Nyɛ̀nɛ̀ŋ 11:19 - WƆŊ FƐ̀Ì EBÒ SÌÀŊ DAYÀA

¹⁹ Kpeiŋ kɛ̀ anyùùŋ màŋjɛ̀wɛ̀ Kanaà naŋ wa ɓààyè maŋ tàta màŋ sùà esàɓù e kèì nimilàa naŋ wa tɔɔtù e teengaà àŋ naŋ wa jìwè wo Siiwììŋ lɛ. Àŋ naŋ wa kɔ̀ ko Fònisìà, ko Sapulɔ̀, yèè ko Aŋtiɔ̀. Kɛɛ aŋ Juùù nyaŋ nɔŋ àŋ naŋ wa kìɛ̀ŋ ke miè gbìaàŋ.

Nyɛ̀nɛ̀ŋ 11:19 ပူးပေါင်းရင်းမြစ်များ

Maafiù 10:6

Kɛɛ kɔ̀àìŋ nɔŋ koɓɛ̀ anyùùŋ nyaŋ ko Ezɔ̀ɛ̀, aŋ yè nyaŋ naŋ fè Dayà jɛwɛ nyàŋ, esaɓù kɛ̀ àŋ yaà mààŋ aŋ ɓaawaa naŋ go.

Jɔ̀ɔŋ 7:35

Anyùùŋ gbèègbèè aŋ Juùù nyaŋ bà nyiŋ naŋ dàwè nyiŋ bi fèemàŋ nyààŋ, “Kòò wò do nàŋ kɔ̀ e yèɛ sèè è kamàuŋ e naàuŋ yɛmɛ̀? Ɓàà wò do nàŋ kɔ̀ wɔŋ fuɔŋ joo bà sùà ko yèi anyuùŋ wi nyàŋ bà joà lɛ anyuùŋ gbòà Guliì mie nyàŋ tɛɛ wèè wo nyiŋ kàà e ɗèwè e Guliì mieɛ̀ gbòa?

Nyɛ̀nɛ̀ŋ 11:20

Aŋ Juùù gbòà Guliì mie nyaŋ bà nyiŋ e yìwìà ko Sapulɔ̀ yèè ko Sàlinìŋ naŋ wa kɔ̀ ko Aŋtiɔ̀ yèè àŋ naŋ tɔ̀ɔ̀tù Ebò Siaàŋ kìɛ̀ŋ nyaàiŋ dè wo Kanaà Jisɛ̀ koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 11:22

Ebò keì lɛɛ̀ naŋ hàì koɓɛ̀ anyuùŋ hààwe nyàŋ ko Jùlusɛ̀làm. Yèè àŋ naŋ tùɔ̀ŋ wo Bànaŋɓà ko Aŋtiɔ̀.

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

Nyɛ̀nɛ̀ŋ 13:4

Nààŋ wo Jìnàŋ Nɛɛmaàŋ naŋ tùɔ̀ŋ wo Bànaŋɓà yaà wo Sɔɔ̀, àŋ naŋ kɔ̀ ko Sèlesìà. E yìwìà kuii àŋ naŋ wa sɛ̀ɛ̀ wɔŋ meeè sùà yèè àŋ naŋ kɔ̀ ko Sapulɔ̀.

Nyɛ̀nɛ̀ŋ 13:46

Kɛɛ wo Pɔɔ̀ yaà wo Bànaŋɓà naŋ ngèè ɓɛìŋ gbòò maŋ jii nyingè sùà nyààŋ, “È yaà weè tɛ̀ɛ̀ wèè eiŋ gbòà ke mìè Dayàa ko nɛ̀ɛ̀iŋ niìŋ jiɛ̀. Kɛɛ nààŋ niŋ gò nyiŋ jàà kùàŋ dìì yèè niŋ gò ɓèmè nyɛ̀iŋ bi wèè naŋ nɔ̀ŋ anyuùŋ kɛnɛ wèè wɔŋ nyiiŋ gèe gò jùà lɛ̀, è yààìŋ jòà sùà eiŋ kìlà koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 14:26

