Nyɛ̀nɛ̀ŋ 12:19 - WƆŊ FƐ̀Ì EBÒ SÌÀŊ DAYÀA

¹⁹ Wo Hɛɛlɔ̀ naŋ wa wòò aŋ kààlòòɗùàuŋ nyàŋ wààŋ aŋ kamèuŋ, kɛɛ aŋ gòuŋ wa yɛmɛ̀. Wo Hɛɛlɔ̀ naŋ nyiŋ dawè dàwè è naŋ jùò, yèè wò naŋ fè e gààŋ wèè aŋ jìwà aŋ kààlòòɗùà nyaŋ yaà wa tùnìàŋ sùà ke sààŋ nyìwìɛ nyàŋ. Eɓìèmàŋjɛ̀wɛ̀ tii, wo Hɛɛlɔ̀ naŋ yèwè ko Jùdià yèè wò naŋ kɔ̀ wèè wo nɔ̀ŋ ko Sesèlià wèè e teenga kpàa bà.

Nyɛ̀nɛ̀ŋ 12:19 ပူးပေါင်းရင်းမြစ်များ

Maafiù 2:1

Àŋ naŋ wa kùmìè wo Jisɛ̀ ko jawaì àŋ nyaaŋ ko Bɛfilehɛɛ̀ŋ wɔŋ fùɔ̀ŋ Jùdiàa sùà, e teengaà wo Hɛɛlɔ̀ yaà wa wo kana lɛ̀. E tèèngà guùŋ bi sùà, anyuùŋ kɛ̀ɛ̀jii bà aŋ yè nyaŋ naŋ wa nyìmè yèè àŋ kiɛ̀ŋ e fàsai e nyaàiŋ dè e ɗewe kiiɛ̀ maŋ ɗu màŋ jaà ke nyiliɛ̀ lɛ naŋ hnè. Anyùùŋ bi naŋ wa e yìwìà e tèèngà ko fùlìè gɔɛɛ̀ yèè àŋ naŋ yɛ̀mɛ̀ e jɛ̀ì kìì maŋ ɗu màŋ ke nyiliɛ̀ yèè àŋ naŋ hnè ko Jùlusɛ̀làm,

Maafiù 2:13

E teengaà anyuùŋ kɛ̀ɛ̀jii nyàŋ naŋ wa kɛ̀ɛ̀ maŋjɛ̀wɛ lɛ̀, wo màìkà wo Kanaà Dayà naŋ fòlò wo Jòòsɛ feìŋ e gɔagòo sùà yèè wò nauŋ woò wààŋ, “Wo Hɛɛlɔ̀ do nàŋ nɔ̀ɔ̀ŋ kààmè wo jɔ̀àa wèè wouŋ jìwà. Weètii yewà dìì muŋ ɓemè wo jɔ̀àa yaà wo yèyeuŋ nɔɔ̀ŋ niŋ ka wɔŋ fùɔ̀ŋ Ijèɔ sùà maŋ dùaŋ dùaŋ. Yèè jèeiŋ noo e jèèsùà kaiŋ woò kɛ̀ kiìŋ nìŋ do nàŋ nyɛ̀nɛ̀ŋ.”

Maafiù 2:16

Nààŋ wo Hɛɛlɔ̀ naŋ wa nyìmè kɛ̀ anyuùŋ kɛ̀ɛ̀jii nyàŋ àuŋ zuwò, wò naŋ wa tuù. Yèè wò naŋ kìɛ̀ŋ e gààŋ koɓɛ̀ aŋ kààlòòɗùàuŋ nyàŋ wèè aŋ jìwà aŋ felaajɔa nyàŋ gbiŋ e fèèmàŋ maŋ dòà tìyèe e dèyà koɓɛ̀ aŋ kòmaŋ jɛ̀ì nyaŋ ko Bɛfilehɛɛ̀ŋ yèè maŋ kpàlàùŋ kpàlàùŋ maŋ gbiŋ sùà ko Bɛfilehɛɛ̀ŋ. Tɛɛ̀ zà naŋ wa kaaìŋ esàɓù e nɛ̀ɛŋ aŋ nyuùŋ kɛ̀ɛ̀jii nyàŋ naŋ wa wòò wo Hɛɛlɔ̀ lɛ e nyaàiŋ dè e teengaà àŋ naŋ wa yɛ̀mɛ̀ wɔŋ ɗuɔ̀ ko fùlìè gɔɛɛ lɛ.

