Nyɛ̀nɛ̀ŋ 13:25 - WƆŊ FƐ̀Ì EBÒ SÌÀŊ DAYÀA

²⁵ Kpeiŋ nààŋ e tòmò Jɔ̀ɔɛ̀ŋ naŋ wa naàŋ joo tòloò wèè e jùà, wò naŋ wòò anyùùŋ nyaŋ wààŋ, ‘Ɓòò anyùùŋ nyaŋ naŋ gongò kɛ̀ mìŋ yaà? Nìŋ gongà kɛ̀ miàŋ nàŋ yaà wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ? Kpele, miàŋ nàŋ fòuŋ. Kpele, kɛɛ wò do nàŋ hnè eɓìèmàŋjɛ̀wɛ̀ miàŋ, yèè miŋ siàŋ ngèè pɛɛ tɛ̀ɛ̀ wèè kauŋ gè màŋ bauŋ màŋ gòlò.’

Nyɛ̀nɛ̀ŋ 13:25 ပူးပေါင်းရင်းမြစ်များ

Maafiù 3:11

Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Jɔ̀ɔŋ 1:29

Wɔŋ niìsìaà bàa wo Jɔ̀ɔŋ naŋ yɛ̀mɛ̀ wo Jisɛ̀ wò yaà hìnìè ko nɛ̀ɛ̀uŋ niìŋ, yèè wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa wo yèɔ naŋ ɓèmè e jùùmù ɗuunyaàŋ wɔ!

Jɔ̀ɔŋ 1:34

Wo Jɔ̀ɔŋ naŋ woò wààŋ, “Mìŋ naŋ yɛ̀mɛ̀ e yèɛ naŋ kaaìŋ lɛ yèè mìŋ yaà wo seì kɛ̀ wuŋ nàŋ yaà wo Jɔ̀àfèlàà Dayàa.”

Jɔ̀ɔŋ 1:36

E teengaà wò naŋ yɛ̀mɛ̀ wo Jisɛ̀ wò yaà kaaiŋ wò yaà hìnìè ko nɛ̀ɛ̀ŋ nyiŋ niìŋ lɛ, wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa!”

Jɔ̀ɔŋ 4:34

Wo Jisɛ̀ naŋ nyiŋ fasàì wààŋ, “E nɛ̀ŋje mɛ̀ nàŋ yaà wèè ka nyɛ̀nɛ̀ŋ e yèɛ wo Dayà naim tùɔ̀ŋ wèè ka nyɛ̀nɛ̀ŋ lɛ. Wuŋ naim tùɔ̀ŋ, yèè mìŋ kuwa ka kpɛ̀ɛ̀yɛ̀ e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 7:18

Sèè mìŋ mɔnɔŋ weè wèè ka gbòà wèè ka jòòwò miàŋ bi, mìŋ henàŋ gbòò e gààŋ miàŋ biɛ̀ sùà. Kɛɛ mìŋ manaŋ ka dɛ̀ɛ̀kɛ̀ wo nyùnɔ̀ɔŋ naim tùɔ̀ŋ wɔ. Esaɓùɛ lɛɛ̀ mìŋ woà e tɔɔɓaaà yèè e fè tòa.

Nyɛ̀nɛ̀ŋ 13:36

E teengaà wo Dèèwe yaà wa wɔŋ nyiiŋ gèeɔ̀ sùà lɛ, wò naŋ wa tomo wo Dayà dìì. E teengaà wò naŋ wa fɔ̀ lɛ, àŋ nauŋ wa sììyè wo dèdauŋ nɔɔ̀ŋ kɔɔ ke hùaàŋ sùà, yèè ke kpùnauŋ nɛɛ̀ŋ naŋ wa hèwè.

Nyɛ̀nɛ̀ŋ 19:4

Wo Pɔɔ̀ naŋ nyiŋ fasàì wààŋ, “Wo Jɔ̀ɔŋ naŋ wa gùò anyùùŋ wèè aŋ fè maŋ tùwo naanààŋ nyiŋ màŋ jɛwɛ yèè aŋ kìlà koɓɛ̀ Dayài. Kɛɛ wò naŋ nyiŋ wa ɓɛìŋ woò wààŋ wo nyùùŋ bà kòò wò yaà hinie, yèè aŋ sìà e hààwe nyiŋ nɛ̀ wo nyùùŋ bi sùà. Wo Jisɛ̀ nàŋ yaà wo nyùùŋ bi wo yèɔ wo Jɔ̀ɔŋ yaà wa wòò e kiiuŋ wɔ̀.”

Nyɛ̀nɛ̀ŋ 20:24

Kɛɛ miŋ gò kpɛɛ̀ŋ kɛ̀ kiìŋ nàŋ do nàŋ kaaìŋ wɔ̀ŋ nyiiŋ miɔ̀ŋ, sèè nɔŋ mìŋ kpɛɛyɛ̀ e tòmoɛ̀ wo Kanaà Jisɛ̀ naim kiɛ̀ŋ wèè ka nyɛ̀nɛ̀ŋ lɛ. Yèè e tòmo lɛɛ̀ nàŋ yaà wèè ka wòò Ebò Siaàŋ e nyaàiŋ dè e tɛ̀ɛ̀tɛ̀ɛ̀ Dayàa.

2 Kɔliìŋ 4:5

E fè wòò è kèè yàwi bi, è yààìŋ wòò e kèè Jisɛ̀ Kulaì mààŋ wo Kana, yèè e wèè yàwi, mààŋ aŋ ɓɔìjɔ̀àiŋ nyàŋ esàɓù Jisɛ̀ Kulaì sùà.

2Time 4:7

Kà nyɛ̀nɛ̀ŋ e yèɛ gbiŋ mìŋ naŋ ɓɛnɛ̀ŋ e dùaŋ lɛɛ̀ sùà lɛ, kà dùàŋ ke dòmaàŋ ke jùà, yèè kà jàà e hààweɛ̀ kùàŋ dìì.

Maŋ kèì nyɛɛnɛŋ 11:7

E teengaà aŋ sèì nyaŋ wo Dayà naŋ tùɔ̀ŋ nyaŋ àŋ kpɛɛyɛ̀ kìɛ̀ŋ ke mìè seì nyiŋ nɛɛ̀ŋ, wo yilì kùùno do nàŋ fòlò ko golo zutùùiŋ wo nyiŋ sumiàŋ. Wo yilì kùùno bi do nyiŋ nàŋ ɓùlò wo nyiŋ jìwà,