Nyɛ̀nɛ̀ŋ 11:12 - WƆŊ FƐ̀Ì EBÒ SÌÀŊ DAYÀA

¹² Wo Jìnàŋ Nɛɛmaàŋ naim woò wààŋ miŋ dè nyiŋ maŋjɛ̀wɛ e kaiŋ e kìlà wààŋ ɓɔ̀ mìŋ gè màŋhɛɛ. Anyuùŋ hààwe nyàŋ àŋ nɔɔnɔŋ dièguùŋ naim dè maŋjɛ̀wɛ e yìwìà ko Jɔpà yèè è naiŋ kɔ̀ ko Sesèlià, yèè yàwi nààŋ gbiŋ naiŋ jɔ̀ ko sààŋ Kɔ̀nilìɔ̀.

Nyɛ̀nɛ̀ŋ 11:12 ပူးပေါင်းရင်းမြစ်များ

Maafiù 1:20

E teengaà wo Jòòsɛ yaà wa goongo wèè wo tɛɛ̀ nyɛ̀nɛ̀ŋ lɛ, wo màìkà Kanaà Dayà nauŋ fòlò feìŋ e gɔagòo sùà yèè wò naŋ wòò wo Jòòsɛ wààŋ, “Jòòsɛ, jɔ̀àfèlàà Dèèweɔ̀, e jùù ɓɔ̀ è nyɛ̀nɛ̀um wèè mùŋ do ɓèmè wò Mèèle wò do nɔ̀ŋ wò jawèum. Esaɓù kɛ̀, e gààŋ Jìnàŋ Nɛɛmaàŋ sùà wò naŋ ɓèmè le sùà.

Jɔ̀ɔŋ 16:13

Wo Jìnàaŋ tɔɔ̀ e tɔ̀ɔ̀nyaàaŋ wɔ̀, yèè wò do nàŋ kaikpɔ hnè wèè woiŋ yɛ̀mɛ̀ diɛŋ e tɔ̀ɔ̀nyaàŋ kɛnɛɛ̀ sùà. Wo Jinàaŋ fè gbòà è gààŋ wuŋ biɛ̀ sùà. Wò do nàŋ wòò e yèɛ gbiŋ wò naŋ kòmò mìŋ naŋ woò lɛ. Yèè wò doiŋ nàŋ wòò e yèɛ yaà hinie e kaaìŋ lɛ.

Nyɛ̀nɛ̀ŋ 1:15

Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 10:23

Wo Pììlɛ naŋ jɔ̀ɔ̀yɛ̀ aŋ wùìya nyɛɛ̀ŋ ko saaìŋ, yèè wò naŋ nyiŋ woò wààŋ aŋ jàwà wèè wɔŋ dùmɔ̀ɔŋ. Wɔŋ niìsìaà ke ɗɔɔɛ̀ bàa, wo Pììlɛ yèè anyùùŋ màŋjɛ̀wɛ̀ wo Kanaà Jisɛ̀ nyaŋ bà ko Jɔpà naŋ dè aŋ felaa nyàŋ naŋ yèwè ko gbòò Kɔ̀nilìɔ̀ nyaŋ maŋjɛ̀wɛ yèè àŋ naŋ kɔ̀.

Nyɛ̀nɛ̀ŋ 10:45

È naŋ wa fòònò anyuùŋ hààwe nyàŋ aŋ Juùù nyaŋ sùà aŋ yè nyaŋ naŋ wa dè wo Pììlɛ maŋjɛ̀wɛ nyàŋ e yìwìà ko Jɔpà, esaɓù kɛ̀ wo Jìnàŋ Nɛɛmaàŋ naŋ wa nɔ̀ŋ kìɛuŋ koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ fè kpùà jàa nyiŋ nyàŋ.

Nyɛ̀nɛ̀ŋ 11:13

Wò naŋ wi wòò e ɗeweɛ̀ wò naŋ yɛ̀mɛ̀ wo màikà wò sia ko saauŋ niìŋ. Wo màikàa nauŋ woò wààŋ wo tùàŋ anyùùŋ bà ko Jɔpà wèè wo felaa bà àŋ nyaaŋ wo Saimɔ̀ŋ Piilɛ̀.

Nyɛ̀nɛ̀ŋ 13:2

E teengaà àŋ yaà wa zòòlò wo Kanaà yèè àŋ yaà kùwìè ke tɔùŋ lɛ, wo Jìnàŋ Nɛɛmaàŋ naŋ nyiŋ woò wààŋ, “Jàaìŋ wo Bànaŋɓà yèè wo Sɔɔ̀ e ɓula weèim wèè e tòmoɛ̀ mìŋ naŋ nyiŋ nyààŋ wèè aŋ nyɛ̀nɛ̀ŋ lɛ.”

