Nyɛ̀nɛ̀ŋ 10:43 - WƆŊ FƐ̀Ì EBÒ SÌÀŊ DAYÀA

⁴³ Wèè wuŋ aŋ wɛ̀ijì nyaŋ gbiŋ naŋ wa gbòò ke mìè seì, kɛ̀ wo nyùnɔ̀ɔŋ gbiŋ haawàuŋ wɔ, maŋ jùumùuŋ màŋ do nàŋ nɔ̀ŋ hakɛ̀ jùùya miŋ esàɓù e deèuŋ nɛ̀ sùà.”

Nyɛ̀nɛ̀ŋ 10:43 ပူးပေါင်းရင်းမြစ်များ

Luù 24:47

Maŋ fɛi màŋ naŋ ɓɛìŋ woò wààŋ aŋ woò ke miè gbìaàŋ e deè mɛ̀ diɛŋ koɓɛ̀ anyuùŋ kpùuŋ nyàŋ gbiŋ e ɗuunyaàŋ kɛ̀ aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài, yèè e tɔɔtù ko Jùlusɛ̀làm wèè maŋ jùumù nyiŋ màŋ nɔ̀ŋ hakɛ̀ jùùya miŋ.

Jɔ̀ɔŋ 1:45

Wo Felè naŋ mɛ̀ɛ̀ŋ wo Nàntanyàŋ yèè wò nauŋ woò wààŋ, “Èiŋ mɛ̀ɛ̀ŋ wo Jisɛ̀ e yìwìà ko Naazɔ̀ɛ̀, wo jɔ̀àfèlàà Jòòsɛɔ̀ wo yèɔ maŋ Sàwà Mòòze màŋ yèè aŋ Wɛ̀ijì nyaŋ naŋ wa sìngè kiiuŋ wɔ̀.”

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Nyɛ̀nɛ̀ŋ 15:9

Wo kuwà è tɛɛ gòòno yàwi nyiŋ è fèemàŋ. Àŋ naŋ sìè e hààwe nyiŋ nɛ̀ wo Dayà sùà, yèè wò naŋ nyɛ̀nɛ̀ŋ maŋ jii nyiŋ màŋ maŋ zɛ̀nɛ̀ŋ.

Nyɛ̀nɛ̀ŋ 2:38

Wo Pììlɛ naŋ nyiŋ fasàì wààŋ, “Kìlaìŋ koɓɛ̀ Dayài, e kìlà nyɛ̀iŋ nààŋ gbiŋ niŋ nɔ̀ŋ gùaiŋ e dèè Jisɛ̀ Kulaìɛ diɛŋ, wèè maŋ jùumùiŋ màŋ nɔ̀ŋ hakɛ̀ jùùya miŋ, yèè kɛ̀ nìŋ do nàŋ yɛ̀mɛ̀ e kìɛ̀ŋ wo Jìnàŋ Nɛɛmaàŋ.

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Nyɛ̀nɛ̀ŋ 26:22

Kɛɛ wo Dayà naim kpuumò e teenga lɛɛ̀ gbiŋ sùà. Kà kìɛ̀ŋ ke mìè seì koɓɛ̀ anyuùŋ pɔ̀ɔ nyàŋ yèè anyuùŋ bàne nyàŋ. Mìŋ naŋ nyiŋ wòò e yèɛ nɔŋ aŋ wɛ̀ijì nyaŋ yèè wo Mòòze naŋ woò kɛ̀ è do nàŋ kaaìŋ lɛ.

Nyɛ̀nɛ̀ŋ 3:16

E yìwìà e hààwe e dèè Jisɛ̀ɛ sùà naŋ wa kìɛ̀ŋ e gààŋ wo felaa wɛɛ̀ nìŋ yɛmɛ̀ yaà yèè nìŋ naŋ nyìmè wɔ. E yìwìà e hààwe e dèè Kanaà Jisɛ̀ɛ sùà naŋ nyɛ̀nɛ̀ŋ wo felaa wɛɛ̀ naŋ jòèyè kpɛlɛmɛɛŋ, nààŋ nìŋ yàuŋ yɛɛmɛ lɛ̀.

Nyɛ̀nɛ̀ŋ 3:18

Wo Dayà naŋ wa gbùùyè aŋ keela nyàŋ gbiŋ sùà e teenga gɔu kɛ̀ wo Keela tàeɗùùuŋ nɔɔ̀ŋ kuwa wa wo kà e mɔ̀ɔ̀nɛ̀ŋ dìì, yèè wo Dayà naŋ nyɛ̀nɛ̀ŋ è naŋ hɛɛnɛ̀ŋ wɔŋ dòmanyaaŋ wɛɛ̀ŋ.

Luùm 10:11

Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ kuwa hààwe wo Dayà sùà wɔ, e sàngè naàuŋ kùwò.”

Luùm 3:21

Èiŋ naàŋ nyìmàŋ e ɗeweɛ̀ wo Dayà jaa nyùùŋ kùàŋ dìì wèè wo nɔ̀ŋ nyùùŋ tɔ̀ɔ̀nyaàŋ lɛ. E fè wèè eiŋ jɔ̀ɔ̀lɔ̀ màŋ sàwà maŋ dìì, jòòpɛɛ maŋ Sàwà Dayà maŋ yèè aŋ wɛ̀ijì nyaŋ naŋ kìɛ̀ŋ ke mìè seì e weè niŋ.

Luùm 5:1

E yìwìà e hààwe wilɛ̀ sùà, wo Dayà wò wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè è kùwàìŋ naàŋ ke jii fàa koɓɛ̀ Dayài esàɓù wo Kana wiɔ̀ Jisɛ̀ Kulaì sùà.

