Nyɛ̀nɛ̀ŋ 10:34 - WƆŊ FƐ̀Ì EBÒ SÌÀŊ DAYÀA

³⁴ Wo Pììlɛ naŋ tɔ̀ɔ̀tù gbòa wààŋ, “Kà naàŋ nyìmàŋ kɛ̀ è yaà tɔ̀ɔ̀nyaàŋ kɛ̀ wo Dayà kuwà wò nyuùŋ mànaŋ titi, kɛɛ wò manaŋ anyùùŋ nyaŋ gbiŋ e seenè kpaŋ.

Nyɛ̀nɛ̀ŋ 10:34 ပူးပေါင်းရင်းမြစ်များ

Maafiù 22:16

Kpeiŋ àŋ naŋ tùɔ̀ŋ anyùùŋ màŋjɛ̀wɛ̀ aŋ Fɛlosiì nyaŋ bà yèè anyùùŋ bà e yìwìà e Kànà Hɛɛlɔ̀ɛ dìì wèè auŋ dawè nyààŋ, “Kààmɔɔŋ, è nyìmàŋ kɛ̀ mùŋ naŋ jeè, yèè muŋ woà wo nyùùŋ gbiŋ e tɔɔɓaaà ke dòmàŋ Dayàa diɛŋ, muŋ fè dùàŋ è gòngò kìì nyuùŋkpùuŋ nɛ̀, esaɓù kɛ̀ muŋ fè jàà kè jii mɔɛ̀ŋ è nɔ̀ŋ kìì nyùùŋ gbiŋ màŋjɛ̀wɛ.

Maafiù 5:2

yèè wò naŋ nyiŋ tɔ̀ɔ̀tù kàa wààŋ,

Luù 20:21

Anyùùŋ kàaɓì nyɛɛ̀ŋ naŋ dàwè wo Jisɛ̀ nyààŋ, “Kààmɔɔŋ, è nyìmàŋ kɛ̀ e nɛ̀ɛŋ mùŋ woà yèè mùŋ kaà lɛ è yaà tɔ̀ɔ̀nyaàŋ. Muŋ fè dùàŋ è gòngò kìì nyuùŋkpùuŋ, mùŋ woà ke mìè Dayàa e tɔ̀ɔ̀nyaàŋ diɛŋ.

Nyɛ̀nɛ̀ŋ 10:33

Mìŋ naŋ tùɔ̀ŋ weèum fiò, yèè mùŋ naŋ niŋ jàà kùàŋ dìì mùŋ naŋ hnè. Yàwi nààŋ gbiŋ kòò è yààìŋ kià wo Kànà Dayàa fɛɛ̀feìŋ, wèè eiŋ kòmàŋ e yèɛ wo Kanaà naum woò lɛ.”

Nyɛ̀nɛ̀ŋ 15:9

Wo kuwà è tɛɛ gòòno yàwi nyiŋ è fèemàŋ. Àŋ naŋ sìè e hààwe nyiŋ nɛ̀ wo Dayà sùà, yèè wò naŋ nyɛ̀nɛ̀ŋ maŋ jii nyiŋ màŋ maŋ zɛ̀nɛ̀ŋ.

Nyɛ̀nɛ̀ŋ 8:35

Wo Felè naŋ tɔ̀ɔ̀tù gbòa e yìwìà koɓɛ̀ yaà wɔŋ fɛ̀ì Dayàa sùà, yèè wò nauŋ wòò Ebò Siaàŋ e nyaàiŋ dè wo Jisɛ̀.

Luùm 2:11

Wo Dayà do tɛɛ̀ nàŋ nyɛ̀nɛ̀ŋ e tɔ̀ɔ̀nyaàŋ sùà, esaɓù kɛ̀ wo fè nyangè e kìlà wò gbaì anyùùŋ nyaŋ gbiŋ e ɗèwè guùŋ nɛ sùà.

Luùm 3:29

Nyɛ̀iŋ nààŋ Juùù nyaŋ, nìŋ gongà kɛ̀ nyɛ̀iŋ guùŋ nɔŋ wo Dayà do nàŋ jàà kùàŋ dìì? Tɔɔɓaa nyìmaìŋ kɛ̀ wò do nàŋ jàà anyùùŋ nyaŋ fè àŋ Juùù nyaŋ nyiŋ pɛɛ kùàŋ dìì.

