Nyɛ̀nɛ̀ŋ 11:20 - WƆŊ FƐ̀Ì EBÒ SÌÀŊ DAYÀA

²⁰ Aŋ Juùù gbòà Guliì mie nyaŋ bà nyiŋ e yìwìà ko Sapulɔ̀ yèè ko Sàlinìŋ naŋ wa kɔ̀ ko Aŋtiɔ̀ yèè àŋ naŋ tɔ̀ɔ̀tù Ebò Siaàŋ kìɛ̀ŋ nyaàiŋ dè wo Kanaà Jisɛ̀ koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 11:20 ပူးပေါင်းရင်းမြစ်များ

Maafiù 27:32

Nààŋ àŋ yaà wa kɔɔyɛ, àŋ naŋ mɛ̀ɛ̀ŋ wo felaa bà àŋ nyaaŋ Saimɔ̀ŋ e yìwìà ko Sàlinìŋ, yèè aŋ kààlòòɗùà nyaŋ nauŋ kùwò wèè wo koà wɔŋ vànèkpàà Jisɛ̀ɔ.

Jɔ̀ɔŋ 7:35

Anyùùŋ gbèègbèè aŋ Juùù nyaŋ bà nyiŋ naŋ dàwè nyiŋ bi fèemàŋ nyààŋ, “Kòò wò do nàŋ kɔ̀ e yèɛ sèè è kamàuŋ e naàuŋ yɛmɛ̀? Ɓàà wò do nàŋ kɔ̀ wɔŋ fuɔŋ joo bà sùà ko yèi anyuùŋ wi nyàŋ bà joà lɛ anyuùŋ gbòà Guliì mie nyàŋ tɛɛ wèè wo nyiŋ kàà e ɗèwè e Guliì mieɛ̀ gbòa?

Nyɛ̀nɛ̀ŋ 11:19

Kpeiŋ kɛ̀ anyùùŋ màŋjɛ̀wɛ̀ Kanaà naŋ wa ɓààyè maŋ tàta màŋ sùà esàɓù e kèì nimilàa naŋ wa tɔɔtù e teengaà àŋ naŋ wa jìwè wo Siiwììŋ lɛ. Àŋ naŋ wa kɔ̀ ko Fònisìà, ko Sapulɔ̀, yèè ko Aŋtiɔ̀. Kɛɛ aŋ Juùù nyaŋ nɔŋ àŋ naŋ wa kìɛ̀ŋ ke miè gbìaàŋ.

Nyɛ̀nɛ̀ŋ 11:22

Ebò keì lɛɛ̀ naŋ hàì koɓɛ̀ anyuùŋ hààwe nyàŋ ko Jùlusɛ̀làm. Yèè àŋ naŋ tùɔ̀ŋ wo Bànaŋɓà ko Aŋtiɔ̀.

Nyɛ̀nɛ̀ŋ 11:26

Nààŋ wò naŋ wa mɛ̀ɛ̀ŋ wo Sɔɔ̀, wò nauŋ hìɛ̀ŋ ko Aŋtiɔ̀. Kuŋ nyiiŋ tìyèe yaà ke gbòò anyuùŋ hààwe nyàŋ hewa dèènè koɓɛ̀ guùŋ wèè wɔŋ dòà guùŋ kpalauŋ, yèè àŋ naŋ kàà ke gbòò anyuùŋ zimgbe. Kuii ko Aŋtiɔ̀, nàŋ yaà koɓɛ̀ jiɛ̀jiɛ̀i anyùùŋ naŋ wa nyààŋ anyuùŋ hààwe nyàŋ aŋ Kulusɛ̀ɛ̀ìŋ wèè e teenga jiɛ̀jiɛ̀ɛ.

Nyɛ̀nɛ̀ŋ 11:27

E teenga lii sùà aŋ wɛ̀ijì nyaŋ bà naŋ wa kɔ̀ ko Aŋtiɔ̀ e yìwìà ko Jùlusɛ̀làm.

