Nyɛ̀nɛ̀ŋ 11:14 - WƆŊ FƐ̀Ì EBÒ SÌÀŊ DAYÀA

¹⁴ Wò doum nàŋ kìɛ̀ŋ maŋ miè gbìaŋ maŋ yè maŋ do nàŋ jòèyè muàŋ yèè anyunùum nyàŋ gbiŋ ko gboo moo.

Nyɛ̀nɛ̀ŋ 11:14 ပူးပေါင်းရင်းမြစ်များ

Luù 19:10

Miàim wo Jɔ̀àfèlàà Nyuùŋ Kpùnɔɔ̀ŋ naŋ hnè wèè ka kàmè e kìlà ka jòèyè anyùùŋ nyaŋ naŋ go nyàŋ.”

Jɔ̀ɔŋ 12:50

Kà nyìmàŋ kɛ̀ e yèɛ wò woà lɛ è hiàŋ wɔŋ nyiiŋ gèe gò jùà. Esaɓùɛ lɛɛ̀ mìŋ woàìŋ yèɛ wo Dèdaà ko àìjɛnɛ̀ŋ naim woò kinɛiŋ lɛ̀.”

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 4:53

Wo dèdà wo felaajɔaà naŋ ngàà jàà jii kɛ̀ e tèèngà guùŋ bi sùà e gɔɛɛ gbòà guùŋ nɛ wo Jisɛ̀ nauŋ woò wààŋ, “Wo jɔ̀àfelaa mɔɔ̀ŋ do nàŋ kɛ̀ɛ̀ wɔŋ nyiiŋ gèeɔ̀ sùà.” Kpeiŋ wo felaaà yaà ke kpoouŋ nɛɛ̀ŋ gbiŋ naŋ kɛ̀ɛ̀nɛ̀ŋ hààwe wo Jisɛ̀ sùà.

Jɔ̀ɔŋ 6:63

Wo Jìnàŋ Kanaà Dayà nàŋ kiɛ̀ŋ wo nyùùŋ wɔŋ nyiiŋ gèe. E nɛ̀ŋ kɛnɛ gbiŋ e fè è gààŋ nyuùnkpùuŋ sùà wèè e kìɛ̀ŋ wò nyùùŋ wɔ̀ŋ nyiiŋ gèe. Maŋ mìè maŋ mìŋ naŋ gbòò ko nɛ̀ɛ̀iŋ niìŋ maŋ, màŋ nyɛnɛŋ wo Jìnàŋ Kanaà Dayà woiŋ nɔ̀ŋ ko sùà, wo yèɔ kiɛ̀ŋ wɔŋ nyiiŋ gèe wɔ̀.

Jɔ̀ɔŋ 6:68

Kpeiŋ wo Saimɔŋ Piilɛ̀ nauŋ fasàì wààŋ, “Kanaà, sèè è kɛɛ̀ùm maŋjɛ̀wɛ, ɓɛ̀ ɓòò è naiŋ ɓɛ̀nɛ̀ŋ kàa? Tiŋ zà maŋ mìè gbòaum màŋ nàŋ kiɛ̀ŋ wɔŋ nyiiŋ gèe gò jùà.

Nyɛ̀nɛ̀ŋ 10:2

Wo Kɔ̀nilìɔ̀ yaà anyunùuŋ nyàŋ ko gboounoo kuwa wa e hààwe yèè àŋ duɔŋ wa wo Dayà. Wò hewa kpùùmàŋ anyuùŋ pɔ̀ɔ nyàŋ zimgbe, yèè wò hewa zòòlò Dayà e teengaà diɛŋ.

Nyɛ̀nɛ̀ŋ 10:22

Aŋ felaa nyàŋ naŋ fasàì yèè àŋ naŋ kìɛ̀ŋ mìè seì nyààŋ, “Wo nyùùŋ gbèè aŋ kààlòòɗùà nyaŋ, wo Kɔ̀nilìɔ̀ naŋ wi tùɔ̀ŋ. Wò yaà wo nyùùŋ tɔ̀ɔ̀nyaàŋ yèè wò duɔŋ Dayà. Anyùùŋ nyaŋ gbiŋ wɔŋ fùɔ̀ŋ aŋ Juùù nyaŋ sùà mànaùŋ yèè àŋ kuwa ɓɛ̀ɛ̀jàa weèuŋ. Wo màìkà Dayàa nauŋ woò kɛ̀ wo tùàŋ weèum muŋ ka ko gboouŋ noo wèè wo kòmàŋ e yèɛ mùŋ kuwa mauŋ woò lɛ.”

