Nyɛ̀nɛ̀ŋ 11:28 - WƆŊ FƐ̀Ì EBÒ SÌÀŊ DAYÀA

²⁸ Wo bà guùŋ, e deèuŋ nɛ̀ nàŋ yaà wa wo Àgaɓɔ̀. E yìwìà e gààŋ Jinàaŋ sùà wo Àgaɓɔ̀ naŋ wa sie yèè wò naŋ woò kɛ̀ e jiè gbee do nàŋ sɔ̀ɔ̀ e ɗuunyaàŋ gbiŋ sùà ko dòmàŋfeìŋ. E jìè bi zà naŋ wa sɔ̀ɔ̀ e teengaà wo Kulɔdiɔ̀ yaà wa wo Kana wèè wɔŋ fùɔ̀ŋ anyùùŋ Luùm nyaŋ lɛ̀.

Nyɛ̀nɛ̀ŋ 11:28 ပူးပေါင်းရင်းမြစ်များ

Maafiù 24:14

Eɓìèmàŋjɛ̀wɛ̀ tii, Ebò Siaàŋ e nyaàiŋ dè e Kànà Dayàa, do wa nàwèè nàŋ nɔ̀ŋ ɓààye niŋ koɓɛ̀ anyùùŋ nyaŋ gbiŋ e ɗuunyaàŋ, wèè kɛ̀ maŋ ziì maŋ gbiŋ maŋ fuɔŋ màŋ sùà aŋ niŋ kòmàŋ e kìlà aŋ kiɛ̀ŋ ke mìè seì, kpeiŋ kɛ̀ ɗuunyaàŋ hàì ko dìa.”

Maafiù 24:7

Maŋ gbòò e yìwìà maŋ fuɔŋ ɗi zimgbe do nàŋ sùmìè miiŋ bi e fèemàŋ. Maŋ kànà maŋ fuɔŋ ɗi do nàŋ sùmìè miiŋ bi e fèemàŋ. E jìè do nàŋ sɔ̀ɔ̀ yèè e dììɛ do nàŋ kìlè maŋ tàta zimgbe sùà.

Luù 2:1

E teenga lii sùà wo Siisɔ̀ Àgɔsɔ̀, wo Kànà Gbèè wɔŋ fùɔ̀ŋ anyùùŋ ko Luùm nyaŋ naŋ wa hèè ke sàwà wààŋ kɛ̀, aŋ sìngà maŋ dèè anyùùŋ nyaŋ gbiŋ wɔŋ fɛi diɛŋ wɔŋ fuɔŋ bi sùà.

Luù 3:1

È yaà wa wɔŋ dòà zììyà jɛ̀wɛ̀ nɔɔnɔɔ̀ŋ e kànà kɛ̀ɛ̀ Tàbiliɔ̀ Siisɔ̀ɛ sùà, wo Kànà Gbèè wɔŋ fùɔ̀ŋ anyùùŋ Luùm nyaŋ. Wo Pɔuŋtiɔ̀ Paalè nàŋ yaà wa wo kana wɔŋ fùɔ̀ŋ Jùdiàa diɛŋ, wo Hɛɛlɔ̀ nàŋ yaà wa wo kana wɔŋ fùɔ̀ŋ Galaliìɔ sùà. Wo wùìyà Hɛɛlɔ̀ɔ, Felè, wuŋ pɛɛ nàŋ yaà wa wo kanaà wèè wɔŋ fùɔ̀ŋ Etuliàa yèè wɔŋ fùɔ̀ŋ Takɔnaitèɔ, wo Làsanià nàŋ yaà wa wo kanaà wèè wɔŋ fùɔ̀ŋ Abilììɔŋ.

Nyɛ̀nɛ̀ŋ 18:2

Kuŋ wò naŋ wa mɛ̀ɛ̀ŋ wo Juùù nyuuŋ bà àŋ nyaaŋ wo Àkuilà, wo jɔ̀à kùmìàŋ ko Pɔuŋtɔ̀. Wo Àkuilà yèè wo jawèuŋ nɔɔ̀ŋ Pɛ̀silià naŋ nɔŋ hnè mùnèè tɛɛ nɛɛ̀ŋ e yìwìà ko Etelè, esaɓù kɛ̀ wo Kànà fuɔɔ̀ŋ wèè ko Luùm wo Kulɔdiɔ̀ naŋ woò wààŋ aŋ Juùù nyuuŋ nyàŋ gbiŋ aŋ yèwà ko Luùm. Wo Pɔɔ̀ naŋ wa kɔ̀ ko jààmè wo Àkuilà yèè wo Pɛ̀silià.

Nyɛ̀nɛ̀ŋ 21:10

E teengaà è yààìŋ wa ko Sesèlià wèè maŋ ɗɔɔ kpàa bà lɛ, wo wɛ̀ijì bà àŋ nyaaŋ wo Àgaɓɔ̀ naŋ hnè ko nɛ̀ɛ̀ŋ wiì e yìwìà ko Jùdià.