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

Nyɛ̀nɛ̀ŋ 14:26

Yèè e yìwìà kuii àŋ naŋ sɛ̀ɛ̀ wɔŋ meeè sùà aŋ kɛ̀ɛ̀ ko Aŋtiɔ̀. Kuŋ nàŋ yaà wa koɓɛ̀i ke gbòò anyuùŋ hààwe nyàŋ naŋ nyiŋ fè wo Dayà wèè wo nyiŋ yɛ̀mɛ̀ diɛŋ ke kpèè siauŋ nɛɛ̀ŋ sùà nààŋ àŋ naŋ wa naàŋ kpɛ̀ɛ̀yɛ̀ e tòmouŋ nɛ̀ wò manaŋ wa aŋ nyɛ̀nɛ̀ŋ lɛ.

Nyɛ̀nɛ̀ŋ 15:22

Aŋ keela tàeɗùù nyaŋ, yèè aŋ màmànkùmɛ̀ŋ anyuùŋ hààwe nyàŋ, e kpùlìà ke gbòò anyuùŋ hààwe nyàŋ naŋ ɗewè wèè aŋ tà anyùùŋ bà ɗùù wèè aŋ dè wo Pɔɔ̀ yèè wo Bànaŋɓà maŋjɛ̀wɛ aŋ ka ko Aŋtiɔ̀. Kpeiŋ àŋ naŋ tà wo Silà yèè wo Juɗà wo yèɔ àŋ nyaaŋ wa ɓɛìŋ wo Bàsaɓà wɔ ɗùù, aŋ sìèfèìŋ tìyèe anyuùŋ hààwe nyàŋ sùà.

Nyɛ̀nɛ̀ŋ 15:23

E mìè nyààŋ wɔŋ fɛiɔ̀ àŋ naŋ wa sìngè wɔŋ naŋ woò wààŋ, “Yàwi, aŋ wùìya nyàŋ, aŋ keela tàeɗùù nyaŋ yaà aŋ màmànkùmɛ̀ŋ anyuùŋ hààwe nyàŋ, naŋ tùɔ̀ŋ e zùùmò e mɔ̀ɔ̀nɔŋ koɓɛ̀ nyɛ̀iŋ nyàŋ kinɛiŋ naŋ kìlè koɓɛ̀ wo Kanaà Dayà nyaŋ, kɛɛ niŋ fè àŋ Juùù nyuuŋ nyàŋ ko Aŋtiɔ̀, ko Siilià, yèè ko Sèlesìà.

Nyɛ̀nɛ̀ŋ 15:30

Aŋ fèlàà tiinàŋ nyaŋ naŋ yèwè ko Jùlusɛ̀làm yèè àŋ naŋ kɔ̀ ko Aŋtiɔ̀. Kpeiŋ àŋ naŋ nyààŋ anyuùŋ hààwe nyàŋ gbiŋ koɓɛ̀ guùŋ yèè àŋ naŋ nyiŋ kìɛ̀ŋ wɔŋ fɛiɔ̀.

Nyɛ̀nɛ̀ŋ 17:18

Maŋ gbòò anyuùŋ tɔ̀ɔ̀ fɛi bà aŋ nyaaŋ Ɛpekuliɛ̀ŋ yèè Sutɔ̀ naŋ hnè yèè yaà nyiŋ naŋ tɔ̀ɔ̀tù kpàànè kpaane. Anyùùŋ bà yaà wa daawe nyààŋ, “Ɓòò nàŋ yaà wo nyuùŋ gò nyìmàŋ keì fèemàŋ wɛɛ̀, yèè kiìŋ wò manaŋ wo wòò?” Aŋ bà nyiŋ naŋ woò nyààŋ, “È yaà mààŋ wo Pɔɔ̀ wò yaà wòò e kèè aŋ dàyà fuɔŋ joo bà, Tii naŋ tɔɔ̀ kɛ̀ wò yaà wa wòò e kèè wo Jisɛ̀ yèè anyùùŋ nyaŋ do nàŋ yèwè e fàaà dìì nyaŋ.”

