Nyɛ̀nɛ̀ŋ 10:32 - WƆŊ FƐ̀Ì EBÒ SÌÀŊ DAYÀA

³² Weètii tuàŋ wo nyùùŋ ko Jɔpà ko gbòò wo kenàŋ bà àŋ nyaaŋ Saimɔ̀ŋ Piilɛ̀. Wò yaà wo nyùùnèènyɛiŋ ko gbòò kenàŋ bà àŋ nyaaŋ Saimɔ̀ŋ, wo nyuùŋ tòòmò maŋ fɛ̀ì yilì wèè manɛ̀ŋ bàneɔ̀, wo yèɔ joà wɔŋ juwoɔ̀ kɔɔ wɔ̀.’

Nyɛ̀nɛ̀ŋ 10:32 ပူးပေါင်းရင်းမြစ်များ

Jɔ̀ɔŋ 18:28

È yaà wa maŋ nyiìŋ tɛ̀tɛ̀ wɔŋ niìsìaà bàa, àŋ naŋ gè wo Jisɛ̀ ko gbòò Kaifɔ̀, yèè àŋ nauŋ kɔ̀ɔ̀ ko sààŋ gbèè kanaà Paalè, wo kànà anyùùŋ ko Luùm nyaŋ. Kɛɛ anyùùŋ nyaŋ gbiŋ naŋ wa sìè ko jɔɔlèe ko fulieuŋ. Sèè wo bà gbiŋ woo wa weè jɔ̀à, wò naàŋ wa weè nɔ̀ŋ è zɛ̀nɛuŋ wèè wo jè e nɛ̀ŋjè wɔ̀ŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.

Jɔ̀ɔŋ 4:9

Kpeiŋ wo nìeɔ̀ e yìwìà ko Sàmilià naŋ fàsàì wo Jisɛ̀ wààŋ, “Dièsɔa tɛɛ̀ naŋ ɓɛ̀nɛ̀ŋ hɛ̀ɛ̀nɛŋ wèè muàŋ maim dawè wèè e wuiyè tìa, tiiŋ zà mùŋ yaà wo Juùù nyuuŋ, yèè mìŋ yaà wo jɔùŋ e yìwìà ko Sàmilià? Màŋ nyìmàŋ fo kɛ̀ aŋ Juùù nyaŋ yaà anyùùŋ nyaŋ e yìwìà ko Sàmilià fè kpùlìà kè nyɛ̀nɛŋ.”

Nyɛ̀nɛ̀ŋ 10:31

yèè wò naim woò wààŋ, ‘Kɔ̀nilìɔ̀! Wo Dayà jàà e zòòlo mɔ̀ɛ̀ yèè manɛ̀ŋ kìɛŋ zimgbeum màŋ kùàŋ dèè koɓɛ̀ anyuùŋ pɔ̀ɔ nyàŋ.

Nyɛ̀nɛ̀ŋ 10:33

Mìŋ naŋ tùɔ̀ŋ weèum fiò, yèè mùŋ naŋ niŋ jàà kùàŋ dìì mùŋ naŋ hnè. Yàwi nààŋ gbiŋ kòò è yààìŋ kià wo Kànà Dayàa fɛɛ̀feìŋ, wèè eiŋ kòmàŋ e yèɛ wo Kanaà naum woò lɛ.”

Nyɛ̀nɛ̀ŋ 10:5

Weètii tuàŋ anyùùŋ ko Jɔpà, wèè wo felaa bà àŋ nyaaŋ wo Saimɔ̀ŋ Piilɛ̀.

Nyɛ̀nɛ̀ŋ 11:14

Wò doum nàŋ kìɛ̀ŋ maŋ miè gbìaŋ maŋ yè maŋ do nàŋ jòèyè muàŋ yèè anyunùum nyàŋ gbiŋ ko gboo moo.

Nyɛ̀nɛ̀ŋ 11:3

“Mùŋ naŋ mɛ̀iŋ kɔ̀ maŋ gbòòkùàŋ anyùùŋ nyaŋ fè àŋ Juùù aŋ yè nyaŋ fè kpùa jàa nyàŋ yèè nyɛ̀iŋ nyiŋ naŋ jììyè e nɛ̀ŋje koɓɛ̀ guùŋ!”

Nyɛ̀nɛ̀ŋ 15:7

Nààŋ àŋ naŋ niŋ kpaane kpàànè wèè e teenga mùnlaŋ bà, wo Pììlɛ naŋ sie yèè wò naŋ nyiŋ woò wààŋ, “Wùìyaim nyàŋ, nàŋ nyìmàŋ kɛ̀ wo Dayà naim wa tàeɗùù e teenga gɔu bà sùà wèè ka wòò Ebò Siaàŋ koɓɛ̀ anyùùŋ nyaŋ fè àŋ Juùù nyaŋ. Wo Dayà naŋ wa tɛɛ̀ nyɛ̀nɛ̀ŋ wèè aŋ kòmàŋ niŋ e kìlà aŋ kɛɛnɛ̀ŋ hààwe.

Nyɛ̀nɛ̀ŋ 16:9

Wɔŋ dùùm wiiŋ, wo Pɔɔ̀ naŋ gò e gɔa, wò naŋ yɛ̀mɛ̀ wo felaa bà e yìwìà ko Mɛ̀sèdonià wò siao wò yàaùŋ pɔɔwɔ wààŋ, “Hnaàŋ ko Mɛ̀sèdonià muŋ kpuumàŋ wi.”

Nyɛ̀nɛ̀ŋ 9:43

Wo Pììlɛ naŋ wa nɔ̀ŋ ko Jɔpà ko gbòò wo kenàŋ bà àŋ nyaaŋ wo Saimɔ̀ŋ, wo yèɔ hewa tòòmò maŋ fɛ̀ì yilì wèè manɛ̀ŋ zimgbe bàne.

Nyɛ̀nɛ̀ŋ 9:6

Wo Jisɛ̀ nauŋ woò wààŋ, “Yewà dìì yèè muŋ ka ko jawa gbeeì, wo nyùùŋ bà doum nàŋ woò kɛ̀ kiìŋ mùŋ do nàŋ nyɛ̀nɛ̀ŋ.”