Nyɛ̀nɛ̀ŋ 10:9 - WƆŊ FƐ̀Ì EBÒ SÌÀŊ DAYÀA

⁹ Wɔŋ niìsìaà bàa, nààŋ anyùùŋ nyɛɛ̀ŋ yaà wa dòmaŋ àŋ yaà hinie yèè àŋ naŋ gbɛ̀ɛ̀ ko Jɔpà, wo Pììlɛ naŋ jòwò ke saaàŋ dìmɛ̀ e gɔɛɛ gɛ̀ɛ̀ ɗìò tɛɛɛ̀ wèè wo zoolò.

Nyɛ̀nɛ̀ŋ 10:9 ပူးပေါင်းရင်းမြစ်များ

Maafiù 20:5

Yèè àŋ nao kɔ̀. Wo kenàaŋ naŋ ɓɛìŋ kɔ̀ e bòliɛ̀ sùà e gɔɛɛ gbòà zììyà jɛ̀wɛ̀ tìyèeɛ̀, yèè wò naŋ ɓɛìŋ kɔ̀ e gɔɛɛ gbòà taaà diɛŋ e koya gɔɛɛ. Wò naŋ ɓɛìŋ yɛ̀mɛ̀ anyùùŋ àŋ siao foo yèè wò naŋ nyiŋ ɓɛìŋ wòò e kèì guùŋ nɛ.

Maafiù 24:17

Wo nyùnɔ̀ɔŋ gbiŋ nɔ̀ŋ ke saaŋ dìmɛ̀ wɔ ɓɔ̀ wò dè wèè wo jɔ̀à ko saaìŋ wèè woo gè è nɛ̀ŋ gbiŋ.

Maafiù 27:45

E gɔɛɛ hàì ɗìò tɛɛ, e dììɛ wɔŋ fuɔɔ̀ŋ gbiŋ naŋ wa kùwò nyìwì. Ke nyìwìɛ nao wa nɔ̀ŋ wèè e hààwà taai.

Maafiù 6:6

Kɛɛ sèè mùŋ woà mààŋ muŋ zoolò, jɔ̀à ko saaŋ zɔ̀nù moo muŋ yìlà wɔŋ gbemgbeeɔ̀. Zòòloò koɓɛ̀ wo Dèda mɔɔ̀ŋ ke gbùnuo sùà. Yèè wo Dèda mɔɔ̀ŋ naŋ nyìmè e nɛ̀ɛŋ mùŋ naŋ nyɛ̀nɛ̀ŋ ke gbùnuo sùà lɛ, wò doum nàŋ kìɛ̀ŋ e jìwààjɛ̀wɛ̀ siaŋ.

Nyɛ̀nɛ̀ŋ 10:3

Ke ɗɔ̀ɔ̀ guùŋ bà e gɔɛɛ gbòà taaà e koya gɔɛɛ, wo Kɔ̀nilìɔ̀ naŋ gò e gɔa, yèè wò naŋ yɛ̀mɛ̀ wo màìkà Dayà wò naŋ hnè ko nɛ̀ɛ̀uŋ niìŋ wò nauŋ woò wààŋ, “Kɔ̀nilìɔ̀!”

Nyɛ̀nɛ̀ŋ 6:4

Kpeiŋ yàwi bi, è doiŋ naŋ kìlè e gòngo wilɛ̀ gbiŋ koɓɛ̀ e zòòlo yèè e tòmò ke mìè Dayàa gbòa.”

Ɛfesɔ̀ 6:18

Nyìniaìŋ tɛɛ̀ gbiŋ e zòòlo sùà, nìŋ yaà dààwè Dayà wèè e kpùùmaŋ. Zòòloìŋ ke nyɛ̀nɛŋ gbiŋ sùà, nààŋ nɔŋ wo Jinàaŋ siàìŋ feìŋ nɛ. E wèè esaɓù lɛɛ̀, nɔ̀ɔìŋ fɛɛ̀ wòwò yèè e bɔ̀mɔ̀ŋ ɓɔ̀ è wùìyàiŋ, zòòloìŋ e teenga gbiŋ wèè anyùùŋ nɛɛmaŋ nyàŋ.

1Time 2:8

E zòòlò anyùùŋ hààwe gbiŋ sùà mìŋ manaŋ aŋ felaa nyàŋ aŋ zoolò, aŋ felaa nyàŋ naŋ sìè e hààwe nyiŋ nɛ̀ wo Dayà nɛɛmaàŋ sùà nyaŋ yèè àŋ joowà maŋ kùàŋ zòòlo gò kùwìè màŋ jii bìya e kìlà aŋ fè nyɛ̀nɛ̀ŋ nyaàŋ tàaŋ nyàŋ.