Nyɛ̀nɛ̀ŋ 18:22

Nààŋ wo Pɔɔ̀ naŋ hàì ko Sesèlià, wò naŋ kɔ̀ yèè wò naŋ zùùmò ke gbòò anyuùŋ hààwe nyàŋ, yèè wò naŋ kɔ̀ ko Aŋtiɔ̀.

Nyɛ̀nɛ̀ŋ 2:10

wɔŋ fùɔ̀ŋ Fɛgìàa yaà wɔŋ fùɔ̀ŋ Pàŋfelìàa, wɔŋ fùɔ̀ŋ Ijèɔ yaà wɔŋ fùɔ̀ŋ Leɓìàa e gbɛ̀ɛ̀ ko Sàlinìŋ. Yàwi nààŋ bà nyiŋ è yààìŋ anyùùŋ ko Luùm,

Nyɛ̀nɛ̀ŋ 4:36

Kpeiŋ wo Jòòsɛ, wo Liivaà nyuuŋ e yìwìà ko Sapulɔ̀, wo yèɔ aŋ keela nyaŋ hewa nyààŋ wo Bànaŋɓà wɔ, naŋ wa mààŋ wɔŋ ɓùuŋ nɔɔ̀ŋ, yèè wò naŋ hìɛ̀ŋ e nɛɛnɛɛ̀ŋ, wo niŋ kìlà koɓɛ̀ aŋ keela nyàŋ. (E fàsàì e dèè Bànaŋɓà nàŋ yaà “Wo yèɔ kiɛ̀ŋ ke jii nyingè diɛŋ wɔ̀.”)

Nyɛ̀nɛ̀ŋ 5:42

Ke ɗɔɔ gbiŋ àŋ hewa kà ko Saaŋ Zòòlò Dayài yaà maŋ saaŋ joo dìì wèè aŋ wòò ke mìè gbìàŋ Ebò Siaàŋ nyaàiŋ dè wo Kanaà Jisɛ̀, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ.

Nyɛ̀nɛ̀ŋ 6:1

Nààŋ e teenga bà naŋ mààŋ, ke gbòò anyùùŋ màŋjɛ̀wɛ̀ nyaŋ naŋ kùùnò dɛ̀kɛ̀ sùà. Aŋ bà nyiŋ yewe wa maŋ fuɔŋ joo e kìlà e Guliì mie nɔŋ àŋ hewa gbòà, kɛɛ aŋ zimgbe nyiŋ hewa jòò wɔŋ fùɔ̀ŋ Ezɔ̀ɛ̀ɔ sùà e kìlà àŋ hewa gbòà e Hiɓulù mie. Aŋ yè nyaŋ gboo wa e Guliì mieɛ̀ nyaŋ, naŋ kìɛ̀ŋ e zàwè aŋ yè nyaŋ gboo e Hiɓulù mieɛ̀ nyaŋ, koɓɛ̀ aŋ keela tàeɗùù nyaŋ. Aŋ Juùù gbòà Guliì mie nyàŋ naŋ woò nyààŋ aŋ Hiɓulù nyuuŋ nyàŋ gboo wɔŋ kàìŋ nyiŋ biɔ̀ nyaŋ yaà wa nyìnìè e kèì fɛɛ̀ nìngè koɓɛ̀ aŋ jɔ̀ùnèèdàà nyiŋ nyàŋ e kèè e tòmò nɛɛnɛŋ gòònoɛ̀ sùà ke ɗɔɔ gbiŋ.

