Nyɛ̀nɛ̀ŋ 12:3 - WƆŊ FƐ̀Ì EBÒ SÌÀŊ DAYÀA

³ Nààŋ wo Hɛɛlɔ̀ naŋ wa yɛmɛ̀ kɛ̀ tɛɛ̀ naŋ wa fɔ̀ɔ̀yɛ̀ aŋ Juùù nyaŋ jii, wò naŋ kɔ̀ yèè wò naŋ kùwò wo Pììlɛ wuŋ pɛɛ. Wò naŋ wa tɛɛ̀ zà nyɛ̀nɛ̀ŋ e tèèngà wɔŋ Ɗàà Gè Gbɔ̀u Gò Jòwàa.

Nyɛ̀nɛ̀ŋ 12:3 ပူးပေါင်းရင်းမြစ်များ

Maafiù 26:17

Ke ɗɔɔ jiɛ̀jiɛ̀ɛ wèè wɔŋ Ɗàà Gè Gbɔ̀u Gò Jòwàa, anyùùŋ màŋjɛ̀wɛ̀ Jisɛ̀ nyaŋ naŋ hnè ko nɛ̀ɛ̀uŋ niìŋ yèè àŋ nauŋ dawè nyààŋ, “Kòò mùŋ manaŋ wèè eiŋ ka eiŋ bànèbànè e nɛ̀ŋjè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ weèum?”

Jɔ̀ɔŋ 12:43

Yèè ngèè anyùùŋ gbèègbèè aŋ Juùù nyaŋ manaŋ wa anyuùŋ kpùuŋ aŋ nyiŋ tɛnɛ̀ŋ e nìàŋ wèè wo Dayà wo nyiŋ tɛnɛ̀ŋ.

Jɔ̀ɔŋ 19:11

Wo Jisɛ̀ naŋ fasàì wààŋ, “Sèè wo Dayà gòum weè kìɛ̀ŋ è gààaŋ, muŋ naàim weè ɓɛ̀nɛ̀ŋ kpùùnyàŋ wɔ̀ŋ vànèkpaaà diɛŋ. Kɛɛ wo nyùnɔ̀ɔŋ naim mààŋ ko nɛ̀ɛ̀ŋ muìŋ wɔ nàŋ kanaŋ e jùumù gbeeɛ̀.”

Jɔ̀ɔŋ 21:18

Yèè wo Jisɛ̀ nauŋ ɓɛìŋ woò wààŋ, “Miŋ woòum e tɔɔɓaaà, e teengaà mùŋ yaà wa wo nyuùŋ bɔwɔ lɛ̀, mùŋ hewa kpàà muàŋ bi yèè maŋ kà koɓɛ̀ gbiŋ ko yèi mùŋ manaŋ lɛ̀. Kɛɛ sèè mùŋ nɔ̀ŋ wa nàwèè naàŋ wo nyuùŋ gɔu, mùŋ do nàŋ vùlɔ̀ŋ maŋ kuàum màŋ. Kpeiŋ kɛ̀ anyùùŋ bà nàŋ doum nàŋ sìè e tɛɛ̀kìì mɔ̀ɛ̀ e tɛɛ, yèè aum kùwà maŋ kùàŋ aum kòà koɓɛ̀i muŋ manàŋ wèè maŋ ka lɛ̀.”

Nyɛ̀nɛ̀ŋ 12:4

Kpeiŋ wò naŋ gbìɛ̀ŋ wo Pììlɛ ko sààŋ nyìwì, yèè wò naŋ wòò maŋ gbòò kààlòòɗùà ɗì tiinàŋ, ke yèɛ kuwa wa anyùùŋ tiinàŋ ke gbòò gbiŋ sùà wèè auŋ yɛ̀mɛ̀ diɛŋ. Wò naŋ wa ɗewè wèè wouŋ hìàŋ ko fɛ̀ɛ̀fèìŋ anyùùŋ nyaŋ sèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ juo wèè wouŋ gbaì.

Nyɛ̀nɛ̀ŋ 2:14

Kpeiŋ wo Pììlɛ wuŋ guùŋ, aŋ keela tàeɗùù zììyà jɛ̀wɛ̀ tìyèe nyàŋ sùà naŋ sie yèè wò naŋ tɔ̀ɔ̀tù gbòà ke mìè Kanaà ke miè gbeeo sùà koɓɛ̀ anyùùŋ nyaŋ wààŋ, “Nyɛ̀iŋ nààŋ Juùù nyuuŋ dàwim nyàŋ yèè nyɛ̀iŋ nyàŋ nìŋ joà ko Jùlusɛ̀làm nyaŋ, jàaiŋ maŋ nùŋ dìì wèè miŋ woòiŋ kɛ̀ kiìŋ tɛɛ̀ naŋ fasàì.

