Nyɛ̀nɛ̀ŋ 13:1 - WƆŊ FƐ̀Ì EBÒ SÌÀŊ DAYÀA

¹ Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

Nyɛ̀nɛ̀ŋ 13:1 ပူးပေါင်းရင်းမြစ်များ

Maafiù 27:32

Nààŋ àŋ yaà wa kɔɔyɛ, àŋ naŋ mɛ̀ɛ̀ŋ wo felaa bà àŋ nyaaŋ Saimɔ̀ŋ e yìwìà ko Sàlinìŋ, yèè aŋ kààlòòɗùà nyaŋ nauŋ kùwò wèè wo koà wɔŋ vànèkpàà Jisɛ̀ɔ.

Luù 3:1

È yaà wa wɔŋ dòà zììyà jɛ̀wɛ̀ nɔɔnɔɔ̀ŋ e kànà kɛ̀ɛ̀ Tàbiliɔ̀ Siisɔ̀ɛ sùà, wo Kànà Gbèè wɔŋ fùɔ̀ŋ anyùùŋ Luùm nyaŋ. Wo Pɔuŋtiɔ̀ Paalè nàŋ yaà wa wo kana wɔŋ fùɔ̀ŋ Jùdiàa diɛŋ, wo Hɛɛlɔ̀ nàŋ yaà wa wo kana wɔŋ fùɔ̀ŋ Galaliìɔ sùà. Wo wùìyà Hɛɛlɔ̀ɔ, Felè, wuŋ pɛɛ nàŋ yaà wa wo kanaà wèè wɔŋ fùɔ̀ŋ Etuliàa yèè wɔŋ fùɔ̀ŋ Takɔnaitèɔ, wo Làsanià nàŋ yaà wa wo kanaà wèè wɔŋ fùɔ̀ŋ Abilììɔŋ.

Nyɛ̀nɛ̀ŋ 11:30

Kpeiŋ àŋ naŋ wa tà wo Bànaŋɓà yèè wo Sɔɔ̀ ɗùù wèè aŋ koà e nɛɛnɛɛ̀ŋ koɓɛ̀ aŋ màmànkùmɛ̀ŋ anyuùŋ hààwe nyàŋ ko Jùlusɛ̀làm.

Nyɛ̀nɛ̀ŋ 12:25

Yèè nààŋ wo Bànaŋɓà yaà wo Sɔɔ̀ naŋ wa kpɛ̀ɛ̀yɛ̀ e tòmoɛ̀ àŋ naŋ wa kɔ̀ nyinie lɛ̀, àŋ naŋ kɛ̀ɛ̀ maŋjɛ̀wɛ ko Jùlusɛ̀làm. Àŋ naŋ wa kɔ̀ɔ̀ wo Jɔ̀ɔŋ, wo yèɔ àŋ nyaaŋ wo Mài wɔ̀ maŋjɛ̀wɛ nyiŋ.

Nyɛ̀nɛ̀ŋ 13:9

Kɛɛ wo Sɔɔ̀, wo yèɔ àŋ hewa ɓɛìŋ nyààŋ wo Pɔɔ̀ wɔ, wo Jìnàŋ Nɛɛmaàŋ nauŋ wa dìèsùà. Wò naŋ wa yɛ̀mɛ̀ wo Ɓà-Jisɛ̀ dììŋ

Nyɛ̀nɛ̀ŋ 15:32

Aŋ wɛ̀ìjì tìyèe nyàŋ, wo Juɗà yèè wo Silà, naŋ wa gbòò anyuùŋ hààwe nyàŋ kɔɔ wèè e teenga mùnlaŋ wèè kɛ̀ aŋ kɛɛnɛ̀ŋ maŋ jii nyingè yèè e gààŋ.

Nyɛ̀nɛ̀ŋ 15:35

Wo Pɔɔ̀ yaà wo Bànaŋɓà naŋ jòò ko Aŋtiɔ̀ wèè e teenga kpàa bà, yèè nyiŋ e kpùlìà anyuùŋ zimgbe bà yaà wa kaa yèè àŋ yaà wòò ke mìè gbìàŋ Ebò Siaàŋ e nyaàiŋ dè wo Kanaà.