Nyɛ̀nɛ̀ŋ 6:5

Ke jii naŋ wa fɔ̀ ke gbòòɛ gbiŋ wèè e keìɛ aŋ keela nyàŋ naŋ wa woò lɛ. Anyùùŋ nyɛɛ̀ŋ àŋ naŋ wa tàeɗùù, wo Siiwììŋ, wo yèɔ kuwa wa e hààwè gbee e kìlà wo Jìnàŋ Nɛɛmaàŋ yàaùŋ wa sùà, yaà wo Felè, wo Pɔchɔlɔ̀, wo Ninkanɔ̀, wo Timɔ̀ŋ, wo Pamɛnà, yèè wo Nikolà, wo nyùùŋ e yìwìà ko Aŋtiɔ̀. Wo fè wa wò Juùù nyuuŋ, kɛɛ wò naŋ wa naàŋ kìlè koɓɛ̀ e zòòlò aŋ Juùù nyaŋ wèè zòòlo.

Nyɛ̀nɛ̀ŋ 6:9

Kɛɛ aŋ felaa bà, aŋ yè nyaŋ yaà wa aŋ bà nyiŋ bà ke sààŋ zòòlò aŋ Juùù nyaŋ dìì wèè Anyuùŋ fòlà ɗo dìì nyaŋ, gò wa jàà wò Siiwììŋ kùàŋ dìì. Aŋ Juùù nyɛɛ̀ŋ naŋ wa nɔ̀ŋ aŋ ɗo, kɛɛ àŋ naŋ wa naàŋ yɛ̀mɛ̀ e tɔ̀ɔ̀nyaàŋ nyiŋ nɛ̀. Aŋ Juùù nyɛɛ̀ŋ bà nyiŋ yaà wa anyùùŋ e yìwìà ko Sàlinìŋ, yaà aŋ Juùù nyuuŋ bà e yìwìà ko Àlèzandilà e hààwè maŋ kpàlàùŋ kpàlàùŋ fùɔ̀ŋ Sèlesìàa yèè ko Eesìà. Anyùùŋ nyɛɛ̀ŋ naŋ wa tɔ̀ɔ̀tù wo Siiwììŋ gììyà maŋhɛɛ.

Nyɛ̀nɛ̀ŋ 8:35

Wo Felè naŋ tɔ̀ɔ̀tù gbòa e yìwìà koɓɛ̀ yaà wɔŋ fɛ̀ì Dayàa sùà, yèè wò nauŋ wòò Ebò Siaàŋ e nyaàiŋ dè wo Jisɛ̀.

Nyɛ̀nɛ̀ŋ 8:5

Wo Felè naŋ wa kɔ̀ ko jawa gbee bà ko Sàmilià yèè wò nao wòò ke miè gbìaàŋ koɓɛ̀ anyùùŋ nyaŋ e nyaàiŋ dè e kèè wo yèɔ wo Dayà naŋ tàeɗùù wèè wo hìàŋ e jòèye e ɗuunyaàŋ wɔ.

Nyɛ̀nɛ̀ŋ 9:20

E bìyao sùà wò naŋ wa kɔ̀ ko sààŋ zòòlò aŋ Juùù nyaŋ yèè wò naŋ tɔ̀ɔ̀tù anyùùŋ nyaŋ wòo wààŋ wo Jisɛ̀ nàŋ yaà wo Jɔ̀àfèlàà Dayàa.

Nyɛ̀nɛ̀ŋ 9:29

Wo Sɔɔ̀ hewa gbòà janyai e dèè Kanaà sùà. Wuŋ yèè aŋ Juùù gbòà Guliì mie nyàŋ hewa kpaane kpàànè, yèè àŋ naŋ kàmè ɗewe wèè auŋ jìwà.

1 Kɔliìŋ 2:2

E teengaà mìŋ yaà ko nɛ̀ɛ̀iŋ niìŋ lɛ, mìŋ naŋ wa ɗewè wèè ka nyɛɛnɛ̀ŋ wèè e keì gbiŋ sɔɔ̀ nɔŋ e kèè Jisɛ̀ Kulaì, kai kai ngèè e kèè e jìwauŋ nɛ̀ wɔŋ vànèkpaàa diɛŋ.

Gàla 2:11

Kɛɛ nààŋ wo Pììlɛ naŋ wa hnè ko Aŋtiɔ̀, mìŋ nauŋ wa pɔ̀ɔ̀ e keì ko ɓài.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,