Nyɛ̀nɛ̀ŋ 11:27 - WƆŊ FƐ̀Ì EBÒ SÌÀŊ DAYÀA

²⁷ E teenga lii sùà aŋ wɛ̀ijì nyaŋ bà naŋ wa kɔ̀ ko Aŋtiɔ̀ e yìwìà ko Jùlusɛ̀làm.

Nyɛ̀nɛ̀ŋ 11:27 ပူးပေါင်းရင်းမြစ်များ

Maafiù 23:34

Tɔ̀ miŋ woòiŋ kɛ̀ esaɓùɛ lɛɛ̀ mìŋ doiŋ nàŋ tùɔ̀ŋ aŋ wɛ̀ijì, anyuùŋ kɛ̀ɛ̀nɛ̀ŋ jiikɛ̀ɛ yaà aŋ kààmɔɔŋ aŋ yè nyaŋ doiŋ nàŋ kàà ke miè gbìaŋ miɛ̀ŋ. Nìŋ do nàŋ jìwìè aŋ bà nyiŋ wɔŋ vànèkpaaà diɛŋ ɔ̀ɔ̀ naŋ naŋ nyiŋ jìwà e ɗewe kii joo bà sùà. Nìŋ do nàŋ ɓùlò aŋ bà nyiŋ maŋ sààŋ zòòlò aŋ Juùù nyaŋ dìì, e kìlà nìŋ do nyiŋ nàŋ nyìmè naŋ nyiŋ gè maŋ jawa gbeegbèè maŋ gbiŋ sùà.

Luù 11:49

E wèè esaɓù lɛɛ̀, wo Dayà wo yèɔ kuwa jiikɛ̀ɛ wɔ̀ naŋ woò wààŋ, ‘Mìŋ do nyiŋ nàŋ tùɔ̀ŋ aŋ wɛ̀ijì yèè aŋ keela. Àŋ do nàŋ jìwè aŋ bà nyiŋ e kìlà aŋ jàà aŋ bà nyiŋ e keì nyìnga.’

Nyɛ̀nɛ̀ŋ 11:20

Aŋ Juùù gbòà Guliì mie nyaŋ bà nyiŋ e yìwìà ko Sapulɔ̀ yèè ko Sàlinìŋ naŋ wa kɔ̀ ko Aŋtiɔ̀ yèè àŋ naŋ tɔ̀ɔ̀tù Ebò Siaàŋ kìɛ̀ŋ nyaàiŋ dè wo Kanaà Jisɛ̀ koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 11:22

Ebò keì lɛɛ̀ naŋ hàì koɓɛ̀ anyuùŋ hààwe nyàŋ ko Jùlusɛ̀làm. Yèè àŋ naŋ tùɔ̀ŋ wo Bànaŋɓà ko Aŋtiɔ̀.

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

Nyɛ̀nɛ̀ŋ 14:26

Yèè e yìwìà kuii àŋ naŋ sɛ̀ɛ̀ wɔŋ meeè sùà aŋ kɛ̀ɛ̀ ko Aŋtiɔ̀. Kuŋ nàŋ yaà wa koɓɛ̀i ke gbòò anyuùŋ hààwe nyàŋ naŋ nyiŋ fè wo Dayà wèè wo nyiŋ yɛ̀mɛ̀ diɛŋ ke kpèè siauŋ nɛɛ̀ŋ sùà nààŋ àŋ naŋ wa naàŋ kpɛ̀ɛ̀yɛ̀ e tòmouŋ nɛ̀ wò manaŋ wa aŋ nyɛ̀nɛ̀ŋ lɛ.

Nyɛ̀nɛ̀ŋ 15:22

Aŋ keela tàeɗùù nyaŋ, yèè aŋ màmànkùmɛ̀ŋ anyuùŋ hààwe nyàŋ, e kpùlìà ke gbòò anyuùŋ hààwe nyàŋ naŋ ɗewè wèè aŋ tà anyùùŋ bà ɗùù wèè aŋ dè wo Pɔɔ̀ yèè wo Bànaŋɓà maŋjɛ̀wɛ aŋ ka ko Aŋtiɔ̀. Kpeiŋ àŋ naŋ tà wo Silà yèè wo Juɗà wo yèɔ àŋ nyaaŋ wa ɓɛìŋ wo Bàsaɓà wɔ ɗùù, aŋ sìèfèìŋ tìyèe anyuùŋ hààwe nyàŋ sùà.

