Nyɛ̀nɛ̀ŋ 10:33 - WƆŊ FƐ̀Ì EBÒ SÌÀŊ DAYÀA

³³ Mìŋ naŋ tùɔ̀ŋ weèum fiò, yèè mùŋ naŋ niŋ jàà kùàŋ dìì mùŋ naŋ hnè. Yàwi nààŋ gbiŋ kòò è yààìŋ kià wo Kànà Dayàa fɛɛ̀feìŋ, wèè eiŋ kòmàŋ e yèɛ wo Kanaà naum woò lɛ.”

Nyɛ̀nɛ̀ŋ 10:33 ပူးပေါင်းရင်းမြစ်များ

Maafiù 18:4

Wo gbeeɔ̀ e Kànà àìjɛnɛ̀ɛŋ sùà nàŋ yaà wo nyùnɔ̀ɔŋ deeyà wuŋ bi yèè wo nɔ̀ŋ mààŋ wo jɔ̀àkàiŋ jɔa mààŋ wɛɛ̀.

Maafiù 19:30

Kɛɛ anyùùŋ nyaŋ zimgbe nyiŋ yaà naàŋ aŋ jiɛ̀jiɛ̀ nyaŋ lɛ̀, do nàŋ nɔ̀ŋ anyuùŋ dìàmaŋ nyàŋ, yèè anyuùŋ nyaŋ zimgbe nyiŋ yaà naàŋ aŋ dìàmaŋ nyàŋ lɛ, do nàŋ nɔ̀ŋ anyuùŋ jiɛ̀jiɛ̀ nyaŋ.”

Nyɛ̀nɛ̀ŋ 10:32

Weètii tuàŋ wo nyùùŋ ko Jɔpà ko gbòò wo kenàŋ bà àŋ nyaaŋ Saimɔ̀ŋ Piilɛ̀. Wò yaà wo nyùùnèènyɛiŋ ko gbòò kenàŋ bà àŋ nyaaŋ Saimɔ̀ŋ, wo nyuùŋ tòòmò maŋ fɛ̀ì yilì wèè manɛ̀ŋ bàneɔ̀, wo yèɔ joà wɔŋ juwoɔ̀ kɔɔ wɔ̀.’

Nyɛ̀nɛ̀ŋ 10:34

Wo Pììlɛ naŋ tɔ̀ɔ̀tù gbòa wààŋ, “Kà naàŋ nyìmàŋ kɛ̀ è yaà tɔ̀ɔ̀nyaàŋ kɛ̀ wo Dayà kuwà wò nyuùŋ mànaŋ titi, kɛɛ wò manaŋ anyùùŋ nyaŋ gbiŋ e seenè kpaŋ.

Nyɛ̀nɛ̀ŋ 28:28

Wo Pɔɔ̀ naŋ kpɛ̀ɛ̀yɛ̀ gbòa wààŋ, “Nyìmaìŋ kɛ̀ wo Dayà manaŋ wo jòèyè anyùùŋ nyaŋ fè àŋ Juùù nyaŋ! E kìlà àŋ do nàŋ jàà maŋ nùŋ dìì aŋ kumiàŋ tɛ̀ɛ̀.” [

1 Kɔliìŋ 3:18

Ɓɔ̀ nìŋ zuwò nyɛ̀iŋ bi. Sèè wo nyùùŋ gbiŋ naŋ gongò kɛ̀ wò naŋ kɛ̀ɛ̀jii maŋ kèì ɗuunyaŋ mɛɛ̀ŋ sùà, kɛ̀ sɔɔ̀ maŋ nyɛ̀nɛ̀ŋ zùwo wèè maŋ kɛ̀ɛ̀nɛ̀ŋ kɛ̀ɛ̀jii.

Gàla 4:14

E sàaŋ mɛ̀ èiŋ wa wèè ɓɛ̀nɛ̀ŋ hìàŋ maŋ keì nyìnga bà diɛŋ, kɛɛ niŋ gòim wa wùàŋ ɔ̀ɔ̀ naim fè jɛwɛ esàɓù sàaàŋ e kɔɔ mɛ̀ sùà. Nìŋ naim wa jàà kùàŋ dìì e teenè mààŋ mìŋ yaà wo màìkà Dayàa bà guùŋ, ɔ̀ɔ̀ mààŋ wo Jisɛ̀ Kulaì wuŋ bi.

1Tɛsè 2:13

Esaɓù joo bà kòò è yaà ɓɛìŋ wèè e nɛ̀ɛŋ è gèìŋ Dayà ke sɛ̀ weè niŋ lɛ̀. Tiŋ nàŋ yaà, e teengaà è naiŋ hìɛ̀ŋ ke mìè gbìàŋ Dayàa lɛ̀, nìŋ naŋ nyiŋ kòmò yèè nìŋ naŋ nyiŋ jàà kùàŋ dìì, e fè mààŋ kè miè gbìaŋ è yìwìà nyuùŋkpùuŋ sìwè. Kè yaà ke mìè gbìàŋ Dayà ke yèɛ yaà e tɔ̀ɔ̀nyaàŋ lɛ. Nyɛ̀iŋ nyàŋ nìŋ naŋ haawè nyaŋ, wo Dayà yààìŋ sùà wò yaà toomo.

Jìiiŋ 1:19

Nyɛ̀iŋ nààŋ wùìya mànaim nyàŋ, nyìmaìŋ tɛɛ̀! Tɔ̀ wo nyùùŋ gbiŋ nɔ̀ŋ fiò wèè wo kòmàŋ maŋ kàìŋ, kɛɛ ɓɔ̀ wò gbòà fiò. Ɓɔ̀ wò tuù fiò.

Jìiiŋ 1:21

Weètii gèeìŋ maŋ nyɛ̀nɛŋ kùwà niŋ naŋ màŋ yaà maŋ kpèè naanààiŋ màŋ gbiŋ kùàŋ sùà maŋ yè maŋ anyùùŋ nyaŋ yaà nyinie màŋ. Yèè maŋ miè gbìaŋ màŋ wo Dayà naiŋ gbìɛ̀ŋ maŋ jiio sùà maŋ, jɔ̀ɔ̀lɔìŋ miŋ dìì yèè niŋ nyɛ̀nɛ̀ŋ e nɛ̀ɛŋ màŋ naŋ woò lɛ. Esaɓù kɛ̀ ke miè gbìaŋ yii kuwa gààŋ wèè ke jòèyè wɔŋ nyiiŋ mɔɔ̀ŋ.