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

Luùm 8:1

Weètii sèè è nɔ̀ŋ yɛi, e keì naàŋ jèè ànyùùŋ nyaŋ yaà àŋ bà nyiŋ bà wò Jisɛ̀ Kulaì sùà nyaŋ.

Luùm 8:34

Ɓòò nàŋ do nyiŋ naàŋ nàŋ hèè e kiti diɛŋ? E naàŋ nɔ̀ŋ wò Jisɛ̀ Kulaì, wo yèɔ naŋ fɔ̀ e kìlà wo Dayà nauŋ gè e fàaà dìì wɔ, yèè kòò wò jaa naàŋ wɔŋ kùàŋ jìkà Dayàa, wò yàaùŋ pɔɔwɔ weè wi.

Gàla 3:22

Kɛɛ wɔŋ fɛ̀ì Dayàa naŋ woò wààŋ, anyuùŋ kpùuŋ nyàŋ gbiŋ àŋ yaà e gààŋ jùumù dìì. Yèè weètii, e ɗààhiìɛ wo Dayà naŋ wa ɓemè lɛ, è do nàŋ nɔ̀ŋ wèè anyùùŋ nyaŋ gbiŋ naŋ hààwè wo Jisɛ̀ Kulaì nyaŋ.

Ɛfesɔ̀ 1:7

Esàɓù maŋ sɛ̀ìŋ Jisɛ̀ Kulaì maŋ sùà wo Dayà naŋ wi bilɛ̀ŋ wèè foo, tii naŋ tɔɔ̀ kɛ̀ wò jùùyà maŋ jùumù wi màŋ hakɛ̀. E tɛ̀ɛ̀tɛ̀ɛ̀ Dayàa naŋ dɛɛ̀,

Kòlo 1:14

e yìwìà esàɓù wo yèɔ è naiŋ nɔ̀ŋ bìlɛŋ wi wɔ̀, tii naŋ tɔɔ̀ kɛ̀ wò naŋ jùùyè maŋ jùumù wi màŋ hakɛ̀.

Hiɓu 13:20

Tɔɔɓaa, wo Dayà naŋ gè wo Kana wiɔ̀ Jisɛ̀ e fàaà dìì. Wo Jisɛ̀ yaà mààŋ wo nyuùŋ tùnìàŋ ɓaawaa gbee, wo yèɔ naŋ wùɔ̀ŋ maŋ sɛ̀nùuŋ màŋ wèè wo banè e ɗààhìì e mìèsùàguùŋ wèè julɔfɔ e fèèmàŋ Dayà yaà anyunùuŋ nyàŋ. Tɔ̀ wo Dàyà jii fàaà kiɛ̀iŋ e tɛ̀ɛ̀tɛ̀ɛ̀ɛ gbiŋ nìŋ manaŋ lɛ̀, wèè kɛ̀ niŋ nyɛ̀nɛ̀ŋ e yèɛ wò manaŋ lɛ̀. Tɔ̀ esàɓù Jisɛ̀ Kulaìɛ nyɛ̀nɛ̀ŋ wo Dayà toomò wi sùà wèè e nyɛ̀nɛ̀iŋ e yèɛ fɔɔyɛ̀uŋ jii lɛ̀. Yèè tɔ̀ e jòòwo nɔ̀ŋ koɓɛ̀ Jisɛ̀ Kulaìi wèè julɔfɔ yèè julɔfɔ. Àmiinàŋ!

1Pììlɛ 1:11

Àŋ naŋ fɛ̀ɛ̀ wèè aŋ nyìmàŋ kɛ̀ kiìŋ nàŋ do nàŋ nɔ̀ŋ e teengaà, yèè dièsɔa è do nàŋ hnè. Tɛɛ̀ nàŋ yaà wa e teengaà, e yèɛ wo Jìnàŋ Jisɛ̀ Kulaìɔ yàà nyiìŋ sùà wɔ, yaà wa tɔ̀ɔ sùà kiiyò, nààŋ wò yaà nyiìŋ wa wòò e kèì ko dòmàŋfeìŋ e nyaàiŋ dè e keì nyìngaà wo Jisɛ̀ Kulaì kuwa wèè wo kà dìì yèè e jòòwo gbeeɛ̀ doiŋ nàŋ dè maŋjɛ̀wɛ lɛ̀.

Maŋ kèì nyɛɛnɛŋ 19:10

Mìŋ naŋ dè maŋ gɛ̀ɛ̀nìim màŋ ko dììnaŋ wèè kauŋ zoolò, kɛɛ wò naim woò wààŋ, “Kpele, ɓɔ̀ mùŋ nyɛ̀nɛ̀ŋ niŋ! Mìŋ yaà wo ɓɔìjɔ̀à mààŋ muàŋ bi yèè anyuùŋ hààwe gbànaŋ nyàŋ, aŋ yè nyaŋ gbiŋ naŋ haawè yèè àŋ naŋ kìɛ̀ŋ mìè seì e nyaàiŋ dè e tɔ̀ɔ̀nyaàŋ wo Jisɛ̀ naŋ gɔ̀àì sùà lɛ. Zòòloò wo Dayà wuŋ guùŋ!” E tɔ̀ɔ̀nyaàŋ wo Jisɛ̀ naŋ gɔ̀àì sùà lɛ naŋ yaà e yèɛ sie aŋ wɛ̀ijì nyaŋ ke di wo jinàaŋ sùà.