwa lɛ̀, nàŋ yaà e yèɛ nìŋ yaà kaame ke jii tùlia sùà lɛ, e yèɛ yaà bàànè hàa weèiŋ ko àìjɛnɛ̀ŋ lɛ.