Nyɛ̀nɛ̀ŋ 19:6

Nààŋ wo Pɔɔ̀ naŋ nyiŋ wa gbùwò maŋ kùàŋ diɛŋ, wo Jìnàŋ Nɛɛmaàŋ naŋ nyiŋ dèyè diɛŋ. Kpeiŋ àŋ naŋ gbòò ke mìè Dayàa maŋ kaìŋ joo sùà.

Nyɛ̀nɛ̀ŋ 21:9

Wo Felè kuwa wa aŋ jɔ̀àjɔ̀ùŋ tiinàŋ aŋ yè nyaŋ yaà wa aŋ jɔ̀ùŋ jɔ̀à bɛ̀ɛ̀, àŋ hewa gbòà ke mìè Dayàa koɓɛ̀ anyùùŋ.

Nyɛ̀nɛ̀ŋ 4:36

Kpeiŋ wo Jòòsɛ, wo Liivaà nyuuŋ e yìwìà ko Sapulɔ̀, wo yèɔ aŋ keela nyaŋ hewa nyààŋ wo Bànaŋɓà wɔ, naŋ wa mààŋ wɔŋ ɓùuŋ nɔɔ̀ŋ, yèè wò naŋ hìɛ̀ŋ e nɛɛnɛɛ̀ŋ, wo niŋ kìlà koɓɛ̀ aŋ keela nyàŋ. (E fàsàì e dèè Bànaŋɓà nàŋ yaà “Wo yèɔ kiɛ̀ŋ ke jii nyingè diɛŋ wɔ̀.”)

Nyɛ̀nɛ̀ŋ 9:1

Kɛɛ nààŋ wo Sɔɔ̀ naŋ wa nɔŋ ɗewè e gààŋ wuŋ biɛ̀ sùà wèè wo jìwà anyùùŋ màŋjɛ̀wɛ̀ Kanaà Jisɛ̀ nyaŋ, wò naŋ kɔ̀ koɓɛ̀ wo Kànà Sìèfèìŋ Zòòlo Gbeeɔ̀,

Luùm 16:21

Wo Timetè, wo nyuùŋ tòmo dàwi miɔ̀ŋ, naiŋ tùɔ̀ŋ zùùmo. E kìlà aŋ Juùù nyuuŋ dàwiim nyàŋ tèènè mààŋ wo Lusìù, wo Jasɔ̀ŋ, yèè wo Sòsipatɔ̀, naiŋ tùɔ̀ŋ zùùmo nyiŋ pɛɛ.

1 Kɔliìŋ 11:4

Wo felaa gbiŋ wo yèɔ naŋ nɔ̀ŋ ko zoolo ɔ̀ɔ̀ ko wòò ke mìè gbìàŋ Dayà wò naŋ ɓùwò e ɗì wɔ, wò pɔ̀ɔ̀ Jisɛ̀ Kulaì ɓɛ̀ɛ.

1 Kɔliìŋ 13:2

Kà wɛ̀i weè pɛɛ kuwìè e kìɛŋ wèè ka gbòà mààŋ wo wɛ̀ijì, ka kùwìè e jiikɛ̀ɛ wèè e nɛ̀ŋ gbiŋ nyìmaŋ, e kìlà ka jàà ke gbùnu gbiŋ jii, ka wɛ̀i pɛɛ kùwìè e hààweɛ̀ gbiŋ mìŋ manaŋ wèè ka gè wɔŋ toò e dìì, kɛɛ sèè miŋ gò kùwìè è mànaŋ, miŋ fè nɛ̀ŋ gbiŋ.

