Nyɛ̀nɛ̀ŋ 12:10 - WƆŊ FƐ̀Ì EBÒ SÌÀŊ DAYÀA

¹⁰ Àŋ naŋ kɔ̀ aŋ gɛ̀ɛ̀ maŋ gbòò ɗì tìyèè aŋ kààlòòɗùà nyaŋ, yèè nààŋ àŋ naŋ hàì wɔŋ gbèmèè maŋ kàìɔ feìŋ wèè wɔŋ gɔ̀ɔ̀uŋ naŋ kìlìè e jawa gbeeɛ̀ wɔŋ, wɔ̀ŋ naŋ yilè kùàŋ wùŋ maŋ wuŋ. Àŋ naŋ fòlò yèè àŋ naŋ kààìŋ ke dòmaàŋ kpoloo, yèè ko fɛɛ̀feìŋ wo màikàa naŋ jɔ̀ɔ̀nɔ̀ŋ wo Pììlɛ fɛ̀ɛ̀.

Nyɛ̀nɛ̀ŋ 12:10 ပူးပေါင်းရင်းမြစ်များ

Jɔ̀ɔŋ 20:19

Ke ɗɔɔ jiɛ̀jiɛ̀ɛ ke wikìɛ sùà e koya lii, anyùùŋ màŋjɛ̀wɛ̀ nyaŋ gbiŋ naŋ wa kɔ̀ aŋ jɔ̀à ko saaŋ aŋ yìlà maŋ gbemgbee màŋ kpaŋ, esaɓù kɛ̀ e jùùɛ yaà nyiìŋ wa wèè anyùùŋ gbèègbèè aŋ Juùù nyaŋ. Yèè ko fɛɛ̀feìŋ wo Jisɛ̀ naŋ hnè wò naŋ nyiŋ sìè e tɛɛ ko saaìŋ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Jɔ̀ɔŋ 20:26

Ke wìkì guùŋ naŋ mààŋ, yèè anyùùŋ màŋjɛ̀wɛ̀ nyaŋ naŋ ɓɛìŋ gbònò koɓɛ̀ guùŋ ko saaìŋ. Wo Tàmaŋ yaà nyiìŋ wa naàŋ e tɛɛ e teenga lɛɛ̀ sùà, e kìlà maŋ gbemgbee màŋ yaà wa ɓɛìŋ yìla miŋ kpaŋ. Wo Jisɛ̀ naŋ hnè yèè wò naŋ nyiŋ sìè e tɛɛ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Nyɛ̀nɛ̀ŋ 12:4

Kpeiŋ wò naŋ gbìɛ̀ŋ wo Pììlɛ ko sààŋ nyìwì, yèè wò naŋ wòò maŋ gbòò kààlòòɗùà ɗì tiinàŋ, ke yèɛ kuwa wa anyùùŋ tiinàŋ ke gbòò gbiŋ sùà wèè auŋ yɛ̀mɛ̀ diɛŋ. Wò naŋ wa ɗewè wèè wouŋ hìàŋ ko fɛ̀ɛ̀fèìŋ anyùùŋ nyaŋ sèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ juo wèè wouŋ gbaì.

Nyɛ̀nɛ̀ŋ 16:26

Ko fɛɛ̀feìŋ e dììɛ naŋ gbiinè sɛmɛ, yèè ke sààŋ nyìwìɛ gbiŋ naŋ gbiinè e hàì ko tɔ̀ɔ̀tù ke saaàŋ e dììɛ dìì. Ko fɛɛ̀feìŋ maŋ gbemgbee maŋ gbiŋ naŋ yilè yèè maŋ jɔ̀ɔɔ màŋ naŋ fìlè aŋ pèesìnàŋ nyaŋ gbiŋ maŋ gòlò.

Nyɛ̀nɛ̀ŋ 5:19

Kɛɛ wɔŋ dùùm wiiŋ wo màìkà Kanaà Dayàa naŋ yìlè wɔŋ gbèmgbèè ko sààŋ nyìwìi, wo nyiŋ fulià, yèè wò naŋ nyiŋ woò wààŋ,

Maŋ kèì nyɛɛnɛŋ 3:7

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Fèlèdɛfià. “Ke miè gbìaàŋ kɛɛ̀ e yìwìà wo yèɔ yaà nɛɛmaŋ yèè e tɔ̀ɔ̀nyaàŋ sùà wɔ. Wuŋ nàŋ kuwa e jììŋ Kanaà Dèèweɛ̀, yèè sèè wò yilà wɔŋ gbemgbee, wo nyùùŋ gbiŋ fè wuŋ yìlà, yèè sèè wò yìlè wuùŋ, wo nyùùŋ gbiŋ fè wuŋ ɓɛ̀nɛ̀ŋ yìle.