Nyɛ̀nɛ̀ŋ 12:8 - WƆŊ FƐ̀Ì EBÒ SÌÀŊ DAYÀA

⁸ Wo màikàa naŋ woò wààŋ, “Dekà e tɛkì mɔ̀ɛ̀ yèè muŋ seelè maŋ baum màŋ.” Wo Pììlɛ naŋ yɛi nyɛ̀nɛ̀ŋ, yèè wo màikàa naŋ ɓɛìŋ woò wààŋ, “Gɔ̀aì wɔŋ kùmà mɔɔ̀ŋ yèè muŋ dèim maŋjɛ̀wɛ.”

Nyɛ̀nɛ̀ŋ 12:8 ပူးပေါင်းရင်းမြစ်များ

Maafiù 3:11

Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Luù 12:37

E zɔlɔ̀ do nàŋ nɔ̀ŋ aŋ ɓɔìjɔ̀à nyiiŋ sèè wo kana nyiŋ nɔɔ̀ŋ wò hnàŋ wo nyiŋ mɛ̀ɛ̀ŋ fɛɛ̀ wòwò yèè àŋ yaà bànèbane nyiŋ! Miŋ woòiŋ e tɔɔɓaaà, wò do nàŋ gè wɔŋ kumàuŋ nɔɔ̀ŋ, wo nyiŋ nyɛ̀nɛ̀ŋ aŋ jɛ̀ì wɔŋ gbɛ̀gbɛ̀ɔ kɔɔ, yèè wo nyiŋ gòònò e nɛ̀ŋje fèemàŋ.

Nyɛ̀nɛ̀ŋ 12:7

Ko fɛɛ̀feìŋ wo màìkà wo Kanaà nao haì, yèè e hmɔɔ̀ŋ mɛ̀ɛŋ naŋ dè ko sààŋ nyìwìi e gbàì ko gbiŋ. Wò naŋ mɛ̀ɛ̀mɛ̀ɛ̀ŋ wo Pììlɛ wɔŋ gbaŋ yèè wò nauŋ tùngò. Yèè wo màikàa nauŋ woò wààŋ, “Yewà dìì fiò.” Yèè maŋ jɔ̀ɔɔ màŋ yàùŋ maŋ kùàŋ maŋ naŋ filè maŋ sɔ̀à.

Nyɛ̀nɛ̀ŋ 12:9

Wo Pììlɛ naŋ dè wo màikàa maŋjɛ̀wɛ aŋ fòlà. Kɛɛ wò naŋ wa gongò kɛ̀ e yèɛ kinɛiŋ yaà wa kaaiŋ lɛ̀ e fè wa tɔ̀ɔ̀nyaàŋ, wò naŋ wa gongò kɛ̀ è yaà wa nɔŋ e gɔa gòo.

Nyɛ̀nɛ̀ŋ 27:23

Nàaŋ dùùm mìŋ naŋ yɛ̀mɛ̀ wo màìkà wo Dayàa kànàìm yèè mìŋ zoolà wɔ wò sìàìm kɔɔ,

Nyɛ̀nɛ̀ŋ 8:26

Kɛɛ wo màìkà Kanaà naŋ wòò wo Felè wààŋ, “Yewà dìì yèè muŋ ka ko tèèngà ko jèè gɔɛɛ̀ koɓɛ̀ ke dòmàŋ ke fòùngà e diì wòaà ke yèɛ deye ko Gaazà lɛ e yìwìà ko Jùlusɛ̀làm.”