Nyɛ̀nɛ̀ŋ 12:7 - WƆŊ FƐ̀Ì EBÒ SÌÀŊ DAYÀA

⁷ Ko fɛɛ̀feìŋ wo màìkà wo Kanaà nao haì, yèè e hmɔɔ̀ŋ mɛ̀ɛŋ naŋ dè ko sààŋ nyìwìi e gbàì ko gbiŋ. Wò naŋ mɛ̀ɛ̀mɛ̀ɛ̀ŋ wo Pììlɛ wɔŋ gbaŋ yèè wò nauŋ tùngò. Yèè wo màikàa nauŋ woò wààŋ, “Yewà dìì fiò.” Yèè maŋ jɔ̀ɔɔ màŋ yàùŋ maŋ kùàŋ maŋ naŋ filè maŋ sɔ̀à.

Nyɛ̀nɛ̀ŋ 12:7 ပူးပေါင်းရင်းမြစ်များ

Maafiù 2:13

E teengaà anyuùŋ kɛ̀ɛ̀jii nyàŋ naŋ wa kɛ̀ɛ̀ maŋjɛ̀wɛ lɛ̀, wo màìkà wo Kanaà Dayà naŋ fòlò wo Jòòsɛ feìŋ e gɔagòo sùà yèè wò nauŋ woò wààŋ, “Wo Hɛɛlɔ̀ do nàŋ nɔ̀ɔ̀ŋ kààmè wo jɔ̀àa wèè wouŋ jìwà. Weètii yewà dìì muŋ ɓemè wo jɔ̀àa yaà wo yèyeuŋ nɔɔ̀ŋ niŋ ka wɔŋ fùɔ̀ŋ Ijèɔ sùà maŋ dùaŋ dùaŋ. Yèè jèeiŋ noo e jèèsùà kaiŋ woò kɛ̀ kiìŋ nìŋ do nàŋ nyɛ̀nɛ̀ŋ.”

Luù 2:9

Ko fɛɛ̀feìŋ wo màìkà Kanaà naŋ dèyè ko nɛ̀ɛ̀ŋ nyiŋ niìŋ, yèè e gbòlòùŋ mɛ̀ɛ̀ŋ Kanaà naŋ nyiŋ dè e nyiŋ gbàì e kɔɔ. E jùù naŋ wa nyɛ̀nɛ̀ŋ anyuùŋ tùnìàŋ aŋ ɓaawaa nyàŋ.

Luù 24:4

Àŋ naŋ wa sìè koɓɛ̀ wii maŋ jii die sùà, ko fɛɛ̀feìŋ àŋ naŋ yɛ̀mɛ̀ aŋ fèlàà tìyèe àŋ gɔaa maŋ deè fùà pepe àŋ naŋ nyiŋ sìè kɔɔ.

Nyɛ̀nɛ̀ŋ 10:30

Wo Kɔ̀nilìɔ̀ naŋ fasàì wààŋ, “Maŋ ɗɔ̀ɔ̀ tiinàŋ naàŋ mààŋ, nààŋ mìŋ yaà mɛ̀iŋ zoolo e gɔɛɛ gbòà taaà e koya gɔɛɛ ko saaŋ mio. Ko fɛɛ̀feìŋ, wo felaa gɔ̀àì maŋ deè fùà naim sìè ko fɛɛ̀feìŋ

Nyɛ̀nɛ̀ŋ 12:23

Ko fɛɛ̀feìŋ, wo màikà Dayàa naŋ gbìɛ̀ŋ wo Hɛɛlɔ̀ e sàaŋ, esaɓù kɛ̀ wo gò wa jòòwò Dayà, yèè aŋ gbìiŋ nauŋ gbìlè.

Nyɛ̀nɛ̀ŋ 12:6

Wɔŋ dùùm guùŋ wiiŋ nààŋ wo Hɛɛlɔ̀ manaŋ wa naàŋ wèè wouŋ hiàŋ wèè auŋ gbaì, wo Pììlɛ hawa wa aŋ kààlòòɗùà tìyèe e fèemàŋ wò yaà maŋ jàwè. Àŋ nauŋ wa dìkìè maŋ jɔ̀ɔ̀ tìyèe. Aŋ kààlòòɗùà tìyèe joo sia wa wɔŋ gbèmgbèè ke sààŋ nyìwìɛ feìŋ àŋ yaà wuùŋ tunie nyiŋ pɛɛ.