Nyɛ̀nɛ̀ŋ 20:6

Kɛɛ nààŋ è naiŋ wa kpɛ̀ɛ̀yɛ̀ gè wɔŋ Ɗàà Gè Gbɔ̀u Gò Jòwàa, è naiŋ sɛ̀ɛ̀ wɔŋ meeèɔ sùà e yìwìà ko Fèlepì. Yèè è naiŋ nɔ̀ŋ ke dòmàŋ kàaiŋ wiɛ̀ diɛŋ wèè maŋ ɗɔ̀ɔ̀ nɔɔnɔŋ paŋgàà è naiŋ hàì ko nɛ̀ɛ̀ŋ nyiŋ niìŋ ko Toà, yèè è naiŋ noo wa nɔ̀ŋ wèè maŋ ɗɔ̀ɔ̀ nɔɔnɔŋ le tìyèe.

Nyɛ̀nɛ̀ŋ 24:27

Maŋ dòà tìyèe naŋ mààŋ, yèè wo Pɔsiɔ̀ Fɛtɔ̀ naŋ nɔ̀ŋ wo kana ebɛ̀ŋ wo Filɛ̀. Wo Kanaà Filɛ̀ manaŋ wa wo fɔ̀ɔ̀yɛ̀ aŋ Juùù nyaŋ maŋ jii, weètii wò naŋ nyiŋ wa kìɛ̀ŋ wo Pɔɔ̀ yèè wò nauŋ jòò ko sààŋ nyìwìi.

Nyɛ̀nɛ̀ŋ 25:9

Kɛɛ wo Fɛtɔ̀ manaŋ wa aŋ Juùù nyaŋ auŋ mànàŋ, kpeiŋ wò naŋ dàwè wo Pɔɔ̀ wààŋ, “Màŋ ɓɛ̀nɛ̀ŋ nyìmee wèè maŋ kà ko Jùlusɛ̀làm wèè kaum kuii gbaì wèè maŋ keì mɛɛ̀ŋ àŋ naum yaà gbùwò ɗì maŋ?”

Nyɛ̀nɛ̀ŋ 4:13

È naŋ wa fòònò anyùùŋ gbèègbèè fuɔɔ̀ŋ wèè aŋ yɛ̀mɛ̀ wo Pììlɛ yèè wo Jɔ̀ɔŋ aŋ gbòà ko nɛ̀ɛ̀ŋ nyiŋ niìŋ janyai, tiŋ zà kɛ̀ aŋ fèlàà tìyèe nyɛɛ̀ŋ hewa jòò ko vàaì yèè aŋ gò wa kà kò sààŋ fɛi gbèe wèè aŋ gbèè wɔŋ fɛi. Kpeiŋ anyùùŋ gbèègbèè fuɔɔ̀ŋ naŋ ngàà jààèjii kɛ̀ aŋ fèlàà tìyèe nyɛɛ̀ŋ yaà wa wo Jisɛ̀ maŋjɛ̀wɛ.

Gàla 1:10

Mùŋ gongà mààŋ mìŋ yaà kààmè e ɗewe wèè ka kìɛ̀ŋ anyùùŋ maŋ jii fàa? Tɔɔɓaa kpele! E yèɛ wo Dayà naŋ mɔ̀nɔ̀ŋ yèè wò naŋ jàà kùàŋ dìì lɛ tiŋ mìŋ manaŋ! Ɓàà mìŋ yaà kààmè e ɗewe wèè anyùùŋ aim nyìmàŋ? Sèè ka weè nɔ̀ŋ kààmè ɗewe wèè ka yɛi nyɛ̀nɛ̀ŋ, miŋ fè weè ɓɛ̀nɛ̀ŋ nɔ̀ŋ wo ɓɔìjɔ̀à wèè wo Jisɛ̀ Kulaì.

1Tɛsè 2:4

Kɛɛ è gboo e ɗeweɛ̀ wo Dayà wuŋ manaŋ wèè eiŋ gbòà lɛ, esaɓù kɛ̀ wò wi tùàŋ maŋ nɔnɔŋ, wò wi haawè wèè Ebò Siaàŋ ɓààye. E fèìŋ fɛ̀ɛ sùà wèè eiŋ nyɛ̀nɛ̀ŋ wo nyuùŋkpùuŋ kè jiiuŋ nɛɛ̀ŋ ke fà, è fɛ̀ɛ̀ìŋ wèè eiŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà, wuŋ nàŋ tùɔ̀ŋ maŋ jii wi màŋ maŋ nɔnɔŋ.