Nyɛ̀nɛ̀ŋ 15:30

Aŋ fèlàà tiinàŋ nyaŋ naŋ yèwè ko Jùlusɛ̀làm yèè àŋ naŋ kɔ̀ ko Aŋtiɔ̀. Kpeiŋ àŋ naŋ nyààŋ anyuùŋ hààwe nyàŋ gbiŋ koɓɛ̀ guùŋ yèè àŋ naŋ nyiŋ kìɛ̀ŋ wɔŋ fɛiɔ̀.

Nyɛ̀nɛ̀ŋ 15:32

Aŋ wɛ̀ìjì tìyèe nyàŋ, wo Juɗà yèè wo Silà, naŋ wa gbòò anyuùŋ hààwe nyàŋ kɔɔ wèè e teenga mùnlaŋ wèè kɛ̀ aŋ kɛɛnɛ̀ŋ maŋ jii nyingè yèè e gààŋ.

Nyɛ̀nɛ̀ŋ 18:22

Nààŋ wo Pɔɔ̀ naŋ hàì ko Sesèlià, wò naŋ kɔ̀ yèè wò naŋ zùùmò ke gbòò anyuùŋ hààwe nyàŋ, yèè wò naŋ kɔ̀ ko Aŋtiɔ̀.

Nyɛ̀nɛ̀ŋ 2:17

Wo Dayà naŋ woò wààŋ, ‘Tɛɛ̀ mìŋ do nàŋ nyɛ̀nɛ̀ŋ maŋ ɗɔɔ dìàmaŋ màŋ sùà; mìŋ do nàŋ tùɔ̀ŋ wo Jinàŋ miɔ̀ŋ anyuùŋ kpùuŋ nyàŋ gbiŋ maŋjɛ̀wɛ. Aŋ jɔ̀àfelaaiŋ nyàŋ yaà aŋ jɔ̀à jɔùnùiŋ nyàŋ do nàŋ wòò anyùùŋ maŋ miè gbìaim màŋ. Aŋ kɔmɔŋjɔa bɔwɔiŋ nyàŋ do nàŋ gò gɔ̀à e jɛ̀ì, e kìlà anyuùŋ kàìŋ nyaŋ e tɛɛiŋ do nàŋ gò maŋ gɔa.

Nyɛ̀nɛ̀ŋ 21:4

È naiŋ wa kuii mɛ̀ɛ̀ŋ anyùùŋ hààwè Kanaà bà yèè è naiŋ nɔ̀ŋ ko nɛ̀ɛ̀ŋ nyiŋ niìŋ wèè maŋ ɗɔ̀ɔ̀ nɔɔnɔŋ le tìyèe. Wo Jìnàŋ Nɛɛmaàŋ naŋ wa wòò anyuùŋ hààwe nyàŋ wèè aŋ woò wo Pɔɔ̀ kɛ̀ ɓɔ̀ wò ka kò Jùlusɛ̀làm.

Nyɛ̀nɛ̀ŋ 21:9

Wo Felè kuwa wa aŋ jɔ̀àjɔ̀ùŋ tiinàŋ aŋ yè nyaŋ yaà wa aŋ jɔ̀ùŋ jɔ̀à bɛ̀ɛ̀, àŋ hewa gbòà ke mìè Dayàa koɓɛ̀ anyùùŋ.

