Nyɛ̀nɛ̀ŋ 10:23 - WƆŊ FƐ̀Ì EBÒ SÌÀŊ DAYÀA

²³ Wo Pììlɛ naŋ jɔ̀ɔ̀yɛ̀ aŋ wùìya nyɛɛ̀ŋ ko saaìŋ, yèè wò naŋ nyiŋ woò wààŋ aŋ jàwà wèè wɔŋ dùmɔ̀ɔŋ. Wɔŋ niìsìaà ke ɗɔɔɛ̀ bàa, wo Pììlɛ yèè anyùùŋ màŋjɛ̀wɛ̀ wo Kanaà Jisɛ̀ nyaŋ bà ko Jɔpà naŋ dè aŋ felaa nyàŋ naŋ yèwè ko gbòò Kɔ̀nilìɔ̀ nyaŋ maŋjɛ̀wɛ yèè àŋ naŋ kɔ̀.

Nyɛ̀nɛ̀ŋ 10:23 ပူးပေါင်းရင်းမြစ်များ

Nyɛ̀nɛ̀ŋ 1:15

Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 10:29

Weètii mìŋ naŋ nyimèè mìŋ naŋ kià hnè. Kɛɛ tɔ̀ miŋ dawè, wèè kiìŋ mùŋ naŋ tùɔ̀ŋ weèim?”

Nyɛ̀nɛ̀ŋ 10:33

Mìŋ naŋ tùɔ̀ŋ weèum fiò, yèè mùŋ naŋ niŋ jàà kùàŋ dìì mùŋ naŋ hnè. Yàwi nààŋ gbiŋ kòò è yààìŋ kià wo Kànà Dayàa fɛɛ̀feìŋ, wèè eiŋ kòmàŋ e yèɛ wo Kanaà naum woò lɛ.”

Nyɛ̀nɛ̀ŋ 10:45

È naŋ wa fòònò anyuùŋ hààwe nyàŋ aŋ Juùù nyaŋ sùà aŋ yè nyaŋ naŋ wa dè wo Pììlɛ maŋjɛ̀wɛ nyàŋ e yìwìà ko Jɔpà, esaɓù kɛ̀ wo Jìnàŋ Nɛɛmaàŋ naŋ wa nɔ̀ŋ kìɛuŋ koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ fè kpùà jàa nyiŋ nyàŋ.

Nyɛ̀nɛ̀ŋ 11:12

Wo Jìnàŋ Nɛɛmaàŋ naim woò wààŋ miŋ dè nyiŋ maŋjɛ̀wɛ e kaiŋ e kìlà wààŋ ɓɔ̀ mìŋ gè màŋhɛɛ. Anyuùŋ hààwe nyàŋ àŋ nɔɔnɔŋ dièguùŋ naim dè maŋjɛ̀wɛ e yìwìà ko Jɔpà yèè è naiŋ kɔ̀ ko Sesèlià, yèè yàwi nààŋ gbiŋ naiŋ jɔ̀ ko sààŋ Kɔ̀nilìɔ̀.

Nyɛ̀nɛ̀ŋ 28:15

Anyuùŋ hààwe nyàŋ ko Luùm naŋ kòmò ebò wi yèè àŋ naŋ hnè e bòliɛ̀ sùà ko Apiɔ̀ yèè koɓɛ̀i àŋ nyaaŋ wa nyààŋ maŋ Sààŋ Nyùnèè Nyɛ̀ìŋ Taai màŋ wèè aŋ wi mɛɛ̀ŋ. Nààŋ wo Pɔɔ̀ naŋ nyiŋ wa yɛmɛ̀, wò naŋ wa gè wo Dayà esɛ̀ weè nyiŋ yèè è nauŋ kìɛ̀ŋ ke jii nyingè.

Nyɛ̀nɛ̀ŋ 9:36

Wo nìe kɛ̀ɛ̀nɛ̀ŋ hààwe bà yaò wa àŋ nyaaŋ wo Tàbità. E Guliì deeuŋ nɛ̀ nàŋ yaà wa wo Dɔkà. Wò hewa jòò ko jawa bà àŋ nyaaŋ ko Jɔpà. Wo nìe wɛɛ̀ hewa nyìnìàŋ anyùùŋ e keì sìàŋ e tèèngà nyiiŋ geuŋ nɔɔ̀ŋ gbiŋ sùà yèè wò kpuumàŋ wa anyuùŋ pɔ̀ɔ nyàŋ zimgbe.

Nyɛ̀nɛ̀ŋ 9:38

Ko Jɔpà gò wa diidìì e yìwìà kò Leɗià. Yèè nààŋ anyuùŋ hààwe nyàŋ ko Jɔpà naŋ wa kòmò kɛ̀ wo Pììlɛ yaà wa ko Leɗià, àŋ naŋ wa tùɔ̀ŋ aŋ fèlàà tìyèe ko nɛ̀ɛ̀uŋ niìŋ wèè auŋ pɔwɔ̀ nyààŋ, “Kɔ̀nɛɛ̀ŋ, hnaàŋ ko nɛ̀ɛ̀ŋ wiì fiò.”

Nyɛ̀nɛ̀ŋ 9:42

Ebò keì lɛɛ̀ naŋ ɓààyè maŋ tàta màŋ gbiŋ sùà ko Jɔpà, yèè è naŋ wa nyɛ̀nɛ̀ŋ anyuùŋ zimgbe naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

2 Kɔliìŋ 8:21

Esaɓù wilɛ̀ nàŋ yaà wèè eiŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ, yèè e fè nɔ̀ŋ wèè kò fɛ̀ɛ̀fèìŋ Kanaà wuŋ guùŋ, sɔɔ̀ ko fɛ̀ɛ̀fèìŋ nyuùŋkpùuŋ nyàŋ nyiŋ pɛɛ.

Hiɓu 13:2

Jàaìŋ aŋ nyùnèènyɛiŋ kùàŋ dìì maŋ gbooiŋ màŋ sùà. Anyùùŋ bà naŋ wa tɛɛ̀ nyɛ̀nɛ̀ŋ, yèè àŋ naŋ jàà aŋ màikà kùàŋ dìì, kɛɛ aŋ nyìmààŋ wa kɛ̀ àŋ màikà nyaŋ.

1Pììlɛ 4:9

Jàaìŋ anyùùŋ kùàŋ dìì maŋ gbooiŋ màŋ sùà, yèè ɓɔ̀ nìŋ gulìà ɗìòsùà wèètii.