Nyɛ̀nɛ̀ŋ 10:8 - WƆŊ FƐ̀Ì EBÒ SÌÀŊ DAYÀA

⁸ Wò naŋ nyiŋ wòò e keìɛ naŋ kaaìŋ lɛ yèè wò naŋ nyiŋ tùɔ̀ŋ ko Jɔpà.

Nyɛ̀nɛ̀ŋ 10:8 ပူးပေါင်းရင်းမြစ်များ

Nyɛ̀nɛ̀ŋ 10:17

Nààŋ wo Pììlɛ yaà wa goongo kɛ̀ kiìŋ e gɔa gòo lɛɛ̀ naŋ fasàì, aŋ felaa nyàŋ wo Kɔ̀nilìɔ̀ naŋ wa tùɔ̀ŋ nyaŋ naŋ nɔ̀ɔ̀ŋ daawe kpoloo, yèè àŋ naŋ hàì wɔŋ gbàngiɔ̀ yɛmgbɛ̀ ko gbooì wo Saimɔ̀ŋ Piilɛ̀ yaà wa lɛ̀.

Nyɛ̀nɛ̀ŋ 10:33

Mìŋ naŋ tùɔ̀ŋ weèum fiò, yèè mùŋ naŋ niŋ jàà kùàŋ dìì mùŋ naŋ hnè. Yàwi nààŋ gbiŋ kòò è yààìŋ kià wo Kànà Dayàa fɛɛ̀feìŋ, wèè eiŋ kòmàŋ e yèɛ wo Kanaà naum woò lɛ.”

Nyɛ̀nɛ̀ŋ 10:7

Yèè wo màikàa naŋ kɔ̀ nààŋ wò nauŋ kpɛ̀ɛ̀yɛ̀ kɔɔ gbòa. Wo Kɔ̀nilìɔ̀ naŋ nyààŋ aŋ ɓɔìjɔ̀à tòmouŋ nyàŋ àŋ tìyèe yèè wo kààlòòɗùàuŋ nɔɔ̀ŋ bà guùŋ, wo yèɔ hewa zòòlò Dayà wɔ.

Nyɛ̀nɛ̀ŋ 26:19

Wo Pɔɔ̀ naŋ ɓɛìŋ woò wààŋ, “Nààŋ è yaà lɛ, Kanaà Àgulepɔ̀, miŋ gò wa gììyà è gɔ̀à gò jɛ̀ì lɛɛ̀ màŋhɛɛ e yìwìà kò àìjɛnɛ̀ŋ.

Nyɛ̀nɛ̀ŋ 9:36

Wo nìe kɛ̀ɛ̀nɛ̀ŋ hààwe bà yaò wa àŋ nyaaŋ wo Tàbità. E Guliì deeuŋ nɛ̀ nàŋ yaà wa wo Dɔkà. Wò hewa jòò ko jawa bà àŋ nyaaŋ ko Jɔpà. Wo nìe wɛɛ̀ hewa nyìnìàŋ anyùùŋ e keì sìàŋ e tèèngà nyiiŋ geuŋ nɔɔ̀ŋ gbiŋ sùà yèè wò kpuumàŋ wa anyuùŋ pɔ̀ɔ nyàŋ zimgbe.

Nyɛ̀nɛ̀ŋ 9:38

Ko Jɔpà gò wa diidìì e yìwìà kò Leɗià. Yèè nààŋ anyuùŋ hààwe nyàŋ ko Jɔpà naŋ wa kòmò kɛ̀ wo Pììlɛ yaà wa ko Leɗià, àŋ naŋ wa tùɔ̀ŋ aŋ fèlàà tìyèe ko nɛ̀ɛ̀uŋ niìŋ wèè auŋ pɔwɔ̀ nyààŋ, “Kɔ̀nɛɛ̀ŋ, hnaàŋ ko nɛ̀ɛ̀ŋ wiì fiò.”

Nyɛ̀nɛ̀ŋ 9:42

Ebò keì lɛɛ̀ naŋ ɓààyè maŋ tàta màŋ gbiŋ sùà ko Jɔpà, yèè è naŋ wa nyɛ̀nɛ̀ŋ anyuùŋ zimgbe naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

Nyɛ̀nɛ̀ŋ 9:43

Wo Pììlɛ naŋ wa nɔ̀ŋ ko Jɔpà ko gbòò wo kenàŋ bà àŋ nyaaŋ wo Saimɔ̀ŋ, wo yèɔ hewa tòòmò maŋ fɛ̀ì yilì wèè manɛ̀ŋ zimgbe bàne.

Gàla 1:16

wèè woim tɔ̀ɔ̀ wo Jɔ̀àfelaauŋ nɔɔ̀ŋ, yèè ka wòò ke mìè gbìàŋ Ebò Siauŋ nɛ̀ koɓɛ̀ anyùùŋ nyaŋ fè àŋ Juùù nyaŋ. Miŋ gò wa kà koɓɛ̀ wò nyùùŋ gbiŋ wèè kè mìè gòo.