Nyɛ̀nɛ̀ŋ 10:41 - WƆŊ FƐ̀Ì EBÒ SÌÀŊ DAYÀA

⁴¹ Anyùùŋ nyaŋ gbiŋ nààŋ gòuŋ wa yɛmɛ̀. Yàwi nɔŋ nauŋ wa yɛmɛ̀, yàwi yè nyaŋ yèè wuŋ naiŋ wa jììyè nɛ̀ŋje yèè è naiŋ tììyè koɓɛ̀ guùŋ nyaŋ nààŋ wò naŋ wa yèwè e fàaà dìì. Yàwi nàŋ yaà aŋ sèì nyaŋ wo Dayà naŋ wa tàeɗùù wèè e wòò ebòuŋ nɛ̀ koɓɛ̀ anyùùŋ.

Nyɛ̀nɛ̀ŋ 10:41 ပူးပေါင်းရင်းမြစ်များ

Luù 24:30

Wò naŋ jɛi wèè yaà nyiŋ aŋ jènɛ̀ŋ, kpeiŋ wò naŋ ɓèmè e gbɔ̀u yèè wò naŋ niŋ zòòlò diɛŋ. Wò naŋ niŋ nyime nyìmè wo nyiŋ niŋ kiɛ̀ŋ.

Luù 24:48

Nìŋ yaà aŋ sèì wèè maŋ keì mɛɛ̀ŋ gbiŋ.

Jɔ̀ɔŋ 14:17

Yèè wo Jìnàŋ tɔ̀ɔ̀nyaàaŋ doiŋ nàŋ kaikpɔ tɔɔ̀ kɛ̀ ɓòò nàŋ yaà wo Dayà. Anyuùŋ gò kɛ̀ɛ̀nɛ̀ŋ hààwe nyàŋ e ɗuunyaŋ lɛɛ̀ naàŋ jàà wò Jìnàŋ Nɛɛmaàŋ kùàŋ dìì màŋ jii nyiŋ màŋ sùà wèè wo nɔ̀ŋ wò nyuùŋ kpùùmaŋ nyiŋ, esaɓù kɛ̀ aŋ fòuŋ yɛmɛ̀ ɔ̀ɔ̀ aŋ nyimààuŋ. Kɛɛ nàŋ nyìmàŋ wo Jinàaŋ, wo yèɔ yààìŋ kɔɔ yèè wò do nàŋ nɔ̀ŋ maŋ nyiiŋ gèeiŋ màŋ sùà wɔ.”

Jɔ̀ɔŋ 14:19

E teenga kpàa bà sùà, anyùùŋ nyaŋ e ɗuunyaàŋ naàim wa nàwèè ɓɛìŋ yɛmɛ̀, kɛɛ nyɛ̀iŋ nìŋ doim nàŋ yɛmɛ̀. Yèè e fèfoo nààŋ mìŋ yaà wɔŋ nyiiŋ gèeɔ̀ sùà, nyɛ̀iŋ pɛɛ nìŋ do nàŋ nɔ̀ŋ wɔŋ nyiiŋ gèeo sùà.

Jɔ̀ɔŋ 14:22

Kpeiŋ wo Juɗà, e fè wò Juɗà Àkaaliɔ̀, naŋ dawè wààŋ, “Kanaà, kiìŋ nàŋ yaà e fàsai mɔ̀ɛ̀ nààŋ mùŋ naŋ woò mààŋ mùŋ do naŋ kɛ̀ɛ̀ ko nɛ̀ɛ̀ŋ wiì màànààŋ nɔŋ mùŋ yaà lɛ, kɛɛ muŋ naàŋ hnè kòɓɛ̀ ànyùùŋ nyaŋ è ɗuunyaŋ lɛɛ̀?”

Jɔ̀ɔŋ 15:16

Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 15:27

Yèè nyɛ̀iŋ pɛɛ nìŋ do nàŋ nɔ̀ŋ aŋ sèì, esaɓù kɛ̀ èiŋ nɔ̀ŋ koɓɛ̀ guùŋ e yìwìà ko tɔ̀ɔ̀tù maŋ keì mɛɛ̀ŋ gbiŋ.

Jɔ̀ɔŋ 21:13

Wo Jisɛ̀ naŋ ɓèmè ke gbɔ̀uɛ̀ bà yèè wò naŋ nyiŋ kiɛ̀ŋ. Eɓìèmàŋjɛ̀wɛ̀ tii wò naŋ ɓɛìŋ ɓèmè wo kɛìɔ bà yèè wò naŋ nyiŋ wuŋ kiɛ̀ŋ.

Nyɛ̀nɛ̀ŋ 1:4

E teengaà wo Kanaà Jisɛ̀ yaà anyùùŋ màŋjɛ̀wɛ̀uŋ nyàŋ naŋ wa dèènè koɓɛ̀ guùŋ nɛ, wò naŋ nyiŋ wa kìɛ̀ŋ e go nyìnga wààŋ, “Ɓɔ̀ nìŋ yèwà kò Jùlusɛ̀làm, kɛɛ fòlaìŋ e nɛ̀ŋ kìɛɛ̀ŋ wo Dèda miɔ̀ŋ naiŋ wa wòò kii niŋ lɛ̀, e nɛ̀ŋ kìɛɛ̀ŋ wo Dèda miɔ̀ŋ naŋ wa jɔ̀ɔ̀ e ɗààhiì kɛ̀ wò doiŋ nàŋ kiɛ̀ŋ lɛ.

Nyɛ̀nɛ̀ŋ 10:39

Yàwi nààŋ gbiŋ è yààìŋ aŋ sèì e nyaàiŋ dè maŋ keì maŋ gbiŋ wo Jisɛ̀ naŋ nyɛ̀nɛ̀ŋ maŋ ko Ezɔ̀ɛ̀ wɔŋ fùɔ̀ŋ aŋ Juùù nyaŋ sùà yèè ko Jùlusɛ̀làm. Àŋ nauŋ wa jìwìè wɔŋ vànèkpaaà diɛŋ.

Nyɛ̀nɛ̀ŋ 13:31

yèè e teenga zimgbe wo Jisɛ̀ naŋ wa fòlò aŋ nyùùŋ màŋjɛ̀wɛ̀uŋ nyàŋ fèìŋ, aŋ yè nyaŋ heuŋ wa kààìŋ maŋjɛ̀wɛ e yìwìà ko Galaliì e kà ko Jùlusɛ̀làm. Kòò àŋ yaà naàŋ kìɛ̀ŋ sùà maŋ mìè seì e nyaàiŋ euŋ dè koɓɛ̀ anyuùŋ wi nyàŋ.