Nyɛ̀nɛ̀ŋ 10:31 - WƆŊ FƐ̀Ì EBÒ SÌÀŊ DAYÀA

³¹ yèè wò naim woò wààŋ, ‘Kɔ̀nilìɔ̀! Wo Dayà jàà e zòòlo mɔ̀ɛ̀ yèè manɛ̀ŋ kìɛŋ zimgbeum màŋ kùàŋ dèè koɓɛ̀ anyuùŋ pɔ̀ɔ nyàŋ.

Nyɛ̀nɛ̀ŋ 10:31 ပူးပေါင်းရင်းမြစ်များ

Luù 1:13

Kɛɛ wo màikàa nauŋ woò wààŋ, “E jùù ɓɔ̀ è nyɛ̀nɛ̀um Zakalayà! Wo Dayà jàà e zòòlo mɔ̀ɛ̀ kùàŋ dìì, yèè wo jawè mɔɔ̀ŋ Ìlesebɛ̀ɛ̀ do nàŋ kòmò wo jɔ̀àfelaa weèum. Mùŋ kuwa mauŋ jàà e dèèɛ Jɔ̀ɔŋ.

Nyɛ̀nɛ̀ŋ 10:30

Wo Kɔ̀nilìɔ̀ naŋ fasàì wààŋ, “Maŋ ɗɔ̀ɔ̀ tiinàŋ naàŋ mààŋ, nààŋ mìŋ yaà mɛ̀iŋ zoolo e gɔɛɛ gbòà taaà e koya gɔɛɛ ko saaŋ mio. Ko fɛɛ̀feìŋ, wo felaa gɔ̀àì maŋ deè fùà naim sìè ko fɛɛ̀feìŋ

Nyɛ̀nɛ̀ŋ 10:32

Weètii tuàŋ wo nyùùŋ ko Jɔpà ko gbòò wo kenàŋ bà àŋ nyaaŋ Saimɔ̀ŋ Piilɛ̀. Wò yaà wo nyùùnèènyɛiŋ ko gbòò kenàŋ bà àŋ nyaaŋ Saimɔ̀ŋ, wo nyuùŋ tòòmò maŋ fɛ̀ì yilì wèè manɛ̀ŋ bàneɔ̀, wo yèɔ joà wɔŋ juwoɔ̀ kɔɔ wɔ̀.’

Nyɛ̀nɛ̀ŋ 10:4

E jùùɛ naŋ wa nyɛ̀nɛ̀ŋ wo Kɔ̀nilìɔ̀ yèè wò naŋ yɛ̀mɛ̀ wo màikàa sɛiiŋ yèè wò nauŋ woò wààŋ, “Kiìŋ nàŋ yaà e fàsàì tɛɛ̀, Dàa?” Wo màikàa nauŋ fasàì wààŋ, “Wo Dayà jàà e zòòlo mɔ̀ɛ̀ yèè manɛ̀ŋ kìɛum màŋ kùàŋ dìì koɓɛ̀ anyuùŋ pɔ̀ɔ nyàŋ, yèè wò naàŋ wèè woum fasàì.

Fèle 4:18

Wɔŋ fɛ̀ì ke sɛ̀ gèe miɔ̀ŋ wɛɛ̀ŋ, wèè manɛ̀ŋ maŋ gbiŋ nìŋ naim kiɛ̀ŋ maŋ, yèè manɛ̀ŋ bi naŋ gàŋ zimgbe. Ke jii miɛ̀ŋ naŋ fɔ̀ wèè manɛ̀ŋ maŋ gbiŋ nìŋ naŋ kìɛ̀ŋ wo Ɛ̀pàfoditɔ̀ wèè woim hiàŋ maŋ. Manɛ̀ŋ kìɛŋ mɛɛ̀ŋ, màŋ yaà mààŋ manɛ̀ŋ kɛnɛ àŋ naŋ gììyè saaà koɓɛ̀ Dayài.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.

Maŋ kèì nyɛɛnɛŋ 5:8

Nààŋ wo Ɓaawaaà nauŋ gè wɔŋ fɛi fùngò fungoɔ̀ sìwè, maŋ ɗòlònɛ̀ŋ tiinàŋ maŋ yaà aŋ màmàŋkùmɛŋ kpɛ̀ùŋ jɛ̀wɛ̀ tiinàŋ nyaŋ naŋ dè maŋ gɛ̀ɛ̀nìŋ nyiŋ màŋ dììnaŋ ko fɛ̀ɛ̀fèìŋ wo Ɓaawaaà. Wo bà guùŋ gbiŋ kuwa wa ke kɔningai yaà wɔŋ gòoò gɛ̀i, wɔ̀ŋ naŋ dìè maŋ kùùkɔ̀ɔ̀ dò siaŋ. Miiŋ nàŋ yaà wa maŋ zòòlò anyùùŋ nɛɛmaŋ nyàŋ.