Nyɛ̀nɛ̀ŋ 13:4

Nààŋ wo Jìnàŋ Nɛɛmaàŋ naŋ tùɔ̀ŋ wo Bànaŋɓà yaà wo Sɔɔ̀, àŋ naŋ kɔ̀ ko Sèlesìà. E yìwìà kuii àŋ naŋ wa sɛ̀ɛ̀ wɔŋ meeè sùà yèè àŋ naŋ kɔ̀ ko Sapulɔ̀.

Nyɛ̀nɛ̀ŋ 15:7

Nààŋ àŋ naŋ niŋ kpaane kpàànè wèè e teenga mùnlaŋ bà, wo Pììlɛ naŋ sie yèè wò naŋ nyiŋ woò wààŋ, “Wùìyaim nyàŋ, nàŋ nyìmàŋ kɛ̀ wo Dayà naim wa tàeɗùù e teenga gɔu bà sùà wèè ka wòò Ebò Siaàŋ koɓɛ̀ anyùùŋ nyaŋ fè àŋ Juùù nyaŋ. Wo Dayà naŋ wa tɛɛ̀ nyɛ̀nɛ̀ŋ wèè aŋ kòmàŋ niŋ e kìlà aŋ kɛɛnɛ̀ŋ hààwe.

Nyɛ̀nɛ̀ŋ 15:9

Wo kuwà è tɛɛ gòòno yàwi nyiŋ è fèemàŋ. Àŋ naŋ sìè e hààwe nyiŋ nɛ̀ wo Dayà sùà, yèè wò naŋ nyɛ̀nɛ̀ŋ maŋ jii nyiŋ màŋ maŋ zɛ̀nɛ̀ŋ.

Nyɛ̀nɛ̀ŋ 28:15

Anyuùŋ hààwe nyàŋ ko Luùm naŋ kòmò ebò wi yèè àŋ naŋ hnè e bòliɛ̀ sùà ko Apiɔ̀ yèè koɓɛ̀i àŋ nyaaŋ wa nyààŋ maŋ Sààŋ Nyùnèè Nyɛ̀ìŋ Taai màŋ wèè aŋ wi mɛɛ̀ŋ. Nààŋ wo Pɔɔ̀ naŋ nyiŋ wa yɛmɛ̀, wò naŋ wa gè wo Dayà esɛ̀ weè nyiŋ yèè è nauŋ kìɛ̀ŋ ke jii nyingè.

Nyɛ̀nɛ̀ŋ 8:29

Yèè wo Jinàŋ Nɛɛmaàŋ naŋ wòò wo Felè wààŋ, “Kɔ̀à koɓɛ̀ wɔŋ gɔ̀ sòo wiiŋ yèè muŋ sie wuŋ kɔɔ fɔ̀ɔ̀.”

Luùm 3:22

Wo Dayà jaa nɔŋ anyùùŋ kùàŋ dìì e tɔ̀ɔ̀nyaàŋ sùà esàɓù e hààweɛ̀ àŋ kuwa wo Jisɛ̀ Kulaì sùà lɛ. Wo Dayà nyɛnɛŋ tɛɛ̀ koɓɛ̀ anyùùŋ nyaŋ gbiŋ kuwa hààwe wo Jisɛ̀ Kulaì sùà nyaŋ, esaɓù kɛ̀ aŋ gbiŋ naŋ seenè kpaŋ.

2Tɛsè 2:2

ke jii ɓɔ̀ kè diiyèiŋ nɔŋ fɔ̀ɔ̀yɔ̀ è gòngoiŋ nɛ̀ sùà ɔ̀ɔ̀ naŋ kùwìè màŋ jii sùlia, wèè è wòoɛ̀ kɛ̀ ke ɗɔ̀ɔ̀ Kanaà kè haì. Ɗɔɔ bà è yaà wɔ̀i e gòngo sùà è naŋ tɛɛ̀ woò e teengaà è yààìŋ fèe sùà maŋ mìè nyààŋ wɛ̀ijì, ɔ̀ɔ̀ è yààìŋ wòò ke mìè Dayà, ɔ̀ɔ̀ kɛ̀ è naiŋ sìngè wɔŋ fɛi sùà.

Maŋ kèì nyɛɛnɛŋ 22:17

Wo Jìnàŋ Nɛɛmaàŋ yaà wo jɔunɔ̀ɔŋ wo Ɓaawaaà do nàŋ ɓemè wɔ naŋ woò nyààŋ, “Hnaàŋ!” Wo nyùnɔ̀ɔŋ gbiŋ komo tɛɛ̀ wɔ wo woò wààŋ, “Hnaàŋ!” Hnaàŋ, nyɛ̀iŋ nyàŋ gbiŋ nìŋ yaà ke jòòmàì sùà nyaŋ. Kùwaìŋ e wùìyèɛ kuwa wɔŋ nyiiŋ gèeɔ̀ lɛ wèè e nɔ̀ŋ e nɛ̀ŋ kìɛŋ, koɓɛ̀ wo nyùnɔ̀ɔŋ gbiŋ mànàŋ niìŋ wɔ.