Nyɛ̀nɛ̀ŋ 12:5 - WƆŊ FƐ̀Ì EBÒ SÌÀŊ DAYÀA

⁵ Wò naŋ wa gbìɛ̀ŋ wo Pììlɛ ko sààŋ nyìwì, kɛɛ anyuùŋ hààwe nyàŋ naŋ wa nɔ̀ŋ zoolo koɓɛ̀ Dayài wèè Pììlɛ.

Nyɛ̀nɛ̀ŋ 12:5 ပူးပေါင်းရင်းမြစ်များ

Maafiù 18:19

“Yèè miŋ woòiŋ e tɔɔɓaaà, sèè nyɛ̀iŋ nààŋ nyùùŋ tìyèe nyɛɛ̀ŋ e ɗuunyaàŋ naŋ nyimèè wèè naŋ zoolò wèè e nɛ̀ŋ titi bà, wo Dèda miɔ̀ŋ ko àìjɛnɛ̀ŋ do niŋ nàŋ nyɛ̀nɛ̀ŋ weèiŋ.

Luù 18:1

Wo Jisɛ̀ naŋ gììyè anyùùŋ màŋjɛ̀wɛ̀uŋ nyàŋ ke kàɓanè kɛ̀ aŋ zoolò e teenga gbiŋ e kìlà e bɔ̀mɔ̀ŋ ɓɔ̀ è wùìyà nyiŋ julɔfɔ.

Nyɛ̀nɛ̀ŋ 12:12

Wo Pììlɛ naŋ kɔ̀ ko gbòò Mèèle, wo nààŋ Jɔ̀ɔɔ̀ŋ wo yèɔ àŋ hewa ɓɛìŋ nyààŋ wo Mài wɔ̀. Kuŋ anyuùŋ hààwe nyàŋ zimgbe nyiŋ naŋ wa dèènè koɓɛ̀ guùŋ àŋ yaà zoolo.

Nyɛ̀nɛ̀ŋ 12:4

Kpeiŋ wò naŋ gbìɛ̀ŋ wo Pììlɛ ko sààŋ nyìwì, yèè wò naŋ wòò maŋ gbòò kààlòòɗùà ɗì tiinàŋ, ke yèɛ kuwa wa anyùùŋ tiinàŋ ke gbòò gbiŋ sùà wèè auŋ yɛ̀mɛ̀ diɛŋ. Wò naŋ wa ɗewè wèè wouŋ hìàŋ ko fɛ̀ɛ̀fèìŋ anyùùŋ nyaŋ sèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ juo wèè wouŋ gbaì.

Nyɛ̀nɛ̀ŋ 12:6

Wɔŋ dùùm guùŋ wiiŋ nààŋ wo Hɛɛlɔ̀ manaŋ wa naàŋ wèè wouŋ hiàŋ wèè auŋ gbaì, wo Pììlɛ hawa wa aŋ kààlòòɗùà tìyèe e fèemàŋ wò yaà maŋ jàwè. Àŋ nauŋ wa dìkìè maŋ jɔ̀ɔ̀ tìyèe. Aŋ kààlòòɗùà tìyèe joo sia wa wɔŋ gbèmgbèè ke sààŋ nyìwìɛ feìŋ àŋ yaà wuùŋ tunie nyiŋ pɛɛ.

1 Kɔliìŋ 12:26

Sèè manɛ̀ŋ è kɔ̀ɔ̀ ke kpùnaàŋ bà guùŋ gbiŋ kà e keì nyìnga dìì, maŋ gbiŋ kɔ̀à e keì nyìnga lii dìì, sèè e bà gbiŋ yɛ̀mɛ̀ e ɓɛ̀ɛ̀jàa, maŋ gbiŋ gè zɔlɔ̀.

2 Kɔliìŋ 1:11

Nyɛ̀iŋ pɛɛ kpùùmaìŋ niŋ zoolò weè wi, wèè anyuùŋ zimgbe aŋ gè Dayà ɓaikà wèè wi, wèè e kìɛɛ̀ŋ wò naŋ wi fè e yìwìà maŋ zòòlo zimgbe màŋ wò naŋ jàà kùàŋ dìì maŋ.

1Tɛsè 5:17

Zòòloìŋ e teenga gbiŋ.

Hiɓu 13:3

Jàaìŋ anyùùŋ Kanaà Jisɛ̀ nyaŋ jii aŋ yè nyaŋ yaà ko sààŋ nyìwì nyaŋ yèè niŋ kpuumàŋ nyiŋ, e teenè mààŋ maŋ kpùnàŋ nyɛ̀iŋ bi nàŋ yaà weè ko sààŋ nyìwì. Jàaìŋ anyùùŋ nyaŋ yaà kɔ̀ɔ̀yɛ̀ mɔ̀ɔ̀nɛŋ dìì nyaŋ jii yèè niŋ kpuumàŋ nyiŋ, e teenè mààŋ nyɛ̀iŋ bi nàŋ yaà weè kɔ̀ɔ̀yɛ̀ e mɔ̀ɔ̀nɛŋ dìì.

Jìiiŋ 5:16

Weètii, wòoìŋ maŋ jùumùiŋ màŋ nyɛ̀iŋ bi e fèemàŋ e kìlà niŋ zoolò wèè aŋ dàwiiŋ nyàŋ, wèè niŋ jòèyà. E zòòloɛ̀ nyùùŋ tɔ̀ɔ̀nyaàaŋ kuwa lɛ̀, e gaàŋ gbee yààìŋ sùà yèè è tomàŋ.