Nyɛ̀nɛ̀ŋ 11:3 - WƆŊ FƐ̀Ì EBÒ SÌÀŊ DAYÀA

³ “Mùŋ naŋ mɛ̀iŋ kɔ̀ maŋ gbòòkùàŋ anyùùŋ nyaŋ fè àŋ Juùù aŋ yè nyaŋ fè kpùa jàa nyàŋ yèè nyɛ̀iŋ nyiŋ naŋ jììyè e nɛ̀ŋje koɓɛ̀ guùŋ!”

Nyɛ̀nɛ̀ŋ 11:3 ပူးပေါင်းရင်းမြစ်များ

Maafiù 9:11

Aŋ Fɛlosiì nyaŋ bà nyiŋ naŋ tɛɛ̀ yɛmɛ̀, yèè àŋ naŋ dàwè anyùùŋ màŋjɛ̀wɛ̀uŋ nyàŋ nyààŋ, “Wèè kiìŋ wo kààmɔɔiŋ nɔɔ̀ŋ yaà anyuùŋ kùwà nɛ̀ɛ̀nɛ̀ŋ fuɔɔ̀ŋ e kpùlìà anyùùŋ maŋ kpèè naanààŋ jiiyà nɛ̀ŋje koɓɛ̀ guùŋ?”

Luù 15:2

Aŋ Fɛlosiì nyaŋ yaà aŋ kààmɔ̀ɔ̀ŋ maŋ Sàwà Dayà nyaŋ naŋ tɔ̀ɔ̀tù gbùùyà ɗìòsùà e nyaàiŋ dè wo Jisɛ̀. Aŋ naŋ woò nyààŋ, “Wo felaa wɛɛ̀ jaa anyùùŋ maŋ jùumù nyaŋ kùàŋ dìì aŋ jɛ̀ì koɓɛ̀ guùŋ ko jììyè nɛ̀ŋ.”

Jɔ̀ɔŋ 18:28

È yaà wa maŋ nyiìŋ tɛ̀tɛ̀ wɔŋ niìsìaà bàa, àŋ naŋ gè wo Jisɛ̀ ko gbòò Kaifɔ̀, yèè àŋ nauŋ kɔ̀ɔ̀ ko sààŋ gbèè kanaà Paalè, wo kànà anyùùŋ ko Luùm nyaŋ. Kɛɛ anyùùŋ nyaŋ gbiŋ naŋ wa sìè ko jɔɔlèe ko fulieuŋ. Sèè wo bà gbiŋ woo wa weè jɔ̀à, wò naàŋ wa weè nɔ̀ŋ è zɛ̀nɛuŋ wèè wo jè e nɛ̀ŋjè wɔ̀ŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.

Nyɛ̀nɛ̀ŋ 10:23

Wo Pììlɛ naŋ jɔ̀ɔ̀yɛ̀ aŋ wùìya nyɛɛ̀ŋ ko saaìŋ, yèè wò naŋ nyiŋ woò wààŋ aŋ jàwà wèè wɔŋ dùmɔ̀ɔŋ. Wɔŋ niìsìaà ke ɗɔɔɛ̀ bàa, wo Pììlɛ yèè anyùùŋ màŋjɛ̀wɛ̀ wo Kanaà Jisɛ̀ nyaŋ bà ko Jɔpà naŋ dè aŋ felaa nyàŋ naŋ yèwè ko gbòò Kɔ̀nilìɔ̀ nyaŋ maŋjɛ̀wɛ yèè àŋ naŋ kɔ̀.

Nyɛ̀nɛ̀ŋ 10:28

Wo Pììlɛ naŋ nyiŋ woò wààŋ, “Nàŋ nyìmàŋ kɛ̀ è yaà ke sàwà kɛ̀ yàwi nààŋ Juùù nyaŋ e yìwìà wɔŋ fùɔ̀ŋ Jùdiàa yaà anyùùŋ nyaŋ fè àŋ Juùù nyaŋ ɓɔ̀ àŋ kpulià kè nyɛ̀nɛŋ ɔ̀ɔ̀ eiŋ nyiŋ jaamè. Kɛɛ wo Dayà wòim tɔɔ̀ kɛ̀ wo gò gongò kɛ̀ wò nyùùŋ gbiŋ fè zɛ̀nɛuŋ ɔ̀ɔ̀ wo fè tɛ̀ɛ̀.

Nyɛ̀nɛ̀ŋ 10:32

Weètii tuàŋ wo nyùùŋ ko Jɔpà ko gbòò wo kenàŋ bà àŋ nyaaŋ Saimɔ̀ŋ Piilɛ̀. Wò yaà wo nyùùnèènyɛiŋ ko gbòò kenàŋ bà àŋ nyaaŋ Saimɔ̀ŋ, wo nyuùŋ tòòmò maŋ fɛ̀ì yilì wèè manɛ̀ŋ bàneɔ̀, wo yèɔ joà wɔŋ juwoɔ̀ kɔɔ wɔ̀.’

Nyɛ̀nɛ̀ŋ 10:48

Kpeiŋ wo Pììlɛ naŋ woò wààŋ aŋ nɔ̀ŋ gùa nyiŋ e dèè Jisɛ̀ Kulaìɛ sùà. Eɓìèmàŋjɛ̀wɛ̀ tii, anyùùŋ nyaŋ nauŋ dawè wèè wo nɔ̀ŋ nyiŋ nee gòlò wèè maŋ ɗɔɔ kpàa bà.

1 Kɔliìŋ 5:11

Kɛɛ e nɛ̀ɛŋ mìŋ yaà wòo sùà lɛ nàŋ yaà kɛ̀, wo nyùnɔ̀ɔŋ naŋ nyààŋ wuŋ bi wo wùìya, è hààweɛ̀ sùà wɔ, kɛɛ wò yaà maŋ kpèè nàànààŋ hmɔŋtu sùà, ɔ̀ɔ̀ wò yaà e kèè nɛ̀ŋje ɔ̀ɔ̀ wò zoolà maŋ gòò, ɔ̀ɔ̀ wò yaà nyuùŋ nàànààŋ ko nyààŋ, ɔ̀ɔ̀ wo nyuùŋ tìà maŋ mùàŋ, ɔ̀ɔ̀ wò wuo, nyɛ̀iŋ nyùùŋ mààŋ wii ɓɔ̀ nìŋ mɔɔnɔ̀ŋ yèè ɓɔ̀ nìŋ jiiyà è nɛ̀ŋje kòɓɛ̀ guùŋ.

Gàla 2:12

Wo Pììlɛ, yaà anyuùŋ hààwè Kanaà Jisɛ̀ Kulaì nyaŋ anyùùŋ nyaŋ fè àŋ Juùù nyaŋ, jiiyà wa e nɛ̀ŋje koɓɛ̀ guùŋ, e jèèsùà wo Jìiiŋ tùàŋ aŋ Juùù hààwe nyàŋ bà. Wo Pììlɛ duɔŋ wa aŋ Juùù jàà kpùa nyàŋ, yèè yaà anyùùŋ nyaŋ fè àŋ Juùù nyaŋ naŋ hɔ̀ànè jììyà e nɛ̀ŋjè koɓɛ̀ guùŋ.

2Jɔ̀ɔŋ 1:10

Sèè wo nyùùŋ hnàŋ ko nɛ̀ɛ̀ŋ niìŋ wo gò hìàŋ è kàà kii bi, ɓɔ̀ nìŋ jàaùŋ kùàŋ dìì màŋ gbooiŋ màŋ sùà, ɓɔ̀ nìŋ zuumò wò nyùùŋ bi.