Gàla 2:6

Aŋ bà nyiŋ do wa weè nàŋ nɔ̀ŋ aŋ sìèfeìŋ kɛnɛ, kɛɛ miŋ gò wa kpɛɛ̀ŋ kɛ̀ ɓòò nàŋ yaà nyiìŋ. Wo Dayà fè nyangè! Aŋ tèènè aŋ sìèfeìŋ titi nyɛɛ̀ŋ bà gbiŋ gò wa tòòyà è nɛ̀ŋ bà gbiŋ kòɓɛ̀ kè miè gbìaŋ miɛ̀ŋ.

Ɛfesɔ̀ 6:9

Nyuùŋ kɛ̀ɛ̀nɛ̀ŋ ɗo nyàŋ, kùwaìŋ aŋ ɗoiŋ nyàŋ e ɓɛ̀ɛ̀jàa guùŋ nɛɛ̀ sùà, hùàneìŋ nyiŋ sìà e jùù. Jàaìŋ jii kɛ̀ nyɛ̀iŋ yèè aŋ ɗoiŋ nyàŋ, nìŋ kuwa wo kɛ̀ɛ̀nɛ̀ŋ guùŋ ko àìjɛnɛ̀ŋ, yèè wo fè nyangè.

Kòlo 3:11

E tɛɛ gòòno fòo sèè pɛɛ naŋ nɔ̀ŋ anyùùŋ nyaŋ fè àŋ Juùù nyaŋ ɔ̀ɔ̀ àŋ Juùù nyuuŋ, ɔ̀ɔ̀ aiŋ jàà kpùa ɔ̀ɔ̀ naŋ nɔ̀ŋ anyuùŋ gò jàà kpùa, anyùùŋ maŋ fuɔŋ joo, anyùùŋ ɓie gò nyìmàŋ è kèè kò ɓài, aŋ ɗo, yèè anyùùŋ nyaŋ fè àŋ ɗo nyàŋ, kɛɛ wo Jisɛ̀ Kulaì nàŋ yaà e nɛ̀ɛŋ gbiŋ, e kìlà wo Jisɛ̀ Kulaì wò yaà e nɛ̀ɛŋ gbiŋ sùà.

Kòlo 3:25

Anyuùŋ nyɛ̀nɛ̀ŋ maŋ tùwo naanààŋ nyaŋ gbiŋ do nàŋ yɛ̀mɛ̀ e jìwààjɛ̀wɛ̀ wèè maŋ tùwo naanààŋ maŋ gbiŋ àŋ naŋ nyɛ̀nɛ̀ŋ maŋ, esaɓù kɛ̀ wo Dayà gbaì anyùùŋ gbiŋ e ɗèwè guùŋ nɛ sùà.

Jìiiŋ 2:1

Nyɛ̀iŋ nààŋ wùìyaim nyàŋ, nìŋ kuwa e hààweɛ̀ wo Kànà ɓɛ̀ɛ̀jàa wiɔ̀ Jisɛ̀ Kulaì sùà, ɓɔ̀ nìŋ kùwà ànyùùŋ nyaŋ bà nyiŋ tɛ̀ɛ̀ naŋ nyìnìàŋ àŋ bà nyiŋ fɛɛ̀ nìngè wèè è nɔ̀ŋ kii nyiŋ nɛ̀.

Jìiiŋ 2:4

Kɛ̀ nàŋ nyɛ̀nɛ̀ŋ naanààŋ, nàŋ hìàŋ e tɛɛ gòòno nyɛ̀iŋ bi e fèemàŋ e kìlà nàŋ nɔ̀ŋ mààŋ anyuùŋ hàà kiti naanààŋ.

Jìiiŋ 2:9

Kɛɛ sèè naŋ tɔ̀ɔ̀ e nyànge e fèemàŋ kɛ̀ nàŋ nyɛ̀nɛ̀ŋ keì naanààŋ, yèè ke Sàwà Dayàa naŋ kaà kɛ̀ nàŋ ɓèmè e jùumù.

1Pììlɛ 1:17

Nìŋ nyaaŋ Dayà Dèda, sèè nìŋ nɔ̀ŋ zoolo, wo yèɔ gbaì e keì koɓɛ̀ anyùùŋ nyaŋ gbiŋ e ɗèwè guùŋ nɛ e yìwìà e tùwò kìì nyùùŋ gbiŋ sùà wɔ. Wèètii, e jùù nɔ̀iŋ kɔɔ sùà wèè Dayà maŋ nyiiŋ gèe gbànaiŋ màŋ sùà e ɗuunyaàŋ diɛŋ.