Nyɛ̀nɛ̀ŋ 11:16 - WƆŊ FƐ̀Ì EBÒ SÌÀŊ DAYÀA

¹⁶ Kpeiŋ mìŋ naŋ jààèjii e yèɛ wo Kanaà naŋ wa woò lɛ wààŋ, ‘Wo Jɔ̀ɔŋ naŋ wa nɔŋ gùùyè anyùùŋ e wùìyè, kɛɛ wo Dayà doiŋ nàŋ gùùyè wo Jìnàŋ Nɛɛmaàŋ.’

Nyɛ̀nɛ̀ŋ 11:16 ပူးပေါင်းရင်းမြစ်များ

Maafiù 3:11

Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Maafiù 3:6

Àŋ naŋ wa wòò maŋ keì naanààŋ nyiŋ màŋ, yèè wo Jɔ̀ɔŋ naŋ nyiŋ wa gùò e Wùìyè Jɔɔɗììŋ nɛ̀ sùà.

Luù 24:8

Aŋ jɔùŋ nyaŋ naŋ ngàà jàà maŋ mìè gbòauŋ màŋ jii.

Luù 3:16

Wo Jɔ̀ɔŋ naŋ nyiŋ fasàì wààŋ, “Mìŋ yààìŋ nɔŋ gùùyà sùà e wùìyè. Kɛɛ wo nyùùŋ bà do nàŋ hnè, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka fìlè è jèì màŋ bauŋ màŋ. Wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Jɔ̀ɔŋ 1:26

Wo Jɔ̀ɔŋ naŋ fasàì wààŋ, “Mìŋ yaà nɔŋ gùùyè anyùùŋ e wùìyè. Kɛɛ wo nyùùŋ bà kòò wò sìàìŋ nèè tɛɛ wo yèɔ niŋ nyimààŋ wɔ̀.

Jɔ̀ɔŋ 1:33

Kɛɛ wèè paŋ tɛɛ̀ kaaìŋ wa, miŋ nyimààŋ wa wò nyùnɔ̀ɔŋ yaà wa hinie wɔ̀. Kɛɛ wo Dayàa naim wa tùɔ̀ŋ wèè ka gùùyà anyùùŋ e wùìyè wɔ naim wà tɛɛ̀ woò wààŋ, ‘Mùŋ do nàŋ yɛ̀mɛ̀ wo Jinàaŋ wo dèyà wo jɛ̀ì wo nyùùŋ bà diɛŋ. Kpeiŋ kɛ̀ mùŋ do nàŋ nyìmè kɛ̀ wuŋ nàŋ yaà wo nyùnɔ̀ɔŋ wo yèɔ do nàŋ gùùyè anyùùŋ wo Jìnàŋ Nɛɛmaàŋ.’ ”

Jɔ̀ɔŋ 14:26

Kɛɛ wo nyuùŋ kpùùmaàŋ, wo Jìnàŋ Nɛɛmaàŋ do nàŋ hnè wèè woiŋ kpuumàŋ, wo yèɔ wo Dèdaà do nàŋ tùɔ̀ŋ e deè mɛ̀ diɛŋ wɔ̀. Wo Jinàaŋ doiŋ nàŋ kàà maŋ keì maŋ gbiŋ, yèè wò doiŋ nàŋ nyɛ̀nɛ̀ŋ naŋ kɛ̀ɛ̀nɛ̀ŋ jii jàa e nyaàiŋ dè e yèɛ mìŋ naiŋ woò e teengaà mìŋ yaà wa ko nɛ̀ɛ̀iŋ niìŋ lɛ.

Jɔ̀ɔŋ 16:4

Mìŋ yààìŋ naàŋ tɛɛ̀ wòo sùà wèè naŋ niŋ jàà jii wèè kɛ̀ sèè è kaaìŋ wa nàwèè naŋ nyìmàŋ kɛ̀ kàiŋ niŋ wa woò. “Miŋ gòiŋ wa wòò màŋ keì mɛɛ̀ŋ kò tɔ̀ɔ̀tù è mɔ̀ɔ̀nɔŋ wilɛ̀, esaɓù kɛ̀ è yààìŋ wa koɓɛ̀ guùŋ.

Nyɛ̀nɛ̀ŋ 1:5

Wo Jɔ̀ɔŋ naŋ wa nɔŋ gùùyè anyùùŋ e wùìyè, kɛɛ maŋ ɗɔɔ kpàa bà sùà, wo Dayà doiŋ nàŋ gùùyè wo Jìnàŋ Nɛɛmaàŋ.”

Nyɛ̀nɛ̀ŋ 20:35

Kàiŋ tɔ̀ɔ̀ maŋ keì nyɛ̀nɛŋ màŋ gbiŋ sùà kɛ̀ sèè nìŋ tomàŋ nyìnga e ɗewe lɛɛ̀ sùà, nìŋ do nàŋ kpùùmò wo yèɔ yaà e zɔ̀kpɔ̀ sùà wɔ. Jàaìŋ jii, maŋ mìè maŋ wo Kanaà Jisɛ̀ wuŋ bi naŋ wa woò maŋ wààŋ, ‘E zɔlɔ̀ zimgbe doum nàŋ nɔ̀ŋ sèè mùŋ kiɛ̀ŋ wo nyùùŋ, e nìàŋ sèè wo nyùùŋ woum kiɛ̀ŋ.’ ”

1 Kɔliìŋ 12:13

Yɛi nɔŋ, yàwi nààŋ gbiŋ è yààìŋ, èiŋ nɔ̀ŋ aŋ Juùù, ɔ̀ɔ̀ ànyùùŋ nyaŋ fè àŋ Juùù nyaŋ, èiŋ nɔ̀ŋ àŋ ɗo ɔ̀ɔ̀ e fèìŋ àŋ ɗo, wo Jinàŋ guùŋ wɛɛ̀, wò wi gùà e kìlà wò wi gbìàŋ ke kpùnàŋ guùŋ yɛɛ̀ sùà. Yàwi nààŋ gbiŋ è tìèìŋ e yìwìà wo Jìnàŋ guùŋ wɛɛ̀ sìwè.

2Pììlɛ 3:1

Nyɛ̀iŋ nààŋ dàwi mànaim nyàŋ, wɛɛ̀ŋ nàŋ yaà wɔŋ fɛi dìà tìyèeɔ̀ mìŋ naŋ sìngè ko nɛ̀ɛ̀iŋ niìŋ wɔŋ. Maŋ fɛ̀ì tìyèe mɛɛ̀ŋ sùà mìŋ naŋ fɛ̀ɛ̀ wèè kaiŋ sìà ke di sengèì maŋ gòngoiŋ màŋ sùà wèè naŋ jilɛ̀ŋ esaɓù kɛ̀ mìŋ naiŋ dè maŋ keì mɛɛ̀ŋ jii.