Nyɛ̀nɛ̀ŋ 10:4 - WƆŊ FƐ̀Ì EBÒ SÌÀŊ DAYÀA

⁴ E jùùɛ naŋ wa nyɛ̀nɛ̀ŋ wo Kɔ̀nilìɔ̀ yèè wò naŋ yɛ̀mɛ̀ wo màikàa sɛiiŋ yèè wò nauŋ woò wààŋ, “Kiìŋ nàŋ yaà e fàsàì tɛɛ̀, Dàa?” Wo màikàa nauŋ fasàì wààŋ, “Wo Dayà jàà e zòòlo mɔ̀ɛ̀ yèè manɛ̀ŋ kìɛum màŋ kùàŋ dìì koɓɛ̀ anyuùŋ pɔ̀ɔ nyàŋ, yèè wò naàŋ wèè woum fasàì.

Nyɛ̀nɛ̀ŋ 10:4 ပူးပေါင်းရင်းမြစ်များ

Maafiù 26:13

Mìŋ woòiŋ e tɔɔɓaaà, kɛ̀ koɓɛ̀i gbiŋ àŋ do nàŋ wòò ke mìè gbìàŋ Ebò Siaŋ lɛɛ̀ e ɗuunyaŋ lɛɛ̀ dìì lɛ, ebò wo nìe wɛɛ̀ doo nàŋ haì wèè e nɛ̀ɛŋ wò naŋ nyɛ̀nɛ̀ŋ lɛ wèè auŋ jààèjii.”

Luù 1:29

Ke jìì Mèèleɛ̀ naŋ wa tawe nààŋ wò naŋ kòmò ke miè gbìaàŋ wo màikàa naŋ woò lɛ, yèè wò naŋ kùùnò gòngo sèè mààŋ kiìŋ e zùùmò màikàa naŋ fasàì.

Luù 24:5

E jùùɛ naŋ wa nyɛ̀nɛ̀ŋ aŋ jɔùŋ nyaŋ, yèè àŋ naŋ gbùwò maŋ dewà nyiŋ maŋ dììnaŋ. Kɛɛ aŋ felaa nyàŋ naŋ nyiŋ wa dawè nyààŋ, “Wèè kiìŋ nìŋ yaà yɛ̀mɛ̀ anyuùŋ fàa nyàŋ tɛɛ wèè wo nyùnɔ̀ɔŋ yaà wɔŋ nyiiŋ gèeɔ̀ sùà wɔ?

Nyɛ̀nɛ̀ŋ 10:31

yèè wò naim woò wààŋ, ‘Kɔ̀nilìɔ̀! Wo Dayà jàà e zòòlo mɔ̀ɛ̀ yèè manɛ̀ŋ kìɛŋ zimgbeum màŋ kùàŋ dèè koɓɛ̀ anyuùŋ pɔ̀ɔ nyàŋ.

Nyɛ̀nɛ̀ŋ 14:9

Wo felaaà jaao wa wò yaà kùmìè e yèɛ wo Pɔɔ̀ yaà wa woo lɛ̀. Nààŋ wo Pɔɔ̀ nauŋ wa yɛmɛ̀ kɛ̀ wò kuwa e hààwe wo Jisɛ̀ sùà yèè wò wa ɓɛ̀nɛ̀ŋ nɔ̀ŋ sùngauŋ, wo Pɔɔ̀ naŋ yɛ̀mɛ̀ wo felaaà dììŋ

Nyɛ̀nɛ̀ŋ 22:10

Yèè mìŋ naŋ dawè mìàŋ, ‘Kiìŋ mùŋ manaŋ ka nyɛ̀nɛ̀ŋ, Kanaà?’ Wo Kanaà naim woò wààŋ, ‘Yewà dìì yèè muŋ ka ko Dàmakɔ̀, kuŋ wo nyùùŋ doum nàŋ woò kɛ̀ kiìŋ mùŋ do nàŋ nyɛ̀nɛ̀ŋ.’

Nyɛ̀nɛ̀ŋ 3:4

Wo Pììlɛ yèè wo Jɔ̀ɔŋ nauŋ yɛmɛ̀ sɛiŋ, yèè wo Pììlɛ nauŋ woò wààŋ, “Yɛ̀mɛ̀ wi weè!”

Fèle 4:18

Wɔŋ fɛ̀ì ke sɛ̀ gèe miɔ̀ŋ wɛɛ̀ŋ, wèè manɛ̀ŋ maŋ gbiŋ nìŋ naim kiɛ̀ŋ maŋ, yèè manɛ̀ŋ bi naŋ gàŋ zimgbe. Ke jii miɛ̀ŋ naŋ fɔ̀ wèè manɛ̀ŋ maŋ gbiŋ nìŋ naŋ kìɛ̀ŋ wo Ɛ̀pàfoditɔ̀ wèè woim hiàŋ maŋ. Manɛ̀ŋ kìɛŋ mɛɛ̀ŋ, màŋ yaà mààŋ manɛ̀ŋ kɛnɛ àŋ naŋ gììyè saaà koɓɛ̀ Dayài.

Fèle 4:6

Ɓɔ̀ mùŋ dangè è gòngo mɔ̀ɛ̀ è doum jìwà, kɛɛ sèè mùŋ zoolà koɓɛ̀ Dayài, wòòuŋ kɛ̀ kiìŋ mùŋ manaŋ wo nyɛ̀nɛ̀ŋ weèum. Yèè e teenga gbiŋ sèè mùŋ zoolà, gè wo Dayà ke sɛ̀.

Hiɓu 13:16

Ɓɔ̀ nìŋ nyɛɛnɛ̀ŋ wèè naŋ kpùùmàŋ kè gbòò Dayà zòòloɛ̀, tɛɛ̀ nàŋ yaà e saaà gèeɛ̀ fɔɔyɛ̀ Dayà jii lɛ̀.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.

Maŋ kèì nyɛɛnɛŋ 8:4

Kè kòmò maŋ kùùkɔ̀ɔ̀ dò siaŋ màŋ naŋ jòwò ke nyiliɛ̀ koɓɛ̀ Dayài, ke kòà e zòòlò anyùùŋ nɛɛmaŋ nyàŋ e yìwìà wo màikàa sia wo Dayà fɛɛ̀feìŋ wɔ.