Nyɛ̀nɛ̀ŋ 11:18 - WƆŊ FƐ̀Ì EBÒ SÌÀŊ DAYÀA

¹⁸ Nààŋ àŋ naŋ wa kòmò e yèɛ wo Pììlɛ naŋ woò lɛ, aŋ gbiŋ naŋ wa kumiè yèè àŋ naŋ tɛ̀nɛ̀ŋ wo Dayà. Àŋ naŋ woò nyààŋ, “Wo Dayà naàŋ nyɛ̀nɛ̀ŋ anyùùŋ nyaŋ fè àŋ Juùù nyaŋ àŋ fè maŋ tùwo naanààŋ nyiŋ màŋ jɛwɛ, e kìlà wò nyiŋ kìɛ̀ŋ wɔŋ nyiiŋ gèe.”

Nyɛ̀nɛ̀ŋ 11:18 ပူးပေါင်းရင်းမြစ်များ

Maafiù 9:8

Nààŋ anyùùŋ nyaŋ naŋ wa tɛɛ̀ yɛmɛ̀, e jùù naŋ nyiŋ nyɛ̀nɛ̀ŋ yèè àŋ naŋ tɛ̀nɛ̀ŋ wo Dayà wèè wo kìɛ̀ŋ e gààŋ mààŋ tɛɛ̀ koɓɛ̀ anyuùŋ kpùuŋ.

Nyɛ̀nɛ̀ŋ 11:1

Aŋ keela tàeɗùù nyaŋ yèè anyuùŋ hààwe nyàŋ ko Jùdià kòmàŋ kɛ̀ anyùùŋ nyaŋ fè àŋ Juùù nyaŋ jàà ke mìè gbìàŋ Dayàa kùàŋ dìì.

Nyɛ̀nɛ̀ŋ 14:27

Nààŋ àŋ naŋ wa hàì ko Aŋtiɔ̀, wo Pɔɔ̀ yaà wo Bànaŋɓà naŋ nyààŋ ke gbòò anyuùŋ hààwe nyàŋ e dèène sùà. Yèè àŋ naŋ nyiŋ gbàìè jii wèè eɗewɛ̀ wo Dayà naŋ nyiŋ kpuumò lɛ, yèè e ɗeweɛ̀ wò naŋ yìlè wɔŋ gbemgbee wèè anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ hààwe wo Jisɛ̀ sùà.

Nyɛ̀nɛ̀ŋ 15:3

Anyuùŋ hààwe nyàŋ naŋ nyiŋ wa tùɔ̀ŋ. Yèè nààŋ àŋ yaà wa kɔɔyɛ, àŋ naŋ kɔ̀ɛ̀ ko Fònisìà yèè ko Sàmilià, àŋ yaà wòò anyùùŋ nyaŋ e ɗeweɛ̀ anyùùŋ nyaŋ fè àŋ Juùù nyaŋ naŋ kìlè koɓɛ̀ Dayài lɛ̀. Ebò lɛɛ̀ naŋ wa fɔ̀ɔ̀yɛ̀ anyùùŋ màŋjɛ̀wɛ̀ Kanaà maŋ jii yèè è naŋ nyiŋ nyìnìè zɔlɔ̀.

Nyɛ̀nɛ̀ŋ 20:21

Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

Nyɛ̀nɛ̀ŋ 21:20

Anyùùŋ nyaŋ gbiŋ naŋ wa kòmò e nɛ̀ɛŋ wo Pɔɔ̀ naŋ woò lɛ naŋ wa tɛ̀nɛ̀ŋ wo Dayà yèè àŋ naŋ wòò wo Pɔɔ̀ nyààŋ, “Wùìya wiɔ̀, màŋ yɛ̀mɛ̀ anyuùŋ taasùùŋ jika nyàŋ kinɛiŋ aŋ Juùù nyaŋ sùà naŋ hààwè Kanaà Jisɛ̀ nyaŋ. Aŋ gbiŋ yaà e wànàŋ sùà wèè aŋ jɔ̀ɔ̀lɔ̀ maŋ Sàwà Dayà maŋ dìì.

Nyɛ̀nɛ̀ŋ 3:19

Fèìŋ maŋ tùwo naanààiŋ màŋ jɛwɛ, Kpeiŋ, niŋ kìlà koɓɛ̀ Dayài, wèè wo juuyà maŋ jùumùiŋ màŋ hakɛ̀.

Nyɛ̀nɛ̀ŋ 3:26

Wo Dayà naŋ wa tà wo Ɓɔìjɔ̀àuŋ nɔɔ̀ŋ Jisɛ̀ ɗùù yèè wò nauŋ tùɔ̀ŋ ko nɛ̀ɛ̀iŋ niìŋ jiɛ̀, wèè wo kpuumàiŋ niŋ fè maŋ tùwo naanààiŋ màŋ jɛwɛ yèè niŋ kìlà koɓɛ̀ Dayài.”

Nyɛ̀nɛ̀ŋ 5:31

Wo Dayà nauŋ jàà wɔŋ kùàŋ jìkauŋ nɔɔ̀ŋ, yèè wò nauŋ nyɛ̀nɛ̀ŋ wo Kana yèè wo Nyuùŋ Jòèyeɔ̀ weè wì, wèè kɛ̀ anyùùŋ Ezɔ̀ɛ̀ nyaŋ fè maŋ tùwo naanààŋ nyiŋ màŋ jɛwɛ aŋ kìlà ko nɛ̀ɛ̀uŋ niìŋ e kìlà maŋ jùumù nyiŋ màŋ nɔ̀ŋ hakɛ̀ jùùya miŋ.

Luùm 9:30

Kiìŋ tɛɛ̀ gbiŋ naŋ fasàì? È naŋ tɔɔ̀ kɛ̀ anyùùŋ nyaŋ fè àŋ Juùù nyaŋ fè wa kààmè ɗewe wèè wò Dayà wo nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ, kɛɛ wo Dayà naŋ nyiŋ wa jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e hààwe nyiŋ nɛ̀.

2 Kɔliìŋ 3:18

Yàwi nààŋ gbiŋ, maŋ dewà wi màŋ tɔɔ̀ e jòòwò Kanaà maŋ dewà gò ɓùwà sùà, yèè e jòòwò guùŋ bi è yewe wo Kanaà sìwè, wo yèɔ yaà wo Jinàaŋ wɔ̀, wò naŋ wi kìlè e ɗeweɛ̀ wò yaà lɛ sùà e jòòwo tɛ̀mɛ̀ɛ̀ gbee bà sùà.

2 Kɔliìŋ 7:10

Ke jii mɔ̀ɔ̀nɛɛ̀ŋ wo Dayà naiŋ tòòmò diɛŋ yɛ̀ kè naŋ hìɛ̀ŋ e vɔ̀ɔ̀nɔŋ e yèɛ joeyàìŋ nɛ, yèè ke jii mɔ̀ɔ̀nɛŋ bà gbiŋ fè kìlà kè jiiuŋ nɛɛ̀ŋ. Kɛɛ ke jìì mɔ̀ɔ̀nɛ̀ŋ ɗuunyaàŋ kè hiàŋ e fàa.

Gàla 1:24

E kìlà esaɓù mɛ̀ sùà, àŋ naŋ jòòwò e dèè Dayàa.