Nyɛ̀nɛ̀ŋ 10:43

Wèè wuŋ aŋ wɛ̀ijì nyaŋ gbiŋ naŋ wa gbòò ke mìè seì, kɛ̀ wo nyùnɔ̀ɔŋ gbiŋ haawàuŋ wɔ, maŋ jùumùuŋ màŋ do nàŋ nɔ̀ŋ hakɛ̀ jùùya miŋ esàɓù e deèuŋ nɛ̀ sùà.”

Nyɛ̀nɛ̀ŋ 10:6

Wò yaà wo nyùùnèènyɛiŋ ko gbòò wo kenàŋ bà àŋ nyaaŋ wo Saimɔ̀ŋ, wo nyuùŋ tòòmò maŋ fɛ̀ì yilì wèè manɛ̀ŋ bàne, wo yèɔ joà wɔŋ juwoɔ̀ kɔɔ wɔ̀.”

Nyɛ̀nɛ̀ŋ 11:13

Wò naŋ wi wòò e ɗeweɛ̀ wò naŋ yɛ̀mɛ̀ wo màikà wò sia ko saauŋ niìŋ. Wo màikàa nauŋ woò wààŋ wo tùàŋ anyùùŋ bà ko Jɔpà wèè wo felaa bà àŋ nyaaŋ wo Saimɔ̀ŋ Piilɛ̀.

Nyɛ̀nɛ̀ŋ 16:15

Nààŋ wuŋ yaà anyùùŋ nyaŋ ko gboouŋ noo naŋ wa nɔ̀ŋ gùa nyiŋ, wò naŋ wi wa woò wààŋ, “Sèè mààŋ nàim naàŋ jàà kùàŋ dìì wèè ka nɔ̀ŋ wo nyuùŋ hààweɔ̀ bà wo Kanaà sùà, kɛ̀ hnaìŋ niŋ nɔ̀ŋ ko gboo mio.” Yèè wò naŋ wi kai pɔwɔ̀ wèè è kaiŋ noo.

Nyɛ̀nɛ̀ŋ 18:8

Wo Kulesipɔ̀ naŋ yaà wa wo sìèfèìŋ ko sààŋ zòòlò aŋ Juùù nyaŋ ko Kɔliìŋ. Wuŋ yèè anyùùŋ nyaŋ gbiŋ ke kpoouŋ nɛɛ̀ŋ sùà naŋ wa sìè e hààwe nyiŋ nɛ̀ wo Kanaà Jisɛ̀ sùà. Anyuùŋ zimgbe e yìwìà ko Kɔliìŋ naŋ wa kòmò ke miè gbìaàŋ, yèè anyùùŋ nyaŋ gbiŋ naŋ wa hààwè wo Kanaà Jisɛ̀ nyaŋ naŋ wa nɔ̀ŋ gùa nyiŋ.

Nyɛ̀nɛ̀ŋ 2:39

Esaɓù kɛ̀ wo Dayà naŋ wa jɔ̀ɔ̀ ɗààhiì ko nɛ̀ɛ̀iŋ niìŋ yèè aŋ jɔ̀àiŋ nyàŋ, yèè koɓɛ̀ anyùùŋ nyaŋ yaà koɓɛ̀ dii nyàŋ, aŋ yè nyaŋ gbiŋ wo Kanaà wo Dayà wiɔ̀ do nàŋ nyààŋ koɓɛ̀ wuŋ biì nyaŋ.”

1 Kɔliìŋ 1:16

Hòoò hɛ̀ɛɛ̀ŋ, Mìŋ naŋ gùò wo Sìfanà yaà ke kpoouŋ nɛɛ̀ŋ nyiŋ pɛɛ, kɛɛ miŋ gò ɓɛìŋ jàà jii wèè ka ɓɛìŋ gùà nyùùŋ gbiŋ.