Yèè e yìwìà kuii àŋ naŋ sɛ̀ɛ̀ wɔŋ meeè sùà aŋ kɛ̀ɛ̀ ko Aŋtiɔ̀. Kuŋ nàŋ yaà wa koɓɛ̀i ke gbòò anyuùŋ hààwe nyàŋ naŋ nyiŋ fè wo Dayà wèè wo nyiŋ yɛ̀mɛ̀ diɛŋ ke kpèè siauŋ nɛɛ̀ŋ sùà nààŋ àŋ naŋ wa naàŋ kpɛ̀ɛ̀yɛ̀ e tòmouŋ nɛ̀ wò manaŋ wa aŋ nyɛ̀nɛ̀ŋ lɛ.

Nyɛ̀nɛ̀ŋ 15:22

Aŋ keela tàeɗùù nyaŋ, yèè aŋ màmànkùmɛ̀ŋ anyuùŋ hààwe nyàŋ, e kpùlìà ke gbòò anyuùŋ hààwe nyàŋ naŋ ɗewè wèè aŋ tà anyùùŋ bà ɗùù wèè aŋ dè wo Pɔɔ̀ yèè wo Bànaŋɓà maŋjɛ̀wɛ aŋ ka ko Aŋtiɔ̀. Kpeiŋ àŋ naŋ tà wo Silà yèè wo Juɗà wo yèɔ àŋ nyaaŋ wa ɓɛìŋ wo Bàsaɓà wɔ ɗùù, aŋ sìèfèìŋ tìyèe anyuùŋ hààwe nyàŋ sùà.

Nyɛ̀nɛ̀ŋ 15:3

Anyuùŋ hààwe nyàŋ naŋ nyiŋ wa tùɔ̀ŋ. Yèè nààŋ àŋ yaà wa kɔɔyɛ, àŋ naŋ kɔ̀ɛ̀ ko Fònisìà yèè ko Sàmilià, àŋ yaà wòò anyùùŋ nyaŋ e ɗeweɛ̀ anyùùŋ nyaŋ fè àŋ Juùù nyaŋ naŋ kìlè koɓɛ̀ Dayài lɛ̀. Ebò lɛɛ̀ naŋ wa fɔ̀ɔ̀yɛ̀ anyùùŋ màŋjɛ̀wɛ̀ Kanaà maŋ jii yèè è naŋ nyiŋ nyìnìè zɔlɔ̀.

Nyɛ̀nɛ̀ŋ 15:30

Aŋ fèlàà tiinàŋ nyaŋ naŋ yèwè ko Jùlusɛ̀làm yèè àŋ naŋ kɔ̀ ko Aŋtiɔ̀. Kpeiŋ àŋ naŋ nyààŋ anyuùŋ hààwe nyàŋ gbiŋ koɓɛ̀ guùŋ yèè àŋ naŋ nyiŋ kìɛ̀ŋ wɔŋ fɛiɔ̀.

Nyɛ̀nɛ̀ŋ 15:35

Wo Pɔɔ̀ yaà wo Bànaŋɓà naŋ jòò ko Aŋtiɔ̀ wèè e teenga kpàa bà, yèè nyiŋ e kpùlìà anyuùŋ zimgbe bà yaà wa kaa yèè àŋ yaà wòò ke mìè gbìàŋ Ebò Siaàŋ e nyaàiŋ dè wo Kanaà.