Nyɛ̀nɛ̀ŋ 6:5

Ke jii naŋ wa fɔ̀ ke gbòòɛ gbiŋ wèè e keìɛ aŋ keela nyàŋ naŋ wa woò lɛ. Anyùùŋ nyɛɛ̀ŋ àŋ naŋ wa tàeɗùù, wo Siiwììŋ, wo yèɔ kuwa wa e hààwè gbee e kìlà wo Jìnàŋ Nɛɛmaàŋ yàaùŋ wa sùà, yaà wo Felè, wo Pɔchɔlɔ̀, wo Ninkanɔ̀, wo Timɔ̀ŋ, wo Pamɛnà, yèè wo Nikolà, wo nyùùŋ e yìwìà ko Aŋtiɔ̀. Wo fè wa wò Juùù nyuuŋ, kɛɛ wò naŋ wa naàŋ kìlè koɓɛ̀ e zòòlò aŋ Juùù nyaŋ wèè zòòlo.

1 Kɔliìŋ 12:10

Wo Jìnàŋ Dayàa kiɛ̀ŋ wo nyùnɔ̀ɔŋ bàuŋ e gààŋ wèè wo nyɛ̀nɛ̀ŋ maŋ tòmò gaàŋ gbeegbèè nyaàiŋ dè maŋ kèì mèè nyɛ̀nɛŋ. Koɓɛ̀ wo bà, wo fè e kìɛ̀ŋ ke mìè gbìàŋ Dayàa gbòa, yèè wo gbàuŋ, wò fè e gààŋ wèè wo nyìmàŋ e fèèmàŋ maŋ kìɛŋ màŋ folo wo Jìnàŋ Dayàa sìwè maŋ yaà maŋ yè màŋ fòuŋ fòlà sìwè maŋ. Wo nyùnɔ̀ɔŋ bà, wò kiɛ̀uŋ e gààŋ wèè wo gbòà maŋ kaìŋ joo sùà, e kìlà wo kìɛ̀ŋ wo bàuŋ e gààŋ wèè wo gɔ̀ì e keìɛ wo nyùnɔ̀ɔŋ naŋ woò lɛ sùà.

1 Kɔliìŋ 12:28

Wo Dayà naŋ tà anyùùŋ maŋ ɗùù, ke gbòò anyuùŋ hààwe nyàŋ sùà. Aŋ jiɛ̀jiɛ̀ nyaŋ, naŋ yaà aŋ keela tàeɗùù nyaŋ. Aŋ dìà tìyèei nyàŋ, aŋ wɛ̀ijì nyaŋ. Aŋ dìà taai nyàŋ, aŋ kààmɔɔŋ. Aŋ yè nyaŋ nyɛnɛŋ maŋ tòmò gaàŋ gbeegbèè nyaàiŋ dè maŋ kèì mèè nyɛ̀nɛŋ. Aŋ gbànaŋ nyàŋ nàŋ yaà, aŋ yè nyaŋ wò naŋ kìɛ̀ŋ e gààŋ wèè aŋ sùngà anyùùŋ, ɔ̀ɔ̀ aŋ kpùùmàŋ anyùùŋ ɔ̀ɔ̀ aŋ nyiŋ dè ke dòmaŋ siaŋ diɛŋ, ɔ̀ɔ̀ wèè aŋ gbùùyà maŋ kaìŋ joo sùà.

1 Kɔliìŋ 14:32

Wo wɛ̀ijìɔ, wo nyimèè wèè wo huanè gbòa e kìlà wo dangè nyuùŋ joo wo gbòà,

Gàla 2:11

Kɛɛ nààŋ wo Pììlɛ naŋ wa hnè ko Aŋtiɔ̀, mìŋ nauŋ wa pɔ̀ɔ̀ e keì ko ɓài.

Ɛfesɔ̀ 4:11

Yèè wuŋ naŋ “fè anyùùŋ maŋ kìɛŋ.” Wò naŋ tà aŋ bà nyiŋ ke ɗùù wèè aŋ nɔ̀ŋ aŋ keela tàeɗùù, aŋ bà nyiŋ wèè aŋ nɔ̀ŋ aŋ wɛ̀ijì, aŋ bà nyiŋ nɔ̀ŋ anyuùŋ fè ke mìè seì wèè Dayà, aŋ bà nyiŋ nɔ̀ŋ anyuùŋ gbòà ke mìè Dayà, yèè aŋ bà nyiŋ nɔ̀ŋ aŋ kààmɔɔŋ.