Nyɛ̀nɛ̀ŋ 12:18

Wɔŋ niìsìaà bàa, maŋ jii sɛ̀ɛ gbee naŋ kùwò aŋ kààlòòɗùà nyaŋ yàaùŋ wa tùnìàŋ sùà nyaŋ yèè àŋ naŋ kùùnò gòngo kɛ̀ kiìŋ naŋ kààìŋ wo Pììlɛ.

Nyɛ̀nɛ̀ŋ 12:4

Kpeiŋ wò naŋ gbìɛ̀ŋ wo Pììlɛ ko sààŋ nyìwì, yèè wò naŋ wòò maŋ gbòò kààlòòɗùà ɗì tiinàŋ, ke yèɛ kuwa wa anyùùŋ tiinàŋ ke gbòò gbiŋ sùà wèè auŋ yɛ̀mɛ̀ diɛŋ. Wò naŋ wa ɗewè wèè wouŋ hìàŋ ko fɛ̀ɛ̀fèìŋ anyùùŋ nyaŋ sèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ juo wèè wouŋ gbaì.

Nyɛ̀nɛ̀ŋ 12:6

Wɔŋ dùùm guùŋ wiiŋ nààŋ wo Hɛɛlɔ̀ manaŋ wa naàŋ wèè wouŋ hiàŋ wèè auŋ gbaì, wo Pììlɛ hawa wa aŋ kààlòòɗùà tìyèe e fèemàŋ wò yaà maŋ jàwè. Àŋ nauŋ wa dìkìè maŋ jɔ̀ɔ̀ tìyèe. Aŋ kààlòòɗùà tìyèe joo sia wa wɔŋ gbèmgbèè ke sààŋ nyìwìɛ feìŋ àŋ yaà wuùŋ tunie nyiŋ pɛɛ.

Nyɛ̀nɛ̀ŋ 16:27

Nààŋ wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ naŋ yèwè dìì yèè wò naŋ yɛmɛ̀ kɛ̀ maŋ gbemgbee màŋ gbiŋ yaà wa yìle miŋ, wò naŋ gɔ̀ɛ̀ɛ̀ e kòyà ɗùàuŋ nɛ̀ e ɓula wèè wo jìwà wuŋ bi. E fèfoo wò yaà goongo kɛ̀ anyùùŋ nyaŋ gbiŋ ko sààŋ nyìwìi àŋ dùàŋ.

Nyɛ̀nɛ̀ŋ 21:8

Wɔŋ niìsìaà bàa è naiŋ kɔ̀ ko Sesèlià; yèè è naiŋ kɔ̀ ko gbòò Felè, wo nyuùŋ gbòà ke mìè Dayàa. Wò yaà wa anyùùŋ nɔɔnɔŋ le tìyèe nyàŋ bà guùŋ wo yèɔ naŋ wa kpùùmò aŋ keela tàeɗùù nyaŋ, yèè àŋ naŋ nɔ̀ŋ ko nɛ̀ɛ̀uŋ niìŋ.

Nyɛ̀nɛ̀ŋ 25:13

E teenga bà naŋ mààŋ yèè wo Kanaà Àgulepɔ̀ yaà wo jaauŋ nɔɔ̀ŋ Bɛ̀niìŋ naŋ hnè ko Sesèlià ko jààmè wo Fɛtɔ̀.

Nyɛ̀nɛ̀ŋ 27:42

Aŋ kààlòòɗùà nyaŋ naŋ wa ɗewè wèè aŋ jìwà aŋ pèesìnàŋ nyaŋ gbiŋ wèè aŋ go wa nàŋ sɛɛ̀ aŋ nìàŋ kpeiŋ aŋ dùàŋ aŋ ka.

Nyɛ̀nɛ̀ŋ 8:40

Wo Felè naŋ wa yɛ̀mɛ̀ wuŋ bi wò yaà ko jawaì àŋ nyaaŋ ko Àzotɔ̀. Wò naŋ wa kìlìè maŋ jawa màŋ gbiŋ sùà wɔŋ fàà bi, e jèèsùà wo hàì ko Sesèlià, wo yaà wòò Ebò Siaàŋ e nyaàìŋ dè wo Jisɛ̀ koɓɛ̀ anyùùŋ nyaŋ.