1 Kɔliìŋ 13:8

E mànaŋ è yaà wèè julɔfɔ. Maŋ mìè gbòà wɛ̀ijì màŋ yaà, kɛɛ màŋ yaà nɔ̀ŋ wèè e teenga kpuu. Maŋ kìɛŋ màŋ yaà wèè nyùùŋ gbùùyà maŋ kaìŋ joo sùà, kɛɛ màŋ do nàŋ gɔ̀à dìì. E jiikɛ̀ɛ è yaà, kɛɛ è do nàŋ mààŋ.

1 Kɔliìŋ 14:29

Aŋ wɛ̀ìjì tìyèe ɔ̀ɔ̀ taai aŋ yè nyaŋ wo Dayà naŋ fè ke miè gbìauŋ nɛɛ̀ŋ nyaŋ aŋ gbòà, anyuùŋ gbànaŋ nyàŋ aŋ tùàŋ e nɛ̀ŋ wòo nyiŋ nɛ̀ maŋ nɔnɔŋ.

1 Kɔliìŋ 14:32

Wo wɛ̀ijìɔ, wo nyimèè wèè wo huanè gbòa e kìlà wo dangè nyuùŋ joo wo gbòà,

1 Kɔliìŋ 9:6

Ɔ̀ɔ̀ yàwi Bànaŋɓà nɔŋ nààŋ kuwà è tɔ̀ɔ̀nyaàŋ wèè e gè kùàŋ kèè nɛ̀ŋ kàme sùà wèè e kpùùmàŋ yàwi bi?

Gàla 2:13

Aŋ Juùù hààwe gbànaŋ nyàŋ, naŋ wa tɔ̀ɔ̀tù maŋ kpèè naanààŋ nyɛ̀nɛŋ mààŋ anyuùŋ jàà fɛ̀ɛ̀ keì. Yèè e jùù naŋ nyɛ̀nɛ̀ŋ wo Bànaŋɓà wèè wo gììyà maŋ kpèè naanààŋ nyiŋ màŋ maŋhɛɛ.

Gàla 2:9

Wo Jìiiŋ, wo Pììlɛ, yàà wo Jɔ̀ɔŋ, aŋ yè nyaŋ yaà wa mààŋ aŋ sìèfeìŋ ke gbòò anyuùŋ hààwe nyàŋ, naŋ wa nyìmè kɛ̀ wo Dayà naŋ wi kìɛ̀ŋ e dɛ̀ɛ̀kɛ titi lɛɛ̀, yèè àŋ naŋ wi hɔ̀ɔ̀ kùàŋ sìwè yàwi Bànaŋɓà, wèè e tɔɔ̀ kɛ̀ yàwi nààŋ gbiŋ è yààìŋ anyùùŋ guùŋ. Yàwi Bànaŋɓà naŋ wa nyimèè wèè e tòòmò anyùùŋ nyaŋ fè àŋ Juùù nyaŋ tɛɛ e kìlà anyuùŋ gbànaŋ nyàŋ aŋ tòòmò aŋ Juùù jàà kpùa nyaŋ tɛɛ.

Ɛfesɔ̀ 4:11

Yèè wuŋ naŋ “fè anyùùŋ maŋ kìɛŋ.” Wò naŋ tà aŋ bà nyiŋ ke ɗùù wèè aŋ nɔ̀ŋ aŋ keela tàeɗùù, aŋ bà nyiŋ wèè aŋ nɔ̀ŋ aŋ wɛ̀ijì, aŋ bà nyiŋ nɔ̀ŋ anyuùŋ fè ke mìè seì wèè Dayà, aŋ bà nyiŋ nɔ̀ŋ anyuùŋ gbòà ke mìè Dayà, yèè aŋ bà nyiŋ nɔ̀ŋ aŋ kààmɔɔŋ.

Fèle 4:22

Anyùùŋ nɛɛmaŋ nyàŋ gbiŋ naiŋ tùɔ̀ŋ zùùmo, ɓɔɔɓɔɔ aŋ yè nyaŋ toomàŋ ko sààŋ gbèè Kanaà Siisɔ̀ nyaŋ.

1Tɛsè 5:20

Ɓɔ̀ nìŋ niingè kè mìè gbìàŋ wɛ̀ijì è fɛ̀ɛ̀.