Nyɛ̀nɛ̀ŋ 12:8

Wo màikàa naŋ woò wààŋ, “Dekà e tɛkì mɔ̀ɛ̀ yèè muŋ seelè maŋ baum màŋ.” Wo Pììlɛ naŋ yɛi nyɛ̀nɛ̀ŋ, yèè wo màikàa naŋ ɓɛìŋ woò wààŋ, “Gɔ̀aì wɔŋ kùmà mɔɔ̀ŋ yèè muŋ dèim maŋjɛ̀wɛ.”

Nyɛ̀nɛ̀ŋ 16:26

Ko fɛɛ̀feìŋ e dììɛ naŋ gbiinè sɛmɛ, yèè ke sààŋ nyìwìɛ gbiŋ naŋ gbiinè e hàì ko tɔ̀ɔ̀tù ke saaàŋ e dììɛ dìì. Ko fɛɛ̀feìŋ maŋ gbemgbee maŋ gbiŋ naŋ yilè yèè maŋ jɔ̀ɔɔ màŋ naŋ fìlè aŋ pèesìnàŋ nyaŋ gbiŋ maŋ gòlò.

Nyɛ̀nɛ̀ŋ 2:24

Kɛɛ wo Dayà nauŋ wa gè e jèlà fàa dìì wɔŋ nyiiŋ gèeo sùà, wouŋ gè e gààŋ fàa diɛŋ, esaɓù kɛ̀ e fàa kuwà wa è gààŋ diɛɔŋ wèè euŋ kùwà ke hùaàŋ sùà.

Nyɛ̀nɛ̀ŋ 5:19

Kɛɛ wɔŋ dùùm wiiŋ wo màìkà Kanaà Dayàa naŋ yìlè wɔŋ gbèmgbèè ko sààŋ nyìwìi, wo nyiŋ fulià, yèè wò naŋ nyiŋ woò wààŋ,

Nyɛ̀nɛ̀ŋ 9:3

Nààŋ wo Sɔɔ̀ yaà wa naàŋ hinie wò naŋ gbɛ̀ɛ̀ ko Dàmakɔ̀, e gbolòùŋ mɛ̀ɛŋ gbee nauŋ dè e yìwìà ko àìjɛnɛ̀ŋ euŋ gbàì kɔɔ gbòlòùŋ.

Ɛfesɔ̀ 5:14

E gbolòùŋ nɛ nàŋ tɔɔ̀ e nɛ̀ŋ gbiŋ janjai. E wèètii è yaà e wòò niŋ, “Kɛ̀ɛ̀yɛɛ̀, nyùùŋ maŋ jàwèɔ, e kìlà muŋ fòlà e fàa dìì. Kpeiŋ kɛ̀ wo Jisɛ̀ Kulaì nɔ̀ŋ e gbolòùŋ ko diɛum.”

Hiɓu 1:14

Kiìŋ nàŋ yaà aŋ màikà nyaŋ? Aŋ màikà nyaŋ yaà aŋ jinàŋ aŋ yè nyaŋ tomàŋ wèè Dayà, e kìlà wò tùɔ̀ŋ nyiìŋ wèè aŋ kpuumàŋ anyùùŋ nyaŋ wò manaŋ wo joeyè nyaŋ.

Maŋ kèì nyɛɛnɛŋ 18:1

Eɓìèmàŋjɛ̀wɛ̀ tɛɛ̀, mìŋ naŋ ɓɛìŋ yɛ̀mɛ̀ wo màikà joo bà wò yaà dèya sùà e yìwìà ko àìjɛnɛ̀ŋ. Wò kuwa wa e gaàŋ gbee, yèè e mɛ̀iŋ kiiuŋ nɛ̀ naŋ wa gbàì e dììɛ gbiŋ diɛŋ gbòlòùŋ.