Nyɛ̀nɛ̀ŋ 15:39

Tɛɛ̀ naŋ wa hìɛ̀ŋ kpàànè kpaane e fèèmàŋ nyiŋ tìyèe, yèè àŋ naŋ gòònòè tɛɛ. Wo Bànaŋɓà naŋ ɓèmè wo Mài yèè àŋ naŋ sɛ̀ɛ̀ wɔŋ meeè sùà aŋ nìàŋ ke tììŋ Sapulɔ̀ɛ sùà,

Nyɛ̀nɛ̀ŋ 18:22

Nààŋ wo Pɔɔ̀ naŋ hàì ko Sesèlià, wò naŋ kɔ̀ yèè wò naŋ zùùmò ke gbòò anyuùŋ hààwe nyàŋ, yèè wò naŋ kɔ̀ ko Aŋtiɔ̀.

Nyɛ̀nɛ̀ŋ 21:16

Anyuùŋ hààwe nyàŋ bà e yìwìà ko Sesèlià naŋ wi wa dè maŋjɛ̀wɛ yèè àŋ naŋ wi kɔ̀ɔ̀ ko gbòò Meesìŋ wèè eiŋ noo nɔ̀ŋ. Wo Meesìŋ yewe wa ko Sapulɔ̀ yèè wò yaà wa wo nyuùŋ hààweɔ̀ bà guùŋ e yìwìà ko tɔɔtuì.

Nyɛ̀nɛ̀ŋ 21:2

Kuŋ è naiŋ wa mɛ̀ɛ̀ŋ wɔŋ meeè wɔ̀ŋ yaà kɔ̀ɔ̀yɛ̀ ko Fònisìà, yèè è naiŋ wuŋ sɛ̀ɛ̀ sùà è naiŋ kɔ̀.

Nyɛ̀nɛ̀ŋ 3:26

Wo Dayà naŋ wa tà wo Ɓɔìjɔ̀àuŋ nɔɔ̀ŋ Jisɛ̀ ɗùù yèè wò nauŋ tùɔ̀ŋ ko nɛ̀ɛ̀iŋ niìŋ jiɛ̀, wèè wo kpuumàiŋ niŋ fè maŋ tùwo naanààiŋ màŋ jɛwɛ yèè niŋ kìlà koɓɛ̀ Dayài.”

Nyɛ̀nɛ̀ŋ 4:36

Kpeiŋ wo Jòòsɛ, wo Liivaà nyuuŋ e yìwìà ko Sapulɔ̀, wo yèɔ aŋ keela nyaŋ hewa nyààŋ wo Bànaŋɓà wɔ, naŋ wa mààŋ wɔŋ ɓùuŋ nɔɔ̀ŋ, yèè wò naŋ hìɛ̀ŋ e nɛɛnɛɛ̀ŋ, wo niŋ kìlà koɓɛ̀ aŋ keela nyàŋ. (E fàsàì e dèè Bànaŋɓà nàŋ yaà “Wo yèɔ kiɛ̀ŋ ke jii nyingè diɛŋ wɔ̀.”)

Nyɛ̀nɛ̀ŋ 6:5

Ke jii naŋ wa fɔ̀ ke gbòòɛ gbiŋ wèè e keìɛ aŋ keela nyàŋ naŋ wa woò lɛ. Anyùùŋ nyɛɛ̀ŋ àŋ naŋ wa tàeɗùù, wo Siiwììŋ, wo yèɔ kuwa wa e hààwè gbee e kìlà wo Jìnàŋ Nɛɛmaàŋ yàaùŋ wa sùà, yaà wo Felè, wo Pɔchɔlɔ̀, wo Ninkanɔ̀, wo Timɔ̀ŋ, wo Pamɛnà, yèè wo Nikolà, wo nyùùŋ e yìwìà ko Aŋtiɔ̀. Wo fè wa wò Juùù nyuuŋ, kɛɛ wò naŋ wa naàŋ kìlè koɓɛ̀ e zòòlò aŋ Juùù nyaŋ wèè zòòlo.

Gàla 2:11

Kɛɛ nààŋ wo Pììlɛ naŋ wa hnè ko Aŋtiɔ̀, mìŋ nauŋ wa pɔ̀ɔ̀ e keì ko ɓài.